John 2:2 - Patamuna New Testament Revised

² molopai tùwemali'masan uya Jesus kà'masak wechippù inenupa ton pokonpe wemali'mantok yak.

John 2:2 ပူးပေါင်းရင်းမြစ်များ

Matthew 12:19

“Ichàulàma wapùla iwentaime là pen màlà. Ànù'là uya imaimu yeta pen màlà asantau.

Matthew 25:40

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

Matthew 25:45

Kin uya yeiku màlà, ‘Ailon kulu sàlà, yà'là yattai là pùsamlo entuppa'no kon yenpàssak auya'nokon yau, uyenpàssak auya'nokon màlà,’ tukaik.

John 2:12

Màlà tùpo Jesus, ichan, yakonnon moloppai inenupaton tukaik tok utàppù Capernaum pona. Molo tok uko'mamùppù malalà.

John 2:17

Inenupa ton uya ittuppù Katù Maimu we'menukasak uya, “Àyùwùk pùnùnmatok uya eke pe man,” teppù lùppù.

John 2:22

Tùwelikù tùpo iwe'wuluukasak yattai, inenupa ton uya wa teppù ya lùppù ittuppù, màlàpàk ailon teppù tok uya Katù Maimu yau iwe'menukasak pàk, molopai Jesus maimuppù pàk.

John 2:3

Tok uku wain u'matùppù yau, Jesus san uya, “Wain wenukapùppù man,” teppù ipàk.

John 3:22

Sàlà tùpo Jesus utàppù tùnenupa ton pokonpe Judea pona. Molo iwechippù tok piyau malalà molopai kappon yamùk yenpataukappù ya.

John 4:2

Jesus uya kappon yamùk yenpataukappù pen màlà. Tùse inenupa ton uya làkku.

John 4:33

Màlàpàk inenupa ton uya tùyiwalà'nokon, “Ànù'là uya na' màlà kùyali nepùppù ipyak pe iwechi?” teppù.

John 4:8

Inenupa ton utàppù wechippù màlà pata pona kùyali ye'maik.

John 6:12

Tok uta'lettàkassak yau, tùnenupa ton pàk, “Ippunuppù ipilittàk kon yà'làlà wessenu'ma tukaik,” teppù.

John 6:16

Ko'man pe iwenasak yau inenupa ton utàppù palau yena pona.

John 6:60

Yeta tùuya'nokon yau tukkan kon inenupa ton uya, “Sa'man pe kulu sàlà enupantok man. Ànùk uya ken yanùmù?” teppù.

John 6:66

Màlà motapai tukkan kon inenupa ton wennappoppù molopai ya'là tu'ma là tok wechippù pen.

John 6:67

Màlàyau Jesus uya tùnenupa ton 12 pan kon pàk, “Itàpai nàlà na' messatàu?” teppù.

John 6:70

Jesus uya tok maimu yeikuppù, “12 pe na' unanùmùssan pen na' amyamlo? Tùse tewin nà àtonpa kon Makui pe man,” tei'ma.

John 6:71

Judas pàk ichelupappù, Simon Iscariot mumu pàk, mùkkàlà 12 pan kon tonpa pe là echii'ma iwàtok yak yeimippo woton.

John 6:8

Tewinannà inenupa ton Andrew, Simon Peter tonpa uya ipàk,

John 7:3

Màlàyau Jesus yakon non uya ipàk, “Talà kechii, Judea pona itàkà, molo enenupa ton uya eke pe ewe'wotokoma yentoppe.

Yeunossak kon Wotokoyi 11:26

Yeposak tùuya yau, inepùppù ya Antioch pona. Tewin kilichimochi pùsamlo asa'lon kon wessepopàtùppù sochi tawon kon pokonpe, molopai tukkan kon kappon yamùk yenupappù tok uya. Antioch po màlà wapiya kulu ailon tawonnan yesatùppù Christ ponalok kon tukaik.

Yeunossak kon Wotokoyi 11:29

Jesus ya'lon wekkupùppù tamù'nawolon kon uya lepantok yeunoko pàk, yeunottok tùuya'nokon yawàlà lùkkwà là tùtonpa kon Judea po tùwemassan pùikattànài pe.

1 Corinthians 10:31

Yà'làlà kupù auya'nokon yau, auta'lettà kon wapùla àwuku kon nà inchi auya'nokon pe iwechi yau, tamù'nawolon ikuttàk kon Katù yapulà auya'nokon pe.

1 Corinthians 7:39

Tùtayappù kenan nossan yewattàsak màlà itayappù pàk iwemapù yawàlà. Tùse tùtayappù welichak yau tàwà nemali'ma tu'mai emali'mapai tùwechi yau ànù'là pokonpe, tùse Itepulu yau neken.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

Hebrews 13:4

Tàwà tamù'nawolon kon wemali'mantok tùnamaik nechii. Molopai tàwàlàlà atayappù wapùla ànoppù kon winàkàik ailon pe ettàk. Masapùla Katù uya àli ku'nài nan tesak kon ke molopai tùnmali'mappù kon pen pokonpe tùwessan talumattà màlà.

Revelation 3:20

Yetakà! Satippe wessaik manatta po molopai tei'tei ukayaik. Ànù'là uya umaimu yeta molopai manatta yakkokasak yau, itùwùk tak wewomù màlà. Uta'lettà màlà ipokonpe molopai iita'lettà màlà upokon pe.