John 18:33 - Patamuna New Testament Revised

³³ Màlàyau Pilate wewontukkappù tapùi tak, Jesus kà'mappù ya molopai yekamappoppù ya, “Jew yamùk kinù na' àmàlà?” tukaik.

John 18:33 ပူးပေါင်းရင်းမြစ်များ

Matthew 27:11

Jesus wechippù màlà satippe kopùna yemloto po, mùkkàlà uya yekamappoppù. “Jew yamùk kinù na' àmàlà?” tukaik. Jesus uya yeikuppù, “Wa mùkayaik làkku,” tukaik.

Matthew 27:27

Màlàyau Pilate soichayi yamùk uya Jesus yalàppù Kopùna patassek yak, molopai tamù'nawà tùtonpa kon yamùk pokonpe tok wepilipùppù Jesus woi.

Mark 15:2

Màlàyau Pilate uya yekamappoppù, “Àmàlà na' mùkkàlà Jew yamùk Yesak?” tukaik. Màlàyau yeikuppù, “Wa mùkayaik làkku tà,” tukaik.

Luke 23:2

Molo Jesus talumattà pe tok uselupappù, “Pùsàlà kàyik yepotai ina, ina tonpa yamùk yennaka ya. Caesar yemyak pùlayatta tùlù tok uya tukaik, molopai tùmàlà pe Christ pe nekkuttai, Kin pe,” teppù tok uya.

John 1:49

Nathanael uya yeikuppù, “Ticha, Katù Mumu àmàlà! Israel yamùk Kinù!” tukaik.

John 12:13

Màlàyau tok uya kumya yale yamùk yepoloppù molopai tok utàppù yepose, molopai tok wentaimeppù, “Hosanna Katù yapulàtàk kon! Ipùlemasak mùkkàlà nùyàssai'nùk itepulu yesek yau! Ipùlemasak mùkkàlà Israel yamùk Kinù!” tukaik.

John 12:15

“Kesenalippai Zion Yenchi! Yenkà, Ekinù nùyàssan, tonki mule lùkkwà po,” tukaik.

John 18:34

“Eyiwalà na' wa te auya màlà wapùla ka' tùulon kon upàk eyelupai lù?” tukaik Jesus uya yekamappoppù.

John 18:37

Màlàpàk Pilate uya ipàk, “Màlàyau ken na' kin àmàlà?” teppù. Jesus uya yeikuppù “Kin àmàlà mùkayaik làkku. Wentusak màlà sàlà wolù yak molopai uyàpùppù sàlà pàkànsau, ailon pàk eselupaik. Tamù'nawolon kon ailon winon kon umaimu yetannan,” teppù Jesus uya Pilate pàk.

John 18:38

Pilate uya Jesus yekamappoppù, “Yà'là ken màlà ailon?” tukaik. Wa te tùpo Pilate wepakkatu'mappù Jew yamùk piyak, molopai tok pàk, “Italumattàtok uya iwenai woton yà'làlà àli yepolo uya pùla man.

John 19:12

Màlà yetasak tùuya yau, Pilate wechippù ànnonkapai. Tùse Jew yamùk wentaimeppù, “Pùsàlà kàyik nonkasak auya yau, Caesar wechiyakon pe ewechi pen màlà. Ànù'là tùyiwalà kin pe tùwekkussen wechi màlà Caesar yeyaton pe!” tukaik.

John 19:3

Molopai tok uyàpùppù ipyak, “Tachin pe emakkà Jew yamùk Kinù!” tei'ma. Molopai tok uya inta'moppù temyatù kon ke.

John 19:4

Pilate wepakkatu'mappù, “Yentàk kon, inepù uya sàlà apyakù'nokon, italumattàtok uya iwenai woton yeposak uya pùla iwechi ittu kon pa,” teppù ya tok pàk.

John 19:9

Màlàyau iwewontukkappù, molopai Jesus pàk, “I'nai motapai àuyàssak màlà?” teppù ya, tùse Jesus uya imaimu yeikuppù pen.

1 Timothy 6:13

Eyekamappo uya sàlà umaimu yawàlà ewechi pa Katù yemloto po, wema'nàtok tùnài tamù'nawolon yà'làlà yak yemloto po, molopai Christ Jesus, Pontius Pilate yemloto po wakù yekamanàippù yemloto po: