John 2:11 - Patamuna New Testament Revised

¹¹ Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 2:11 ပူးပေါင်းရင်းမြစ်များ

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

John 1:43

Màlà wemassak pe Galilee pona tùutà pàk Jesus wekkupùppù màlà. Philip yepoloppù ya. Molopai “Uya'là utànpai,” teppù ya ipàk.

John 1:50

Jesus uya imaimu yeikuppù, “Fig yek yo'no eyenei Iulà teuya pàk neken na' ailon mùkayan? Sàlà yentaino yamùk kon yene auya màlà,” tukaik.

John 10:41

Tukkan kon kappon yamùk uyàpùppù ipyak, molopai tok uya, “John uya ittutok ipàkàlà kupù pùn, tùse tamù'nawolon John uselupappù lùppù, pùsàlà kàyik pàk wechi màlà ailon pe,” teppù.

John 11:15

“Utauchinpayaik àpàkànsau'nokon molo wessak pùla iwechi pàk, ailon te kon pa. Tùse ipyak utànpai'nokon,” teppù Jesus uya.

John 11:47

Màlàyau paatele yamùk yennài nan molopai Pharisee yamùk uya Jew yamùk Yepulu ton pilipùppù, molopai tok pàk tok uya “Yà'là kupù'nokon sàlà? Pùsàlà kàyik tukke ittutok ipàkàlà woton kon kussan.

John 12:18

Màlàyau tukke kappon yamùk utàppù iwakkàsse, masapùla sàlà ittutok ipàkàlà kussak ya yetasak tùuya'nokon pàk.

John 12:37

Ittutok ipàkàlà kuppàssak ya lànen temloto kon po tùse ailon teppù tok uya ipàk pen màlà.

John 12:41

Sàlà yamùk teppù Isaiah uya màlà masapùla Jesus yapulàtok yensak tùuya pàk, molopai ipàk ichelupappù.

John 14:13

Molopai yà'làlà yekamappo auya'nokon uyesek yai yau, ikupù uya màlà. Ukàipùnù yapulà toppe Imu winà.

John 16:27

Ukàipùnù mùkkàlà tùmàlà pe tù'nùn pe àku'nài'nokon. Masapùla à'nùn kon pe ukussak auya'nokon pàk, molopai Katù winàpai uyàssak pàk ailon tesak auya'nokon pàk.

John 16:30

Ina nen uchi nenyan tamù'nawolon ittu auya. Molopai ànù'là uya eyekamappopàtù iche pùla ewechi. Màlàpàk nen uchi ailon nùkayan ina Katù winàpaino pe ewechi pàk,” teppù.

John 2:1

Icholùwano wei yattai wemali'mantok wechippù pata Cana po, Galilee yawon po. Jesus san wechippù molo,

John 2:23

Jerusalem po Jesus wechi Usentaka'nàppà yattai Uta'lettàntok pàk yau, tukkan kon kappon yamùk uya eke ton tùwotokoyi kupùya yeneppù molopai ailon teppù tok uya ipàk.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

John 4:3

Yetasak tùuya yau, Judea nàmàppù Jesus uya molopai iwennappotukkappù Galilee pona.

John 4:46

Màlàyau Jesus uyàpùppù tu'ma Cana, Galilee pon pona, tuna lattàppù tùuya wain pe motak. Molo iwechippù itepulu, kin poitolù, e'neppe imu wechippù Capernaum po.

John 4:54

Sàlà màlà yakon itekkwa pe tensenyek pen wotoko kupùppù Jesus uya Judea poi tùuyàpù tùpo Galilee po.

John 5:23

Tamù'nawolon kon uya Imu nama toppe, Ikàipùnù nama tùuya'nokon kasa. Ànù'là Imu namanài pen uya Ikàipùnù yeuno'nàippù nama pe pùla iwechi màlà.

John 6:14

Jesus uya ittutok ipàkàlà kupù yensak tùuya'nokon yau kappon yamùk uya, “Ailon kulu pùsàlà Katù Maimu Yenpoikanài tùuyàpù woton sàlà wolù yak teppù ipàk lùppù,” teppù.

John 6:2

Ilinà kappon yamùk uya iwenaimappù màlà masapùla ittutok ipàkàlà pe palan pokon kon ipittàya yensak tùuya'nokon pàk.

John 6:26

Jesus uya tok pàk, “Ailon kulu sàlà, uyiwappù auya'nokon màlà ittutok ipàkàlà kupù uya yensak auya'nokon pàk pùla, tùse tùwenukasse pùlomù pusak pàk auta'lettàsak kon pàk.

John 6:30

Tok uya yekamappoppù, “Yà'là ken uchi ittutok ipàkàlà kupù auya ina uya yentoppe, molopai ailon tetoppe ina uya àpàk? Yà'là ku'nài ken àmàlà?

John 7:31

Walà tùse tukkan kon uya ailon teppù ipàk. “Tùuyàssak yau ken na' Christ uya pùsàlà kàyik uya ikupùppù yentai lùiwa ittutok ipàkàlà kupù?” teppù tok uya.

John 9:16

Tùulon kon Pharisee yamùk tonpa uya, “Pùsàlà kàyik wechi Katù winàpaino pe pùla man, masapùla Wàlàkka'nàtok weyu yeselu yawàlà pùla iwessak pàk,” teppù. Tùulon kon uya, “Yà'là kasa kulu ken uchi kàyik tùmakuyi yau tùwessen uya ittutok ipàkàlà kupù?” teppù. Ekkaichalà pùla tok usenumenkatok wechippù.

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 4:17

Molopai sàlà elekkwà molopai tùuko'mansen tachinpe pen ina nùpàlika talumattàntok uya eke molopai tàwàlàlà tùuko'mansen apulàntok nepù màlà ina ponaloppe, talumattàntok yentaino kulu.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

1 John 5:13

Emenuka kon uya sàlà tàwàlàlà wema'nàtok yesappe ewechi kon ittu kon pa. Amyamlo ailon nùkayai'nannùk Katù Mumu yesek pàk.