John 19:41 - Patamuna New Testament Revised

⁴¹ Ipukapàtùppù pulusuk pona patassek lùppù yau molo umà wechippù. Molopai umà yau emennak uluwaik ànù'là yàkàpù nonkappù yak lùppù pen wechippù.

John 19:41 ပူးပေါင်းရင်းမြစ်များ

Matthew 27:60

Molopai itùlùppù ya tùwuluwachi pe, tùnakappù tàk yai pena kulu pùla là yak. Màlàyau eke lùmà tàk pelenkappù ya uluwaik mùta pona molopai iitàppù.

Luke 23:53

Màlàyau Jesus yàkàpù mokkappù ya pulusuk poi, molopai iwontàppù ya kuyalikku linen ke, molopai inonkappù ya uluwaik tùnakappù tàk yai yak. Emennak pe uluwaik wechippù màlà ànù'là napulàppù pe pùla.

John 19:42

Màlàpàk Jew yamùk wàlàkkattok weyu wapiya iwechi pàk, molopai mei pùla molo uluwaik wechi pàk, màlà yak tok uya Jesus yàkàpù tùlùppù.

John 20:15

Jesus uya ipàk, “Nossan, yà'là pàk makalanyan? Ànùk mùwayan?” teppù. Umà yennài pe tekamaik ipàk, “Yasak auya yau, yekamakà upàk i'nai yailà là inonkappù auya, yense utàtoppe,” teppù ya.