John 18:18 - Patamuna New Testament Revised

¹⁸ Iko pe iwechippù màlàpàk apyoto yamùk molopai ennàinan uya apok pottàppù, molopai tok wechippù satippe iwoi, tùwa'no kon pàk. Peter wechippù nàlà satippe tok piyau tùwa'no pàk.

John 18:18 ပူးပေါင်းရင်းမြစ်များ

Mark 14:54

Peter uya iwenaimappù mei, eke kulu paatele yamùk yepulu pata yak. Màlàyau chichiu pe iwechippù achinài nan piyau, tùwa'no pàk apok piyau.

Mark 14:67

Màlàyau Peter wa'no yeneppù ya molopai itenupàkàlà iwechippù, molopai, “Àmàlà nàlà mùkkàlà Jesus Nazareth poino ya'lon,” teppù ya.

Luke 22:44

Ipla kulu tùusewankono'masak echii'ma iwàpùlemappù màlà tùuseka'nonkaik. Iwewaichak useukkappù mùn kasa non pona.

John 18:25

Peter wechi molo satippe tùwa'no pàk tùse. Kappon uya yekamappoppù, “Àmàlà nàlà ku mùkkàlà ya'lon nà, ewaik na'?” tukaik. Peter uya yeikuppù, “Kane, Iulà pen,” tukaik.

John 18:3

Màlàyau Judas uyàpùppù umà yak sousa yamùk molopai paatele yamùk yennàinan molopai Pharisee yamùk neunokossan nepùppù ya. Tepu pàk apok yalàppù tok uya, lanppu yamùk molopai kasupala yamùk là.

John 21:9

Tùwepalùkasak kon yau, tok uya apok yalàn po molok yeneppù molopai pùlomù pusak yamùk nàlà.

Yeunossak kon Wotokoyi 4:23

Tùnonkasak kon pe là, Peter molopai John tawonnan wennapoppù tùtonpa kon yamùk piyak molopai tok uya yà'là teppù là Eke ton paatele yamùk yepulu ton molopai Eke ton uya yekamappù tok pàk.

1 Corinthians 15:33

Eyennaka kon kùsettak “Àli iwechiyakon pe we'nà màlà wakù eselu mattanù'nài.”