John 3:5 - Patamuna New Testament Revised

⁵ Jesus uya imaimu yeikuppù, “Ailon kulu sàlà, ànù'là tuna yai, molopai Wakù Akkwalù yai iwentusak pen wewomù Katù wettok itepulu pe yak pen màlà teuya sàlà.

John 3:5 ပူးပေါင်းရင်းမြစ်များ

Matthew 18:3

Molopai, “Ailon kulu sàlà, ewemyakanmasak kon molopai mule yamùk kasa ewenasak kon pùla iwechi yau, ewewomù itepulu pe we'nàtok epùn po yak pen màlà.

Matthew 19:24

Tekamatukkayaik àpàkù'nokon, sa'man pe pùla lùiwa camel wepakka akkussa yenu yeuta yai wechi màlà. Mamin yesak wewomù itepulu pe we'nàtok epùn po yak yentai,” teppù nàlà màlà.

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Matthew 5:20

Tekamayaik àpàkù'nokon Pharisee yamùk molopai Law pàk enupannan yentai ikasa lùiwa pùla ewechi kon yau, itepulu pe we'nàtok epùn po yak ewewomù kon pen màlà,” teppù Jesus uya.

Mark 10:14

Màlà yensak Jesus uya yau tùwakùli pe pùla ittuppù ya molopai tùnenupaton pàk, “Tàwà mule yamùk nùyàpùi upyak. Tok kùseleutanùttàu! Masapùla Katù wechi màlà pùsamlo walainon ponaloppe,” teppù.

Mark 16:16

“Ànù'là ailon tukaik ichenpataukasak kon wepùikattà màlà. Tùse ànù'là ailon tawon pen wechi màlà àli pe tùwettok pàkànsau tùwettalumattà pàk.

Mark 9:47

Molopai eyenu uya uwinàpai ewelatà toppe àkupù yau, imokkakà! Wakù pe lùiwa iwechi màlà tewin itenu Katù wettok itepulu pe yau ewechi talà yau, asa'là itenu apok tùusa'nùssen pen yak àutà yentai.

Luke 13:24

“Wakù pe ànùttu kon ikuttàk kon ettakkù manatta yai ewewomù kon pa. Masapùla tukkan kon kappon yamùk wechi màlà tùwewomùiche' nokon tùse tok wewomù pen màlà, ukayaik àpàkù'nokon.”

Luke 13:3

Kane! Tekamayaik àpàkù'nokon. Amakuyi kon winàpai ewelattà kon pùla iwechi yau, màlà kasa nàlà aumatta kon màlà tamù'nawàlà,” teppù Jesus uya.

Luke 13:5

Kane! Tekamayaik àpàkù'nokon. Amakuyi kon winàpai ewelattà kon pùla iwechi yau, màlà kasa nàlà aumatta kon màlà tamù'nawàlà,” teppù Jesus uya.

John 1:13

Pùsamlo Katù munkà yamùk wentuppù màlà kappon ichan wapùla ikàipùnù pe pùla, kappon wettok iche kasa pùla wapùla kàyik wettok iche kasa pùla, tùse Katù yai. Katù mùkkàlà tok kàipùnù.

John 3:3

“Ailon kulu sàlà, tùwentutu'maik pùla echii'ma ànù'là uya Katù wettok itepulu yene pen màlà,” teppù Jesus uya.

John 3:4

“Yà'là kasa ken uchi kàyik wentutu'ma amoko pe là echii'ma? Tùsan lotta yak ken na' iwennappo yakon itekkwa pe tùwentukkatoppe?” teppù Nicodemus uya.

Yeunossak kon Wotokoyi 2:38

Peter uya yeikuppù “Elattàtàk kon amyamlo tamù'nawàlà amakuyi kon winàpai, molopai esenpataukatàk kon Jesus Christ yesek yai, màlà yau amakuyi kon pàk usentuppan màlà. Molopai Wakù Akkwalù, Katù uya lepantok yepolo auya'nokon màlà,”

Yeunossak kon Wotokoyi 3:19

Elattàtàk kon uchi àli kuttok auya'nokon winàpai, elattàtàk kon Katù winàkàik màlàyau amakuyi kon kolùka ya màlà,

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Romans 8:2

Masapùla Wakù Akkwalù yeselu meluntàlù wema'nàtok ne'nài Christ Jesus ponalok kon piyak uya, upùikattàsak man makui yeselu molopai weli'nàtok winàpai.

1 Corinthians 15:50

Sàlà tekamayaik àpàku'nokon utonpa yamùk, pun molopai mùn uya Katù wettok itepulu pe yepolo pen màlà, molopai tùukàtasen uya tùukàtasen pen yepolo pùla iwechi màlà.

1 Corinthians 2:12

Wolù winon akkwalù yeposak kùuya'nokon pen nai'nùk, tùse Akkwalù Katù winàpaino, Katù uya lepansakù'nokon nai'nùk ittutok kon pe.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.

Ephesians 5:26

Sochi konekappù ya màlà wakù pe tùmaimu yapàikettù winà, molopai wakù pe ikonekappù ya ikolùka tùuya tuna ke winà.

1 Peter 1:2

Ayanùnsak kon màlà Katù yeselu yawàlà, Katù ponaloppe àkonekatok kon pe Wakù Akkwalù winà, molopai Jesus Christ maimu yawàlà ewechi kon pa molopai esuken ewena kon pa Jesus Christ mùnù winà. Tàwà wakù pe we'nàtok molopai echitonpa pe we'nàtok Katù winàpaino àponalok kon pe nenai eke pe.

1 Peter 3:21

Sàlàichi màlà tuna ke usenpataukantok walai, àpùikattàyatài'nùk, esak kuka winà pùla, tùse “Katù piyak welattà sàlà”tei'ma wakù pe tùwanmùla usenumenkantok pokonpe Jesus Christ we'wuluukatok yai.

1 John 2:29

Mùttuyatàik ku Christ wechi iwalai pe wakù pe tùwessen pe; ittuichi auya'nokon pàk, tamù'nawolon kon iwalai ku'nài nan wechi Katù munkà yamùk pe.

1 John 5:1

Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.