John 2:18 - Patamuna New Testament Revised

¹⁸ Màlàyau Jew yamùk yepulu yamùk uya Ipàk, “Yà'là ken yentok ipàkàlà tensen pen kupù auya ina uya yentoppe, ikasaichi sàlà yamùk kupù auya yattai?” teppù.

John 2:18 ပူးပေါင်းရင်းမြစ်များ

Matthew 21:23

Jesus wennappoppù màlà Katù yùwùk tak. Molopai kappon yamùk yenupa ya tùse, eke ton paatele yamùk yepulu molopai Jew yamùk yesak ton uyàpùppù Jesus piyak molopai tok uya yekamappoppù, “Yà'là yekkwa ken apàikkek yesak àmàlà sàlà yamùk kupù pa? Ànùk ken elepatai sàlà apàikkek ke?” tukaik.

Mark 8:11

Pharisee yamùk uyàpùppù Jesus piyak molopai tok wepyattàppù tùusàulàma kon pàk. Tok wechippù anaachipai màlàyau tok uya yekamappoppù yà'làlà kuttoppe ya tùmeluntàlù epùn winàpaino ke, ewaik pe Katù yapàiketù yesappe iwechi yentoppe tùuya'nokon.

Luke 11:29

Tùwoi kappon yamùk wepilichak tùse Jesus uya, “Àli pe kulu sàlà yattai nokon kappon yamùk man! Tensen yekkwa pen wekkuttoppe yà'làlà yekamanài pe yekamappon nan mùkyamlo, tùse tok lepa pen màlà, Jonah yekale neken yekama,” teppù ya.

John 1:19

Sàlà màlà John nekamappù Jew yamùk Jerusalem pon kon uya paatele yamùk molopai Levi payan yamùk yeunossak ànùk pe là John wechi yekamappose yattai.

John 1:25

uya yekamappoppù, “Yà'là pe ken uchi iwechi pàk enpataukan auya màlà, Christ pe pùla là echii'ma, Elijah pe pùla là, molopai Katù Maimu yekamanài pe pùla là echii'ma?” tukaik.

John 6:30

Tok uya yekamappoppù, “Yà'là ken uchi ittutok ipàkàlà kupù auya ina uya yentoppe, molopai ailon tetoppe ina uya àpàk? Yà'là ku'nài ken àmàlà?

Yeunossak kon Wotokoyi 4:7

Tok uya Peter molopai John nepùppù temloto kon pona, molopai tok uya tok yekamappoppù, “Atta ken sàlà mùkuttantàu? Yà'là yekkwa ken meluntà apyau'nokon nai, wapùla ànùk yesek ken mapulàtantàu?” tukaik.

Yeunossak kon Wotokoyi 5:28

“Pùsàlà kàyik yesek yau kappon yamùk kùsenupatàu, nùkatai nàlà ku ina àpàkù'nokon, tùse enupantok auya'nokon utà kassak man tamù'nawàlà Jerusalem polo, molopai ina ànkuppai messatàik iwànài nan nùssan pe!” teppù tok uya.