John 17:5 - Patamuna New Testament Revised

⁵ Ukàipùnù! sàlà pe eyemlotopo kùnonkak namantok patasek yak, wolù weppyattà wapiya apyau unamatok patassek yak.

John 17:5 ပူးပေါင်းရင်းမြစ်များ

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 10:30

Ukàipùnù molopai Iulà tawonnan mùkyamlo tewinan,” teppù Jesus uya.

John 14:9

Jesus uya yeikuppù, “Philip, apyau'nokon wessa'man tachin pe, tùse ken na' uchi uyittu auya pùla lùppù iwechi màlà? Ànù'là uyennàippù uya Ukàipùnù yensak màlà. Tùse yà'là pe iwechi pàk màlà, ‘Àkàipùnù yenpoikakà ina uya yentoppe,’ te auya?

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 3:13

Ànù'là kappon utàsak epùn pona pùla man tùse Kàyik Mumu neken iyàssak lùppù epùn poi,” tukaik.

John 8:58

Jesus uya tok pàk, “Ailon kulu sàlà, Abraham wentu wapiya iwemassak lùppù Iulà. Molonnà Iulà,” teppù.

Philippians 2:6

Katù là mùkkàlà tàwàlà, tùse Katù pokonpe ekkaichalà tùwenaiche iwechippù pen.

Hebrews 1:10

“Àmàlà Itepulu, iwepyattà pe non konekappù auya, molopai eyemyatù ke kak konekappù auya,” teppù ya nàlà.

Hebrews 1:3

Katù Mumu mùkkàlà tùulenpansen Katù yakkwayi ke. Katù yenpoika ya tamù'nawàlà, molopai tamù'nawolon tùnkonekappù yachinài mùkkàlà apàikkek tùmaimu ke. Wakù pe, tok uya àli kuttok yapai kappon yamùk kupù tùpo, iweleutappù màlà epùn po wakù kulu patassek Eke kulu Katù laitanù winon yak.

1 Peter 1:20

Katù nanùmùppù mùkkàlà wolù wekoneka wapiya, molopai ichenpoikappù sàlà yamùk iwenukattok weyu yattai àpàkànsau'nokon.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 John 1:2

Sàlà wema'nàtok wenasak tensen pe yau, ina uya yeneppù, màlàpàk ina uselupa sàlà ipàk, molopai ina uya tàwàlà wema'nàtok Kùkàipùnù winàpaino yekama àpàkù'nokon sàlà, ina pàk yekamasak lùppù.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 3:21

Mùkyamlo àli yentaikannan nùssan kupù uya màlà upyau tok weleuta toppe uyapon po. Àli yentaikasak uya molopai sàlà pe weleutasak Ukàipùnù piyau yapon po kasa làma.