John 2:16 - Patamuna New Testament Revised

¹⁶ Wakokkwa yamùk chilanmannan pàk, “Tok yenpakkatàkkon sàlà tapai. Yà'là kasa Ukàipùnù yùwùk kussak auya'nokon màlà yà'làlà chilanma yùwùk pe,” teppù ya.

John 2:16 ပူးပေါင်းရင်းမြစ်များ

Matthew 21:12

Jesus utàppù màlà Katù yùwùk tak molopai tamù'nawolon kon yà'làlà ye'mannan molopai yà'làlà chilanmannan Katù yùwùk tau yenpakkappù ya. Pùlayatta yenchimannan pùlayattayi yapon lattàppù ya, molopai weluchi walai non chilanman nan yapon yamùk.

Matthew 21:13

Molopai tok pàk, “Katù Maimu yau iwe'menukasak man, ‘Uyùwùk yesatù màlà wàpùlemantok yùwùk pe teppù,’ tukaik. {Isa 56.7} Tùse amatton uso'nantok itappe imasak auya'nokon man!” teppù ya.

Matthew 22:5

Tùse ikà'masak kon uya yetapàtùppù, molopai iche tùwettok kon kusse tok utàppù. Tewinan utàppù màlà tù'mà yak. Tùulon utàppù tùwotokoyi yak.

Mark 11:17

Kappon yamùk yenupappù ya nen uchi, molopai tok pàk yekamappù ya “Katù Maimu we'menukasak man Katù uya, ‘Uyùwùk wechi màlà wàpùleman yùwùk pe tùpatalo'nan kon kappon yamùk ponaloppe,’ tesak, tùse amak ton uso'nantok itak pe ikussak auya'nokon man!” tukaik.

Luke 2:49

Tok maimu yeikuppù ya, “Yà'là pe ken iwechi pàk kùyiwayatàu? Ukàipùnù yùwùk tau ken na' wettok ittu auya'nokon pùla nai?” tukaik.

John 10:29

Ukàipùnù, uyemyak tok tùnàippù mùkkàlà tamù'nawolon yentaino, molopai ànù'là uya tok mokka Ukàipùnù yemyapai pen màlà.

John 2:15

Wappu kapùppù ya molopai màlà ke tamù'nawàlà tok yenpakkappù ya tok yùkùnnon paka yamùk molopai kalinilu yamùk là pokonpe Katù yùwùk tapai. Pùlayatta yenchimannan pùlayattayi yapon lattàpàtùppù ya, molopai pùlayatta pun yamùk ta'nùpùppù ya.

John 20:17

Jesus uya ipàk, “Kùyachii, masapùla Ukàipùnù piyak utàppù pùla lùppù man, tùse itàkà, utonpa yamùk pàk yekamata, ‘Utà sàlà Ukàipùnù piyak molopai Àkàipùnù kon piyak, molopai Ukatùyi molopai Akatùyi kon piyak!’ ” teppù.

John 5:17

Tùse Jesus uya tok pàk, “Ukàipùnù mùkkàlà tùwe'wotokomasen tàwàlàlà, màlàpàk Iulà nàlà we'wotokoma màlà,” tukaik.

John 8:49

Jesus uya tok maimu yeikuppù, “Makui yakkwalù pùla nen man uyau. Ukàipùnù namanài Iulà, tùse amyamlo unamannan pen.

1 Timothy 6:5

Molopai mùkyamlo usàulàma echipalà uya tok usenumenkatok mattanùssak màlà, molopai ailon pùnon mùkyamlo. Tukke mamin yesappe wenantok iwinà pe sàlà enupantok maimu yawàlà we'nà wechi pe yekama tok uya màlà.

2 Peter 2:3

Tùulon yemamin iche tùwettok kon yau pùsamlo ailon pen pàk enupannan uya ayapulà kon màlà pùlayatta yepotoppe tùuya'nokon enkuttànài panton yekama tùuya'nokon winà. Tùse pena yawà tok yeselu pàkàlà tok talumattàtok wekonekakassak wechippù màlà molopai tok mattanù'nài we'nùnsak pùla iwechi!