John 2:19 - Patamuna New Testament Revised

¹⁹ Jesus uya tok maimu yeikuppù, “Sàlà Katù yùwùk yamokklottàk kon molopai àsolùwau wei yau yamù tukka uya màlà,” tukaik.

John 2:19 ပူးပေါင်းရင်းမြစ်များ

Matthew 12:40

“ Jonah wechippù eke molok lotta yau àsolùwau wei molopai ewalupà, màlà kasa làma Kàyik Mumu wechi màlà i'nau non yau.

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Matthew 27:40

“Katù yùwùk yamokklopù lùkku auya tà molopai yamù auya àsolùwau wei yau neken! Epùikattàkàichi, Katù Mumu pe ewechi yau! Àwuttàkà pulusuk poi!” tukaik.

Matthew 27:63

Molopai tok uya, “Ina yepulu, ina nùttuyan mùkkàlà kasei uya nulà lùppù tùwechi yau, ‘We'wuluuka tu'ma màlà àsolùwau wei tùpo,’ teppù ya.

Mark 14:58

“Ina netatai, ‘Sàlà Katù yùwùk matanùpù uya màlà kappon yamùk nùkonekappù, molopai àsolùwau wei tùpo tùulon yamù uya màlà kappon yamùk nùkonekappù pe pùla!”’ tukaik.

Mark 15:29

Kappon yamùk yentakanàinan uya imottùnpappù, tùppai kon sùkùsùkùmai'ma, “Àmàlà lùk uchi, ‘Katù yùwùk ya'wokanài molopai àsolùwau wei neken yamù auya,’ ” teppù tok uya.

Mark 8:31

Jesus wepyattàppù tùnenupa ton yenupa pàk, “Kàyik Mumu talumattàtok woton àsà pe. Tùnamasan itepulu yamùk, paatele yamùk yepulu yamùk, molopai Law pàk enupanài nan uya italumayippù pe inonkatok woton. Iwàtok woton, tùse iwe'wuluukatok woton àsolùwau wei tùpo,” tukaik.

John 11:25

Jesus uya ipàk, “Iulà mùkkàlà we'wuluukantok molopai wema'nàtok. Ànù'là ailon nùkayai'nùk upàk wemapù màlà tùwelichak là nen tùse.

John 5:19

Jesus uya tok maimu yeikuppù, “Ailon kulu sàlà, Imu uya yà'làlà kupù tùyiwalà pen, tùse Tùkàipùnù uya neken ikupù yene tùuya yau ikupù ya. Yà'làlà Tùkàipùnù nùkupù ku'nài nàlà mùkkàlà Imu.

Yeunossak kon Wotokoyi 2:24

Tùse Katù uya iwuluukappù iwelittok yapai, ipùikattàppù ya weli'nàtok uya yi'ninpatok winàpai, masapùla weli'nàtok uya yachitok pùla iwechi pàk.

Yeunossak kon Wotokoyi 2:32

Katù uya pùsàlà, Jesus wuluukappù weli'nàtok yapai, molopai tamù'nawàlà ina mùkyamlo sàlà ailon yekaman nan.

Yeunossak kon Wotokoyi 3:15

Màlàyau nen uchi wema'nàtok yesak wànàppù auya'nokon. Tùse Katù uya iwuluukappù weli'nàtok yapai molopai ina uya yeneppù molopai ina nekamayan.

Yeunossak kon Wotokoyi 3:26

Màlàpàk Katù uya wapiya tapyoto wuluukappù weli'nàtok yapai molopai yeunokoppù apyakù'nokon, àpùlemase' nokon, tewinpà'ne ewelattà kon pa àli kuttok auya'nokon winàpai,” teppù Peter uya.

Yeunossak kon Wotokoyi 6:14

“Masapùla ina netatai, ‘Pùsàlà Jesus Nazareth pon uya, Katù yùwùk yamokklopù màlà molopai enupantok mùyakanma ya màlà te ya, màlà kan enupantok Moses uya lùppù pàk!’ ” teppù tok uya.

Romans 4:24

Tùse kùponalok kon pe nàlà imenukasak màlà. Masapùla ikasa tùwessan pe tanùnsan pe we'nà'nokon pàk, kùmyamlo ailon tawonnan Katù pàk Jesus kùyepulu kon uluukanàippù weli'nàtok yapai wema'nàtok yak pàk.

Romans 6:4

Usenpataukantok kon winà uchi màlà, kùwu'nattàsakù'nokon ipokonpe molopai iwelittok pùkkù pe we'nà'nokon, Christ uluukappù nai'nùk weli'nàtok yapai wakù kulu kùkàipùnù kon meluntàlù winà, kasa làma kùmàlà nàlà , wemapù màlà emennak wema'nàtok yau.

Romans 8:11

Wakù Akkwalù iwinàpaino, Jesus uluukanàippù wema'nàtok yak wechi ayau'nokon yau, mùkkàlà Kùlaik uluukanàippù weli'nàtok yapai wema'nàtok yak, uya nàlà tùumattasen eyesak lepa màlà wema'nàtok ke Wakù Akkwalù nemassai'nùk ayau'nokon winà

1 Corinthians 15:12

Màlàpàk, Christ we'wuluukappù pe itekale yekamasak yau, yà'là pe ken uchi iwechi pàk tùulon kon uya iwelichak we'wuluuka pen màlà te nai'nùk?

Colossians 2:12

Masapùla eusenpatauka kon yau, àwu'nattàppù kon màlà Christ pokonpe. Molopai usenpataukantok yau àwuluukappù kon nàlà màlà Christ pokonpe ailon tetok auya'nokon yai Katù yapàikketù yau. Iwuluukanàippù weli'nàtok yapai wema'nàtok yak yapàikettù yau.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;