John 18:37 - Patamuna New Testament Revised

³⁷ Màlàpàk Pilate uya ipàk, “Màlàyau ken na' kin àmàlà?” teppù. Jesus uya yeikuppù “Kin àmàlà mùkayaik làkku. Wentusak màlà sàlà wolù yak molopai uyàpùppù sàlà pàkànsau, ailon pàk eselupaik. Tamù'nawolon kon ailon winon kon umaimu yetannan,” teppù Jesus uya Pilate pàk.

John 18:37 ပူးပေါင်းရင်းမြစ်များ

Matthew 26:64

Jesus uya yeikuppù, “Wa mùkayatàik làkku tà. Tùse tekamayaik àpàkù'nokon, sàlà motapai yene auya'nokon màlà Kàyik Mumu wechi chichiu pe apàikeppe tùwessen kamikù pen winà, molopai iyàpù katuppluk po epùn poi!” tukaik.

Matthew 27:11

Jesus wechippù màlà satippe kopùna yemloto po, mùkkàlà uya yekamappoppù. “Jew yamùk kinù na' àmàlà?” tukaik. Jesus uya yeikuppù, “Wa mùkayaik làkku,” tukaik.

Mark 14:62

Jesus uya imaimu yeikuppù, “Iulà mùkkàlà,” molopai Kàyik Mumu wechi màlà chichiupe yene auya'nokon tùmeluntàlù kenan kamik pen. Tamù'nawàlà Apàikkek winà, molopai iyàpù yene nàlà auya'nokon màlà epùn poi katuppluk yau,” tukaik.

Mark 15:2

Màlàyau Pilate uya yekamappoppù, “Àmàlà na' mùkkàlà Jew yamùk Yesak?” tukaik. Màlàyau yeikuppù, “Wa mùkayaik làkku tà,” tukaik.

Luke 22:70

Tamù'nawàlà tok uya, “Katù Mumu ken na' uchi àmàlà?” teppù. Tok yeikuppù ya, “Iulà mùkkàlà mùkayatàik làkku,” tukaik.

Luke 23:3

Pilate uya yekamappoppù, “Jew yamùk kinù ken na' àmàlà?” tukaik. “Wa mùkayaik làkku,” tukaik Jesus uya yeikuppù.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 3:32

Tùneneppù pàk molopai tùnetappù pàk ichelupa, tùse ànù'là uya inekama yanùmù pùla iwechi.

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

John 8:14

Jesus uya tok maimu yeikuppù, “Uyiwalà là uponalok pe uselupa tùse ailon màlà uselupatok. Masapùla tùttuyaik i'nai motapai là uyàpùppù, molopai i'nai motak là utà. Tùse imotapai uyàpùppù wapùla imotak utàtok ittutok auya'nokon pùla messatàik.

John 8:45

Tùse ailon yekama uya pàk, ailon te auya'nokon pùla man upàk.

John 8:46

Ànùk amyamlo kùlottau àli ku'nài pe uyittuyan? Ailon pe uselupa tùse yà'là pe iwechi pàk ailon te auya'nokon upàk pen màlà.

John 8:47

Katù ponalok kon mùkyamlo Katù Maimu yetannan. Tùse iponalok pe pùla ewechi kon pàk màlà yeta auya'nokon pùla iwechi,” teppù Jesus uya tok pàk.

1 Timothy 6:13

Eyekamappo uya sàlà umaimu yawàlà ewechi pa Katù yemloto po, wema'nàtok tùnài tamù'nawolon yà'làlà yak yemloto po, molopai Christ Jesus, Pontius Pilate yemloto po wakù yekamanàippù yemloto po:

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 John 2:21

Emenuka kon Uyaichi sàlà, ailon ittu auya'nokon pùla iwechi pàk pùla; tùse làkku, ittu auya'nokon pàk, molopai nàlà kasei uyàpù ailon yapai pùla ittu auya'nokon pàk.

1 John 3:14

Ittu'nokon man weli'nàtok nànsak kùuya'nokon molopai uyà'nàsakù'nokon wema'nàtok yak, masapùla kùtonpa kon pùnùnma'nokon pàk. Mùkyamlo tùtonpa kon pùnùnmatok ya pùnon wechi lùppù màlà weli'nàtok yau.

1 John 3:19

Sàlà kasaichi màlà ailon ponaloppe we'nà'nokon ittu. Sàlà kasa màlà kùyewan kon wàlàkkassak wechi Katù yemloto po ittu.

1 John 4:6

Tùse Katù ponalok kon kùmyamlo. Ànù'là Katù ittunài uya kùyeta kon màlà; ànù'là Katù ponalok pen uya kùyeta kon pen màlà. Sàlà kasaichi màlà ailon Akkwalù molopai iwalai pen akkwalù wechi tùpatalà kulu ittu.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

Revelation 1:4

John winàpaino 7 pan sochi yamùk pata Asia yawolon kon piyak: Tàwà wakù Katù nùkupù molopai echitonpa pe we'nàtok Katù winàpaino apyau'nokon nechii. Mùkkàlà sàlà pe nai'nùk, iwechippù nai'nùk molopai tùuyàpù woton pe nai'nùk winàpaino apyau'nokon nechii, molopai 7 pan kon akkwalù yamùk Katù yapon yemloto po tùwessan winàpaino.

Revelation 3:14

“ Laodicea pon Sochi inchelùyi piyak sàlà imenukakà: “Sàlàichi màlà itekale mùkkàlà Emen winàpaino. Ailon molopai ailon yekamanài, tamù'nawolon Katù nùkonekasan wepyattàtok.”