John 21:16 - Patamuna New Testament Revised

¹⁶ Jesus uya ipàk yakon itekkwa pe, “Simon, John mumu, à'nùn pe kulu na' kùkussan?” teppù. Peter uya imaimu yeikuppù, “Ewaik, Uyepulu, mùttuyaik u'nùn pe àkupù uya,” tukaik. Jesus uya ipàk, “Uyùkùn non kalinilu yamùk mùmainanpaik,” teppù.

John 21:16 ပူးပေါင်းရင်းမြစ်များ

Matthew 2:6

‘Àmàlà Bethlehem, pata Judea yau nai'nùk, yà'là kasa là Judah yawon kon eke ton ennàinan kùlottau tok ma'lan pen àmàlà. Masapùla ayapai itepulu usenpoika màlà uponalok kon Israel yamùk yanài woton,’ tawon,” teppù tok uya. {Micah 5.2}

Matthew 25:32

Molopai tamù'nawàlà pata yamùk yawolon kon non pon kon wepilipù màlà itemlotopo. Màlàyau nen uchi tok pantaka ya màlà asa'là, kalinilu yesak uya kalinilu yamùk pantaka kapala yamùk winàpai kasa.

Matthew 26:72

Molopai tu'ma Peter uya, “Usennaka pen kulu, mùkkàlà kàyik ittunài pen Iulà!” teppù.

Luke 19:10

Masapùla Kàyik Mumu uyàpùppù màlà iitassak kon iwase molopai tok pùikattàse,” teppù.

John 18:17

Màlàyau ulichan manata yennài uya Peter pàk, “Àmàlà ken na' pùsàlà kàyik nenupa ton tonpa pen?” teppù. “Kane ku, Iulà pen nen mùkkàlà,” tukaik yeikuppù ya.

John 18:25

Peter wechi molo satippe tùwa'no pàk tùse. Kappon uya yekamappoppù, “Àmàlà nàlà ku mùkkàlà ya'lon nà, ewaik na'?” tukaik. Peter uya yeikuppù, “Kane, Iulà pen,” tukaik.

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Hebrews 13:20

Katù mùkkàlà lepanài echitonpa pe we'nàtok ke molopai Kùyepulu kon Jesus Christ wuluukanàippù weli'nàtok yapai. Jesus wechi nen uchi nai'nùk Eke Kalinilu yesak kasa, imùnù yapulàsak lùppù tàwàlàlà tùuko'mansen Katù wekkuttok ikupù pàk konekanài pe imunkà yamùk pàk.

1 Peter 2:25

Masapùla kalinilu yamùk utatù kasa ewechippù kon; tùse sàlà pe ewennnaposak kon man Kalinilu Yesak walai molopai ayakkwalù kon Mainanpanài wenaima kon pa.

1 Peter 5:2

Kalinilu yesan kasa ettàk kon, mùkyamlo Katù uya elepatok kon ike mainanpa kon pa, molopai tok imainanpatàk kon alikyek pe, Katù wettok ikupù auya'nokon iche kasa. Àwotokoyi kon ikuttàk kon e'mantoppe neken pùla, tùse pùikak pe eppai we'nàtok yapai.

Revelation 7:17

Masapùla Kalinilu Mule aponnok yakkletau nai'nùk, wechi nen uchi màlà yesappe, molopai tuna tàwàlàlà tùwemassen, tùwa'munasen pen motak tok yalà ya màlà. Molopai Katù uya tamù'nawàlà tok yenu palu ya'munakka màlà tok yenu poi,” tukaik.