John 4:21 - Patamuna New Testament Revised

²¹ Jesus uya ipàk, “Nossan, ailon kakkà upàk, pata weyu nùyàssan màlà yattai sàlà wùk po wapùla Jerusalem po Ukàipùnù nama pe yapulà pen nen uchi màlà.

John 4:21 ပူးပေါင်းရင်းမြစ်များ

Matthew 18:20

Masapùla asa'lon kon wapùla àsolùwawon kon wepilichak uyesek yau yattai, molo wechi màlà tok piyau,” teppù Jesus uya.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Luke 21:24

Kasupala ke tok wànà màlà, molopai yachisak kon pe tamù'nawolon pata yamùk yak tok yalà, Jew yamùk pen uya Jerusalem wasappàtù màlà tùweyu kon wenukapù ponalà,” teppù ya.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 16:2

Tok uya eyenpakka kon màlà Jew yamùk wepilittok itak yamùk tapai. Wei nùyàssan ànù'là àwànài'nokon uya Katù ponaloppe tùwe'wotokoma kon pe tok uya yekama màlà.

John 16:32

Tùse wei nùyàssan, molopai iyàkkassak man, ewetta'nùttok kon yattai. Ewemeippàtù kon màlà apata kon yak tewin pàk, molopai unàmà auya'nokon màlà tewincha. Tùse tewincha pùla wessaik, masapùla Ukàipùnù upyau man.

John 4:23

Pata weyu nùyàssan molopai iyàkkassak man ailon pe yapulànnan uya Ukàipùnù nama pe yapulà màlà, ailon pe molopai takkwalù kon ke, masapùla mùkyamlo yekkwa ton tùnama pe tapulànnan iche màlà Katù wechi.

John 5:25

Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.

John 5:28

Kesenumenkatàu kulu sàlà pàk, pata weyu nùyàssan, tamù'nawàlà uluwaik yawon kon uya imaimu yetatok yattai.

Yeunossak kon Wotokoyi 6:14

“Masapùla ina netatai, ‘Pùsàlà Jesus Nazareth pon uya, Katù yùwùk yamokklopù màlà molopai enupantok mùyakanma ya màlà te ya, màlà kan enupantok Moses uya lùppù pàk!’ ” teppù tok uya.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Ephesians 3:14

Màlàpàk uchi uyese'mu yok tùwenasen Iulà Kùkàipùnù kon yemloto po.

1 Timothy 2:8

Sochi pàk we'nà yattai'ne kàyik yamùk wàpùlema iche wessaik, kàyik yamùk Katù yemyak iwettùsak kon molopai temyatù kon tenkaik tùwàpùlemasan yek tùwe'naikaik pùla wapùla tùusàulàmaik pùla.

1 Peter 1:17

“Ina Kàipùnù” tawonnan pe ewechi kon, tamù'nawolon kon kappon yamùk pàk, “suwa messaik” tawon, tok nùkupùppù yawàlà ekkaichalà pàk; uchi emattàk kon talà sàlà non po inamatok molopai yapulàtok auya'nokon yau.

Revelation 21:22

Katù yùwùk yeneppù uya pata yau pen màlà, masapùla Imàlà là Mùkkàlà Itùwùk, Itepulu Katù, Mùkkàlà neken Meluntà, molopai Kalinilu Mule.