John 20:20 - Patamuna New Testament Revised

²⁰ Wa te tùpo temyatù molopai tùwolo tawon yenpoikappù ya tok yemyak. Màlà yattai Itepulu yensak tùuya'nokon yau inenupa ton nùssan utauchinpappù.

John 20:20 ပူးပေါင်းရင်းမြစ်များ

Matthew 28:8

Màlàpàk uluwaik nàmàppù tok uya tùusemittàpaik, tok wettalipasak wechippù màlà tùse nàlà tok utauchinpasak, molopai aitunpe tok utàppù ya'lonkonnùssan pàk yekamase.

John 16:20

“Ailon kulu sàlà, akalawù kon màlà molopai eusewankono'ma kon, tùse wolù yawon kon utauchinpa màlà. Tùusewankono'maik ewechi kon màlà, tùse eusewankono'matok kon welattà màlà utauchinpantok pe.

John 16:22

Màlà kasa là sàlà pe eusewankono'matok kon yattai man. Tùse eyene kon uya tu'ma màlà. Molopai autauchinpa kon màlà. Molopai ànù'là uya autauchinpatok kon mokka pen màlà.

John 19:34

Tùse tewinan nà sousa yamùk tonpa uya Jesus yassokkappù iwolo yai tùpple ke molopai màlà yai mùn, tuna tawon wekkwamùppù.

John 20:25

Màlàyau tùulon kon inenupa ton nùssan uya Thomas pàk, “Itepulu yenpàssan ina,” teppù. Tùse Thomas uya tok pàk, “Itemyatù yai tuik yeutappù yensak uya pùla molopai uyemyatù yemaikasak uya yak molopai iwolo yai uyemyatù yemaikasak uya pùla iwechi yau, ailon te uya pen,” teppù.

John 20:27

Màlàyau Thomas pàk, “Eyemyatù yemaikakà sailà, molopai uyemyatù yamùk yenkà. Eyemyatù yenkakà molopai yemaikakà uwolo yai. Ailon tetok auya pùla kùsettak, tùse ailon kakkà làkku,” teppù Jesus uya

1 John 1:1

Ina emenukayatàu wema'nàtok Maimu pàk. Molo iwessak lùppù iwepyattàppù motapai. Ina uya yetappù màlà molopai ina uya yeneppù tenu kon ke; ewaik, ina uya yeneppù molopai ina yemyatù uya yappàtùppù.