John 18:4 - Patamuna New Testament Revised

⁴ Jesus uya màlà tamù'nawolon yà'là pe là tùkuttok ittuppù. Iitàppù tok piyak molopai tok pàk, “Ànùk yeneiche messatàu?” teppù ya.

John 18:4 ပူးပေါင်းရင်းမြစ်များ

Matthew 16:21

Màlà motapai nen uchi Jesus uya ta'lon kon yelupappù màlà, “Utà pe man Jerusalem pona molopai eke ton uya utalumattà màlà ipla àsà pe, eke ton paatele yamùk yepulu yamùk, molopai Law pàk enupannan uya. Uwànà màlà molopai icholùwano wei yattai uwuluuka màlà,” tukaik.

Matthew 26:2

“Mùttuyatàik, asa'là wei tùpo Usentaka'nàppà Yattai Uta'lettàntok wechi, molopai Kàyik Mumu tùlù màlà ipukapàttoppe pulusuk pona.”

Matthew 26:21

Tok uta'lettà tùse, Jesus uya tok pàk, “Ailon kulu sàlà, tewinannà àtonpa kon uya uyeimippo màlà,” teppù.

Matthew 26:31

Màlàyau Jesus uya tok pàk, “Sàlà yewalupàyi tau tamù'nawàlà ewepe kon màlà molopai unàmà auya'nokon, masapùla Katù Maimu yau iwe'menukasak màlà, ‘Kalinilu mainanpanài wànà uya màlà, molopai kalinilu yamùk wetta'nùpù màlà,’ tukaik.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

John 13:1

Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 13:11

Jesus uya màlà teimipo woton ittukapùppù, màlàpàk màlà, “Tamù'nawàlà pùla wakù pe messatàik,” teppù ya.

John 18:5

Tok uya imaimu yeikuppù, “Jesus Nazareth pon,” tukaik. Jesus uya, “Iulà mùkkàlà,” teppù tok pàk. Judas nàlà yeimipponàippù wechippù satippe tok piyau.

John 18:7

Màlàyau Jesus uya tok yekamappotu'mappù, “Ànùk mùwayatàu?” tukaik. Tok uya, “Jesus Nazareth pon,” teppù.

John 19:28

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

John 6:64

Tùse attau'nokon tùulon kon uya ailon te pùla lùppù man.” Iweppyattà motapai Jesus uya i'namo uya ailon teppù pùla iwechi, molopai i'nai uya tùwelittok yak tùtùlù ittuppù màlà.

Yeunossak kon Wotokoyi 2:28

Asanta wema'nàtok ye'ma yawà anài yekamasak auya man upàk, molopai upyau ewettok uya uyanùkka màlà utauchinpantok ke,’ tukaik.

1 Peter 4:1

Christ wettalumattàppù màlà talà non po màlàpàk uchi iwettalumattàppù kasa ewettalumattà kon pa ekonekatàk, tùwettalumattàtok pàlikasak ya àponalok kon pe pàk, masapùla ànù'là tùtalumattàtok yanùnnài weleutasak màlà àli kupù tùuya winàpai.