John 19:6 - Patamuna New Testament Revised

⁶ Màlàyau paatele yamùk yepulu ton molopai achinnan uya Jesus yensak yau, tok wentaimeppù, “Ipukapàkkà pulusuk pona! Ipukapàkkà pulusuk pona!” tukaik. Màlàyau Pilate uya tok pàk, “Yatàk kon ipukapàsse, masapùla italumattàtok uya iwenai woton yeposak uya pùla man,” teppù.

John 19:6 ပူးပေါင်းရင်းမြစ်များ

Matthew 26:58

Peter uya iwenaimappù màlà mei, Eke kulu paatele yùwùk pùloloi motak. Iwewomùppù molopai iweleutappù pata yennàinan piyau, yà'là kasa là tamù'nawolon wekkupù yene pàk.

Matthew 27:22

“Yà'là pe ken uchi Jesus, Christ tukaik tesassen kupù uya?” tukaik Pilate uya tok yekamappoppù. “Ipukapàtù màlà pulusuk pona!” tukaik tamù'nawolon kon uya yeikuppù.

Matthew 27:24

Yà'là woton pe pùla sàlà kupù pàk tùwechi yensak tùuya yau, tùse wepanta'mantok wessepolo pàk, tuna yepoloppù ya, molopai temyatù kukappù ya tukkan kon kappon yamùk yemloto po, molopai, “Pùsàlà kàyik tùlù uya weli'nàtok yak pùn. Sàlà nai'nùk ànkupù kon!” teppù ya.

Luke 23:4

Màlàyau nen uchi Pilate uya eke ton paatele yamùk molopai tukkan kon kappon yamùk pàk, “Pùsàlà kàyik talumattàtok iwenai woton yeposak uya pùla man,” teppù.

John 18:3

Màlàyau Judas uyàpùppù umà yak sousa yamùk molopai paatele yamùk yennàinan molopai Pharisee yamùk neunokossan nepùppù ya. Tepu pàk apok yalàppù tok uya, lanppu yamùk molopai kasupala yamùk là.

John 18:31

Màlàyau Pilate uya tok pàk, “Yatàk kon eyiwalà'nokon àmàlà'nokon Law winà ittutantàk kon,” teppù. Jew yamùk uya ipàk, “Tùse ànù'là tùtoppe ina uya iwelittok yak ikussak pùla man,” teppù.

John 18:38

Pilate uya Jesus yekamappoppù, “Yà'là ken màlà ailon?” tukaik. Wa te tùpo Pilate wepakkatu'mappù Jew yamùk piyak, molopai tok pàk, “Italumattàtok uya iwenai woton yà'làlà àli yepolo uya pùla man.

John 19:15

Tok wentaimeppù, “Yakà! Yakà! Pulusuk pona ipukapàtta!” tukaik. “Iulà uyaichi ekinù kon pukapàtù?” tukaik Pilate uya tok yekamappoppù. Eke kulu paatele yamùk yepulu ton uya imaimu yeikuppù, “Caesar neken nen mùkkàlà ina kinù!” tukaik.

John 19:4

Pilate wepakkatu'mappù, “Yentàk kon, inepù uya sàlà apyakù'nokon, italumattàtok uya iwenai woton yeposak uya pùla iwechi ittu kon pa,” teppù ya tok pàk.

Yeunossak kon Wotokoyi 2:23

Katù uya sà kasa wak nechiitta tetok tùuya yau, molopai ittutok tùuya yau, Jesus tùlùppù eyemyakù'nokon. Molopai iwànàppù auya'nokon, àli ton kappon yamùk uya tàwà ipukapàttoppe pulusuk pona ikupùppù auya'nokon.

Yeunossak kon Wotokoyi 7:52

Molo na' tewin nà Katù Maimu yenpoikanài wechippù atamo kon yamùk nùtalumattàppù pen? Tok uya Katù Maimu yenpoikannan tùkkappù, mùkyamlo Wakù pe tùwessen uyàpù yekaman nan nùssan pena. Molopai sàlà pe yeimipoppù auya'nokon molopai iwànàppù auya'nokon.