John 2:10 - Patamuna New Testament Revised

¹⁰ Molopai ipàk, “Tamù'nawolon kon mùkyamlo wapiya wakù wain ne'nàinan, molopai nen uchi ikà'masak kon uya yeuno'makasak yau àkàmlàk lùppù àli lùiwa nepù tok uya, tùse wakù mainanpappù auya man sàlà tepose,” teppù ya.

John 2:10 ပူးပေါင်းရင်းမြစ်များ

Matthew 24:49

Molopai nen uchi tùtonpa yamùk apyoto ton ippoppàtù pàk iwepyattà, molopai iita'lettà molopai iwetùmù tùwetùnsan pokonpe.

Luke 12:45

Tùse yattai pùla apyoto uya tùyiwàlà wate, ‘Tachin pe Uyepulu uyàpù pùla man te,’ teya, molopai tùulon kon apyoto yamùk ippoppàtù pàk iwessa'molùka, kàyik yamùk molopai nossan yamùk, molopai tùuta'lettà pàk iwechi, tùwuku inchi pàk, molopai tùwetùmù pàk.

Luke 16:25

“Tùse Abraham uya, ‘Umu, masa ittukà, ewemapù yau wakù ton yepoloppù auya, Lazarus uya àli ton yepolo tùse. Tùse nen uchi sàlà pe iichipittàsak man talà, e'nek pe ewechi tùse.

Yeunossak kon Wotokoyi 2:15

“Pùsamlo kàyik yamùk wetùnsak pùla man wa mùkayatài'nùk kasa. Ko'làma nen man, 9 o'clock neken nen.

1 Corinthians 11:21

Masapùla auta'lettà kon yau, eyiwalà'nokon tùuta'lettàsan amyamlo ànù'là tùmàmusse pùla, tùulon wapàkkassak tùwessen molopai tùulon wetùnsak.

Ephesians 5:18

Meluntà tinchisen ke ketùntàu, amattanùpù kon ya neken màlà. Tùse làkku Wakù Akkwalù ke anùttàk kon.

1 Thessalonians 5:7

Kappon yamùk tùwe'nùnsan ewalupàttau, molopai nàlà kappon yamùk tùwetùnsan ewalupàttau.

Revelation 17:2

Non pon kon kin yamùk uya àli kupùppù tùwekumase mùkkàlà eke nossan kàyik yamùk yemyak tùwechilanmasen pokonpe, molopai non pon kon kappon yamùk wetùmùppù, màlà wain kàyik yamùk pokonpe iwettok yeuku tinchise,” teppù ya.

Revelation 17:6

Molopai yeneppù uya nossan wetùnsak Katù ponalok kon kappon yamùk mùnù ke. Molopai mùkyamlo iwàsak kon nùssan mùnù ke, masapùla ailon pe tok wessak Jesus pàk wenai. Yensak uya yau usenumenkasak kulu wechippù.