John 3:3 - Patamuna New Testament Revised

³ “Ailon kulu sàlà, tùwentutu'maik pùla echii'ma ànù'là uya Katù wettok itepulu yene pen màlà,” teppù Jesus uya.

John 3:3 ပူးပေါင်းရင်းမြစ်များ

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 19:24

Tekamatukkayaik àpàkù'nokon, sa'man pe pùla lùiwa camel wepakka akkussa yenu yeuta yai wechi màlà. Mamin yesak wewomù itepulu pe we'nàtok epùn po yak yentai,” teppù nàlà màlà.

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 5:18

Ailon kulu sàlà, kak molopai non utama ponalà màlà malalon nùkkwà là Law yawon yenu'ma pen tamù'nawolon wenukapù ponalà.

Mark 10:14

Màlà yensak Jesus uya yau tùwakùli pe pùla ittuppù ya molopai tùnenupaton pàk, “Tàwà mule yamùk nùyàpùi upyak. Tok kùseleutanùttàu! Masapùla Katù wechi màlà pùsamlo walainon ponaloppe,” teppù.

Mark 9:47

Molopai eyenu uya uwinàpai ewelatà toppe àkupù yau, imokkakà! Wakù pe lùiwa iwechi màlà tewin itenu Katù wettok itepulu pe yau ewechi talà yau, asa'là itenu apok tùusa'nùssen pen yak àutà yentai.

John 1:13

Pùsamlo Katù munkà yamùk wentuppù màlà kappon ichan wapùla ikàipùnù pe pùla, kappon wettok iche kasa pùla wapùla kàyik wettok iche kasa pùla, tùse Katù yai. Katù mùkkàlà tok kàipùnù.

John 1:5

Màlà akkwa ulenpamùppù ewalupàttau, tùse ewalupà uya yà'nùpù pùla wechippù.

John 1:51

Molopai tok pàk, “Ailon pe yekama uya sàlà, yene auya'nokon màlà epùn utakkoka, molopai Katù inchelùyi yamùk uttà molopai tok wenuku Kàyik Mumu pona,” teppù Jesus uya.

John 12:40

“Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

John 3:4

“Yà'là kasa ken uchi kàyik wentutu'ma amoko pe là echii'ma? Tùsan lotta yak ken na' iwennappo yakon itekkwa pe tùwentukkatoppe?” teppù Nicodemus uya.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

Galatians 6:15

Yà'là pe pùla kappon yattàsak Jew yamùk yattàtok yeselu yawàlà wechi màlà, wapùla yattàsak pùla là iwechi wechi. Tùse làkku emennappe ikonekasappe we'nàtok.

Ephesians 2:1

Pena ewelichak kon wechippù màlà, Katù Maimu yawàlà pùla ewettok kon molopai amakuyi kon pàkàlà.

Titus 3:5

kùpùikattàppù kon ya màlà yà'làlà wakù wotoko kussak kùuya'nokon pàk pùla, tùse tùusentuppa pàk. Katù uya kùkolùkappù kon màlà Wakù Akkwalù yapàiketù winà. Emennak pe wentuntok ke lepa'nàppà Ya molopai emennak pe wema'nà piyattàtok ke nàlà.

James 3:17

Tùse pukkeppe we'nàtok màlà epùn poino, wapiyalok kulu wakù esukenan; ewan wàlàkattok, tenpe àsà pe pùla we'nàtok tùwanmùla, alomùla, molopai echitonpa pe ku'nài; usentupantok ke iwanùssak màlà, molopai wakù eselu ne'nài; tamù'nawolon kon namatok e'kkaichalà yenpoikanài molopai ennakanài pùn.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.

1 John 2:29

Mùttuyatàik ku Christ wechi iwalai pe wakù pe tùwessen pe; ittuichi auya'nokon pàk, tamù'nawolon kon iwalai ku'nài nan wechi Katù munkà yamùk pe.

1 John 3:9

Katù munkà yamùk pe nai'nannùk mùkyamlo tùwemakuima pàk lùppù tùwessan pen, masapùla, Katù yeselu wechi tok yau pàk, molopai Katù wechi tok kàipùnù pe pàk, tok wemakuima yentai màlà iwechi.

1 John 5:1

Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.

1 John 5:18

Ittu'nokon man ànù'là Katù mule wechi tùwemakuima pàk tùwessen pe pùla, masapùla Katù Mumu uya ikupù wakù pe pàk, molopai, Mùkkàlà Ene Makui uya yappàtù pen màlà.

1 John 5:4

Masapùla tamù'nawolon kon Katù munkà wechi wolù yeselu yentaikannan yek pe. Sàlà kasaichi màlà wolù yentaika'nokon: ailon tetok kùuya'nokon ke.

Revelation 3:14

“ Laodicea pon Sochi inchelùyi piyak sàlà imenukakà: “Sàlàichi màlà itekale mùkkàlà Emen winàpaino. Ailon molopai ailon yekamanài, tamù'nawolon Katù nùkonekasan wepyattàtok.”