John 19:11 - Patamuna New Testament Revised

¹¹ Jesus uya imaimu yeikuppù, “Ayapàikketù pùla iwechi màlà uyepoi kau pai eyemyak itùsak pùla iwechi yau. Mùkkàlà utùnàippù apyak ittu màlà àli pe eke makui inkuppù pàk,” tukaik.

John 19:11 ပူးပေါင်းရင်းမြစ်များ

Matthew 26:65

Màlà yau Eke kulu paatele uya tùpon kalakappù molopai, “Àli pe Katù winàkaik nùselupapàssan. Uselupantok tu'ma iche we'nà'nokon pùla man. Àli pe ichelupa metakappàssatàik!

Matthew 27:2

Jesus yaulomùppù tok uya màlà. Tok uya yalàppù molopai Pilate, kopùna pe tùwessen, yemyak tok uya itùlùppù màlà.

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

Mark 14:44

Judas uya yentok ipàkàlà woton yekamappù kappon yamùk pàk, “Kàyik unùkisma mùkkàlà iche ewettok kon. Machitàik, molopai matàik,” teppù.

Luke 22:53

Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.

John 18:13

Molopai tok uya yalàppù wapiya Annas piyak, Caiaphas noppù kàipùnù pe iwechippù mùkkàlà wechippù màlà eke paatele yamùk yepulu pe màlà yattai.

John 18:3

Màlàyau Judas uyàpùppù umà yak sousa yamùk molopai paatele yamùk yennàinan molopai Pharisee yamùk neunokossan nepùppù ya. Tepu pàk apok yalàppù tok uya, lanppu yamùk molopai kasupala yamùk là.

John 19:10

Màlàyau Pilate uya ipàk, “Uyelupapai pùla na' messan? Ittu na' auya pùla nai, ànonkatok uya wapùla àtùtok uya ewelittok yak yapàikketù yesappe wechi?” teppù.

John 3:27

John uya tok maimu yeikuppù, “Kappon uya yà'làlà yepotok pùla man, tùse epùn poi neken Katù uya ilepasak yau.

John 7:30

Màlàpàk kulu anachipai tok wechippù, tùse ànù'là uya temyatù tùlùppù ipàk pen, masapùla iweyu uyàssak pùla lùppù iwechi pàk.

John 9:41

Jesus uya tok pàk, “Enpùla ewessak kon yau àli pe euchittuppù pen sàlà eppaino, tùse ‘Ina nenyan,’ te auya'nokon yau, molo lùppù àli kuttok auya'nokon man,” teppù.

Yeunossak kon Wotokoyi 2:23

Katù uya sà kasa wak nechiitta tetok tùuya yau, molopai ittutok tùuya yau, Jesus tùlùppù eyemyakù'nokon. Molopai iwànàppù auya'nokon, àli ton kappon yamùk uya tàwà ipukapàttoppe pulusuk pona ikupùppù auya'nokon.

Yeunossak kon Wotokoyi 3:13

Abraham Katùyi, Isaac Katùyi, molopai Jacob Katùyi, ina tamo yamùk Katùyi uya, wakù apulàntok tùsak sàlà tapyoto Jesus yemyak. Pùsàlà tùlùppù auya'nokon itepulu yamùk yemyak, inulunpappù auya'nokon Pilate yemloto po, inonka pàk lànen iwekkussak tùse.

Yeunossak kon Wotokoyi 4:28

Tok wepilipùppù, tamù'nawàlà àmàlà emeluntàlù molopai eyeselu yau ànkupùppù iwekkutoppe kusse.

Romans 11:36

Masapùla tamù'nawolon yà'làlà iwekkussak lùppù wechi màlà iwinon pe, mùkkùlà yai molopai iponaloppe. Tàwà uchi apulàntok molopai namantok iponaloppe nechii tàwàlàlà. Emen.

Romans 13:1

Tamù'nawolon kon uchi pata yesappe nai'nannùk maimu yawàlà nechii. Masapùla yà'là yekkwa là apàikkek wechi molo pùla iwechi màlà tùse Katù winàpaino neken. Molopai molo nai'nùk pata yapàikketù tùsak màlà màlà motak Katù winà.

James 1:17

Tamù'nawolon wakù iwalai lepantok màlà tùuyàssen epùn poi; Katù winàpai, tamù'nawolon pata weyu yamùk kau nai'nùk màlà inkonekappù. Tùwemyakammasen pen, màlà tùse pùla tùwelattà yau ewalupà ne'nài pen.

James 4:17

Màlàpàk kappon wakù tùnùttu ku'nài pen uya àli kupù màlà.