John 18:3 - Patamuna New Testament Revised

³ Màlàyau Judas uyàpùppù umà yak sousa yamùk molopai paatele yamùk yennàinan molopai Pharisee yamùk neunokossan nepùppù ya. Tepu pàk apok yalàppù tok uya, lanppu yamùk molopai kasupala yamùk là.

John 18:3 ပူးပေါင်းရင်းမြစ်များ

Matthew 25:1

“Màlà yattai itepulu pe we'nàtok epùn po wechi màlà sàlà kasa. Molo 10 pan kon ema'nomichi yamùk wechippù màlà, tùlanpuyi kon yanùnnàinan molopai iitàsak kon umoine tùwemali'ma woton wakkàse.

John 13:2

Jesus molopai inenupa ton wechippù màlà tùuta'lettà kon pàk ko'manpe. Makui uya Jesus yeimippotok ya tùkassak wechippù Judas Iscariot yewan yak. Pùsàlà mùkkàlà Simon mumu.

John 18:12

Màlàyau sousa yamùk molopai tok yepulu, molopai Jew yamùk yennài nan uya Jesus yachippù molopai tok uya yaulonpàtùppù.

John 18:18

Iko pe iwechippù màlàpàk apyoto yamùk molopai ennàinan uya apok pottàppù, molopai tok wechippù satippe iwoi, tùwa'no kon pàk. Peter wechippù nàlà satippe tok piyau tùwa'no pàk.

John 18:22

Jesus uya wa tesak yau, tewinan nà ennàinan tonpa uya Jesus mùta'moppù, “Màlà kasa ken na' uchi Eke kulu paatele yamùk yepulu maimu yeiku auya màlà?” tei'ma.

John 19:6

Màlàyau paatele yamùk yepulu ton molopai achinnan uya Jesus yensak yau, tok wentaimeppù, “Ipukapàkkà pulusuk pona! Ipukapàkkà pulusuk pona!” tukaik. Màlàyau Pilate uya tok pàk, “Yatàk kon ipukapàsse, masapùla italumattàtok uya iwenai woton yeposak uya pùla man,” teppù.

John 7:32

Màlàyau Pharisee yamùk uya kappon yamùk usàulàma ipàk yetappù. Màlà yattai Eke ton paatele yamùk yepulu ton molopai Pharisee yamùk uya achinnan yeunokoppù yachiik.

Yeunossak kon Wotokoyi 1:16

“Utonpa yamùk, Katù Maimu wekkussak man ailon pe, Wakù Akkwalù uselupappù David yai Judas pàk lùppù kasa. Mùkkàlà wechippù Jesus yachin nan kàyik yamùk yanài pe,”

Yeunossak kon Wotokoyi 10:1

Kàyik wechippù molo Caesarea po Cornelius itesek. Mùkkàlà wechippù màlà Roman soichayi yamùk yepulu, Italy poino kon soicha yamùk yepulu.