John 17:6 - Patamuna New Testament Revised

⁶ “Eyenpoikasak uya man mùkyamlo wolù yapai ulepatok kon auya yemyak. Àponalok pe tok wechippù màlà, molopai tok ke ulepappù auya. Molopai amaimu yawàlà tok wessak man.

John 17:6 ပူးပေါင်းရင်းမြစ်များ

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 12:28

Ukàipùnù, eke pe eyesek wettok yenpoikakà,” teppù Jesus uya. Màlàyau mayin uyàpùppù epùn poi, “Eke pe wettok yenpoikasak uya màlà, molopai yenpoika tukka uya màlà,” tukaik.

John 15:19

Sàlà wolù ponalok kon pe ewechi kon yau, à'nùnma kon ya màlà tùtonpa kon pe kulu ewechi kon kasa. Tùse sàlà wolù ponalok kon pen amyamlo, molopai ayanùnsak kon uya sàlà wolù winàpai pàk màlà, sàlà wolù yawon kon uya tewanma kon pe àkupù kon.

John 15:3

Amyamlo wekonekasak man wakù pe masapùla umaimu yetasak auya'nokon pàk.

John 15:7

Uyau ewemapù kon yau, molopai umaimu wechi ayau'nokon yau, iche ewettok yekamappokà molopai elepa màlà.

John 17:12

Tok piyau wechi yau, tok mainanpappù uya uyesek ulepatok auya winà. Ànù'là we'lachimappù pen tok kùlottapai, tùse tewinannà mùkkàlà tùumattasen yek, màlà Katù Maimu yau iwe'menukasak lùppù wekkuttoppe.

John 17:14

Amaimu tùkassak uya man tok piyak, molopai wolù yawon kon kappon yamùk uya tewanma kon pe tok kussak man, masapùla wolù ponaloppe pùla tok wechi pàk, wolù ponaloppe pùla wessai'nùk kasa.

John 17:16

Wolù ponaloppe pùla tok wechi màlà, iponalok pe pùla wessai'nùk kasa.

John 17:2

Tamù'nawolon kon kappon yamùk yepoi apàikkek ke ilepasak auya man, mùkyamlo temyak àntùlùssan lepa toppe ya tàwàlàlà wema'nàtok ke.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 17:26

Eyittutoppe tok uya ikussak uya man molopai eyittutoppe lùppù là tok uya ikupù pàk wechi màlà, u'nùnmatok auya wettoppe tok yau, molopai Iulà pe tok yau wettoppe,” tukaik iwàpùlemappù.

John 17:7

Molopai tok nen uchi nùttuyan sàlà pe màlà tamù'nawolon ulepatok auya lùssan wechi ewinàpaino pe.

John 18:9

Sàlà wekkupùppù màlà iichelupappù lùppù wekkutoppe “Tewin nà ulepatok kon auya tonpa lachima uya pùn,” tawon.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

John 6:39

Molopai sàlàichi màlà Uyeuno'nàippù yeselu, tamù'nawà ulepatok kon ya lachima uya pen màlà, tùse tamù'nawàlà tok wuluuka uya màlà wema'nàtok yak tewinanùppù wei yattai.

John 8:51

Ailon kulu sàlà, ànù'là umaimu yawolonnà wechi yau, weli'nàtok yene ya pen màlà,” tukaik.

John 8:52

Tok uya ipàk, “Ina nen uchi nùttuyan Makui wechi ayau pe. Abraham welikùppù molopai Katù Maimu yenpoikannan nàlà, tùse ‘Ànù'là umaimu yawàlà tùwessen welikù pen,’ te auya.

Yeunossak kon Wotokoyi 13:48

Yetasak tùuya'nokon yau, Jew yamùk pen utauchinpappù màlà molopai Itepulu maimu yapulàppù tok uya; mùkyamlo tàwàlàlà wema'nàtok ponaloppe yanùnsak kon wenappù màlà ailon tawonnan pe.

Romans 11:2

Katù uya tùponalok kon kappon yamùk nulunpasak pùla man, mùkyamlo inanùmùsan iwepyattà motapai. Mùttuyatàik Katù Maimu uya màlà Elijah uya Katù pawanattàppù Israel winàkàik.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

2 Timothy 1:13

Ailon mayin eyenupatai nùk Iulà yentok ipàkàlà pe ewettok pe imainampakà, molopai ailon tetok yau ekkà molopai uchi'nùnmantok yau ekkà kùmàlà pe nai'nùk Christ Jesus ponolak kon pe we'nà yau.

Hebrews 2:12

“Utonpa yamùk yelupa uya màlà àpàk. Katù, ayapulàtok yelenka uya màlà ilinà kappon yamùk yemlotopo,” teppù ya.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

1 Peter 1:1

Peter, yeunossak lùppù Jesus Christ winàpaino sàlà kaleta, Katù nanùmùssan kappon yamùk tùwemassan kaklan pe tùwetta'nùse pata yamùk: Pontus, Galatia, Cappadocia, Asia, molopai Bithynia yawolon kon piyak immenukappù sàlà.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

Revelation 2:13

“Ewemattok yau tùttuyaik, molo Settan yapon wettok imotau. Ailon pe lùppù messaik uyesek pàk, molopai ailon tetok auya upàk nonka auya pùn, Antipas yattai, ailon kulu upàk tùuselupasen iwàsak lùppù apata yau, molo Settan wemattok motau.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 3:8

Ànkupù tùttuyaik. Manatta yakkokasak uya man eyemloto po, ànù'là uya yakkolo yentai. Emeluntàlù wechi mala lùkkwà tùse enupantok uya kupùppù auya molopai ailon pe ewechippù upàk.