John 19:30 - Patamuna New Testament Revised

³⁰ Malalà yonpa tùpo Jesus uya, “Eichilà nenukappàssan,” teppù. Molopai tùppai peimappù ya molopai iwelikùppù.

John 19:30 ပူးပေါင်းရင်းမြစ်များ

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

Matthew 27:50

Jesus wentaimeppù tu'ma màlà eke pe molopai iwelikùppù.

Matthew 3:15

Tùse Jesus uya yeikuppù, “Masaichi sàlà kasa nechii sàlà pe, masapùla sàlà kasa nen uchi màlà tamù'nawolon iwalai Katù wettok iche kupù,” tukaik. Màlàpàk John uya, ewaik teppù, ikuttoppe tùuya.

Mark 15:37

Màlàyau iwentaimeppù eke pe tu'ma, molopai iwelikùppù.

Luke 22:37

“Sàlà tekamayaik àpàkù'nokon, Katù Maimu uya, ‘Àli ton kùlottau iwechippù màlà,’ tesak wekkupù màlà ailon pe upàk. Masapùla iwe'menukasak upàk nekkussan ailon pe.” teppù ya.

Luke 23:46

Jesus wentaimeppù eke pe, “Ukàippùnù, eyemyak uyakkwalù nonka uya sàlà,” tukaik. Wate tùpo iwelikùppù.

John 10:11

“Iulà mùkkàlà wakù kalinilu yamùk yesak. Wakù kalinilu yamùk yesak tùwemattok tùnài kalinilu yamùk ponaloppe.

John 10:18

Ànù'là uya wemattok mokka uwinàpai pen, tùse uyiwalà itùnài Iulà. Uyiwalà itùtok uya yapàikketù yesak Iulà molopai yanùntu'matok uya yapàikketù yesak. Sàlà kasa ewechi màlà tetok yeposak uya màlà Ukàipùnù winàpai,” teppù.

John 17:4

Ayapulàtok nessak uya man non po, uwotokoyi ulepappù auya ike lùppù yenu'kanùpù uya winà.

John 19:28

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

John 4:34

Jesus uya tok pàk, “Uyekkyali màlà uyeuno'nàippù yeselu kupù molopai wotoko intùlùppù ikuttoppe uya yenuka'nùppù.

Romans 10:4

Masapùla ailon pe Law nekama wechi ittunan kùmyamlo Christ yau, tamù'nawolon kon ailon tawonnan tùpàk nen uchi wettoppe yanùnsappe ikasa Katù pokonpe.

Romans 3:25

Katù uya Christ tùlùppù màlà tùwelittok winà kappon yamùk makuyi pàk usentupantoppe ailon tetok tok uya imùnù pàk yai. Katù uya itùlùppù màlà, iwalai teselu yekama pe. Pena kappon yamùk wemakuima yenpàtùppù ya màlà tok tùtalumattàik pùla.

1 Corinthians 5:7

Ipoippà apuluwetanù'nài imokkakà, emennappe nen uchi ewechi kon pa apuluwetanù'nài pùla, messatài'nùk kasa kulu. Masapùla Christ kùponalok kon Usentakantok kaliniluyi lùkkwà wàsak pàk.

Philippians 2:8

Kappon pe là iwechippù. Àssà'mùla iwenappù màlà molopai mayin yawàlà weli'nàtok yanùmùppù ya, pulusuk po weli'nàtok.

Hebrews 12:2

Jesus yenpai'nokon man. Mùkkàlà ailon tetok kùuya'nokon piyattànàippù molopai ikasa kulu iku'nài mùkkàlà. Masapùla mùkkàlà uya tùutauchinpatok yepolo tùuya ite'mappùtak ittu tùuya pàk, tùwelittok pàlikappù pulusuk pàk, wekuli'mantok pàk iichenumenka pùla. Molopai sàlà pe nen uchi chichiupe man Katù laitanù winà yapon piyau.

Hebrews 9:22

Ailon pe iwechi màlà, Law yau, tamù'nawolon lùiwa lànen konekappù màlà wakù pe mùn ke yappasa'ma winà. Molopai mùn tùkkwanse pùla àli kuttok pàk usentupantok pùlà iwechippù màlà.