John 2:22 - Patamuna New Testament Revised

²² Tùwelikù tùpo iwe'wuluukasak yattai, inenupa ton uya wa teppù ya lùppù ittuppù, màlàpàk ailon teppù tok uya Katù Maimu yau iwe'menukasak pàk, molopai Jesus maimuppù pàk.

John 2:22 ပူးပေါင်းရင်းမြစ်များ

Luke 24:26

Yà'là woton pe pùla ken na' uchi màlà, mùkkàlà Christ wettalumattàtok wechippù, molopai nàlà iitàtok tapulàtok yak?” teppù.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

John 12:16

Wapiya sàlà yamùk ittuppù inenupa ton uya pen màlà, tùse Jesus nonkasak namantok patassek yak tùpo, iwelichak we'wuluukasak molopai epùn pona iità tùpo nen uchi tok uya ittuppù. Sàlà yamùk we'menukasak ipàk lùppù molopai sàlà yamùk wekkussak iwinàkàik.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 16:4

Sàlà yekamappù uya àpàkù'nokon, iweyu uyàssak yau ittu kon pa, màlà yamùk àpàkù'nokon unekamapù lùssan, sàlà yamùk yekama uya pùn àpàkù'nokon wapiya masapùla apyau'nokon wechi pàk.” teppù Jesus uya.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 2:17

Inenupa ton uya ittuppù Katù Maimu we'menukasak uya, “Àyùwùk pùnùnmatok uya eke pe man,” teppù lùppù.

John 2:2

molopai tùwemali'masan uya Jesus kà'masak wechippù inenupa ton pokonpe wemali'mantok yak.

Yeunossak kon Wotokoyi 11:16

Màlàyau tùttutai Itepulu Jesus uya, ‘John mùkkàlà enpataukanài tuna ke, tùse eyenpatauka kon màlà Wakù Akkwalù ke!’ teppù lùppù.