John 3:35 - Patamuna New Testament Revised

³⁵ Ikàipùnù uya Tùmu pùnùnma màlà, molopai tamù'nawolon tùsak ya màlà itemyak.

John 3:35 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 17:5

Ichelupa lùppù tùse akkwa katuppluk uyàpùppù màlà tok yepoi molopai mayin uya katuppluk yapai, “Pùsàlà mùkkàlà u'nùn kulu Umu, uyauchinpanài. Yetatàk kon!” teppù.

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

Matthew 3:17

Molopai nen uchi mayin uya epùn poi, “Pùsàlà mùkkàlà u'nùn kulu Umu, utauchinpatok kulu ipàk,” teppù.

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 13:3

Jesus uya ittuppù màlà tùkàipùnù uya tamù'nawolon meluntà tùsak temyak, molopai nàlà tùuyàssak Katù winàpai molopai tùwennappo Katù piyak.

John 15:9

Tù'nùn pe Ukàipùnù uya ukupù kasa u'nùn pe messatàik, pùnùnmantok uya yau uchi ettàk kon.

John 17:2

Tamù'nawolon kon kappon yamùk yepoi apàikkek ke ilepasak auya man, mùkyamlo temyak àntùlùssan lepa toppe ya tàwàlàlà wema'nàtok ke.

John 17:23

Iulà wechi tok yau, molopai àmàlà wechi uyau. Màlàpàk tok nepù nechiik tewin tok wettok yak, wolù yawon kon uya uyeunossak auya ittutoppe, molopai à'nùn pe tok kupùppù auya à'nùn pe ukupùppù auya kasa làma.

John 17:26

Eyittutoppe tok uya ikussak uya man molopai eyittutoppe lùppù là tok uya ikupù pàk wechi màlà, u'nùnmatok auya wettoppe tok yau, molopai Iulà pe tok yau wettoppe,” tukaik iwàpùlemappù.

John 5:20

Masapùla Ikàipùnù uya màlà Tùmu pùnùnma molopai tamù'nawàlà tùnkupù yenpoikasak ya itemyak. Molopai sàlà yentaino kon lùiwa yenpoika ya màlà ikuttoppe ya, màlàpàk eusenumenka pa.

John 5:22

Masapùla Ikàipùnù mùkkàlà sà kasa messaik, wapùla sà kasa pùla messaik tawon pen ànù'là pàk, tùse ittuntok tùsak ya màlà tamù'nawàlà tùmu yemyak.

1 Corinthians 15:27

Masapùla Katù uya, “tamù'nawolon tùsak màlà itta yokoik.” Tùse, “tamù'nawolon” tùsak yokoik te ya yau, ichittu màlà sàlà yau mùkkàlà Katù, iku'nàippù lùppù wechi yo'no pen màlà.

Ephesians 1:22

Katù mùkkàlà tamù'nawolon tùnài Christ pùta yokkoik molopai itùnài sochi yepulu pe tamù'nawolon yepoi.

Hebrews 1:2

Tùse sàlà pata weyu wenukattok yau kùyelupasak kon ya man Tùmu winà. Katù uya pùsàlà mappù màlà tamù'nawolon yesappe molopai Iwinà tamù'nawolon konekappù ya.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.