John 19:20 - Patamuna New Testament Revised

²⁰ Sàlà inmenukappù yeneppù màlà tukkan kon Jew yamùk uya, masapùla Jesus pukapàtù patassek wechippù màlà mei pùla Jerusalem poi. Imenukasak wechippù Hebrew maimu yau, Rome pon kon maimu yau, molopai Greek maimu yau.

John 19:20 ပူးပေါင်းရင်းမြစ်များ

Luke 23:38

Sàlà menukasak wechippù màlà itepoi, “Pùsàlà mùkkàlà Jew yamùk Kinù,” tawon.

John 19:13

Màlà yetasak tùuya yau Pilate uya Jesus nepùppù polopona, molopai iweleutappù ittunài yapon pona, pata Tàk Kassak tukaik tùttusen yau. (Hebrew maimu yau Gabbatha itesek.)

John 19:42

Màlàpàk Jew yamùk wàlàkkattok weyu wapiya iwechi pàk, molopai mei pùla molo uluwaik wechi pàk, màlà yak tok uya Jesus yàkàpù tùlùppù.

John 5:2

Molo Jerusalem po, tuna wechippù màlà Kalinilu Mùlatta piyau, Hebrew Maimu yau, Bethesda tukaik tesassen. 5 pe wewonnàtok yai wechippù màlà tùwapu ke'nan.

Yeunossak kon Wotokoyi 21:37

Paul yalà soicha yamùk uya tùwùk kon tak winàkàik iwechi yau, eke soicha yamùk yepulu pàk, “Masa ka' uselupa àpokonpe lù?” teppù ya. “Greek maimu yau na' tùuselupasen àmàlà?” tukaik yekamappoppù ya.

Yeunossak kon Wotokoyi 21:40

Eke soicha yamùk yepulu uya, “Ewaik,” teppù. Màlàyau Paul wà'mùssakkappù wenu'nàtok ipolo po molopai kappon yamùk yekamappoppù ya temyatù ke eppana tok wettoppe. Tok weppakasak yau, Paul uya tok yelupappù Hebrew maimu yau.

Yeunossak kon Wotokoyi 22:2

Hebrew maimu yau telupa kon ya yeta tùuya'nokon yau, eppana kulu tok wenappù molopai Paul uselupappù lùppù màlà:

Yeunossak kon Wotokoyi 26:14

Tamù'nawàlà ina wekkawai'mappù non pona, molopai mayin yetappù uya wateya upàk Hebrew maimu yau, ‘Saul, Saul! Yà'là pe iwechi pàk utalumattà auya màlà? E'neppe ewe'wànà màlà atta ke uwàpàtù auya yau,’ tukaik.

Hebrews 13:12

Màlàpàk Jesus wettalumattàppù nàlà màlà pata yena po, esuken kappon yamùk konekatoppe tùuya tùmùnù yai.

Revelation 16:16

Màlàyau akkwalù yamùk uya kin yamùk nepùppù tamùkke patassek Hebrew Maimu yau tesassen Armageddon tukaik yak.

Revelation 9:11

Eke kin yesappe tok wechippù tepoi'nokon, mùkkàlà inchelù i'nauwon iteuta yennài. Hebrew maimu yau itesek màlà Abaddon, Greek maimu yau Apollyon, (“Mattanù'nài” teya pe iwechi).