John 17:25 - Patamuna New Testament Revised

²⁵ Wakù Ukàipùnù, wolù yawon kon uya lànen eyittu pùla tùse, eyittuyan Iulà, molopai pùsamo uyeunossak auya ittuyan.

John 17:25 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 16:16

Simon Peter uya yeikuppù, “Yeunossak àmàlà Christ, tàwàlàlà tùwemassen Katù Mumu,” tukaik.

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 10:15

Molopai ukàipùnù uya uyittu kasa nàlà ukàipùnù tùttuyaik. Molopai wematok tùlù uya màlà kalinilu yamùk ponaloppe.

John 15:21

Tùse sàlà yamùk kupù tok uya màlà ewinàkài'nokon uyesek pàkànsau. Masapùla uyeuno'nàippù ittu tùuya'nokon pùla iwechi pàk.

John 16:27

Ukàipùnù mùkkàlà tùmàlà pe tù'nùn pe àku'nài'nokon. Masapùla à'nùn kon pe ukussak auya'nokon pàk, molopai Katù winàpai uyàssak pàk ailon tesak auya'nokon pàk.

John 16:3

Sàlà yamùk kupù màlà tok uya, masapùla Ukàipùnù wapùla Iulà ittu tùuya'nokon pùla iwechi pàk.

John 16:30

Ina nen uchi nenyan tamù'nawolon ittu auya. Molopai ànù'là uya eyekamappopàtù iche pùla ewechi. Màlàpàk nen uchi ailon nùkayan ina Katù winàpaino pe ewechi pàk,” teppù.

John 17:11

Wolù yau wechi pe pùla man talàpai, apyak uyàpù sàlà. Tùse pùsamlo wechi lùppù màlà wolù yau. Wakù Ukàipùnù, tok imainanpakà eyesek meluntàlù yau, uyesek ulepatok auya winà. Tewin tok wettoppe tùtonpa kon pokonpe, tewin we'nà àpokonpe nai'nùk kasa.

John 17:18

Wolù yak uyeunokoppù auya kasa tok yeunossak uya man wolù yak.

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

John 17:23

Iulà wechi tok yau, molopai àmàlà wechi uyau. Màlàpàk tok nepù nechiik tewin tok wettok yak, wolù yawon kon uya uyeunossak auya ittutoppe, molopai à'nùn pe tok kupùppù auya à'nùn pe ukupùppù auya kasa làma.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 17:8

Masapùla màlà enekamappù lùppù upàk yekamappù uya tok pàk, molopai tok uya yanùnsak man. Ailon pe apyapai uyàpùppù ittuyan tok, molopai tok nàlà ailon nùkayan uyeunokoppù auya pàk.

John 3:17

Masapùla sàlà wolù pon kon kappon yamùk talumattàik Katù uya Tùmu yeunokoppù pen màlà, tùse tok wepùikattà toppe làkku yai.

John 6:19

Mei kanau yukklasak tok uya 3 wapùla 4 miles pàkàlà tùse Jesus uyàpù tuna po kanau winàkàik yeneppù tok uya. Màlàyau tok usenalippasak wechippù.

John 7:29

Tùse mùkkàlà tùttuyaik masapùla ipyapai uyàssak pàk. Molopai uyeunossak ya pàk,” tukaik.

John 8:19

Màlàyau tok uya yekamappoppù, “I'nai ken uchi mùkkàlà Àkàipùnù?” tukaik. Jesus uya tok maimu yeikuppù, “Uyittu auya'nokon pùla messatàik, wapùla Ukàipùnù là. Uyittu auya'nokon yau Ukàipùnù nàlà ittu auya'nokon màlà,” tukaik.

John 8:55

Ittu auya'nokon pùla là man, tùse tùttuyaik. Mùkkàlà ittu uya pùla man te uya yau, akasa'nokon kasei pe wechi màlà. Tùse unùttu mùkkàlà, imaimu yawàlà wettok.

Yeunossak kon Wotokoyi 17:23

Masapùla usalà apata kon yawàlà yau, tentai àwàpùlema kon patassek, molopai tepotai molo imenukasak, ‘Tùtusen pen Katù pàk,’ tawon. Mùkkàlà màpùlemayatài'nùk ipàk, ittu auya'nokon pùla là tùse, mùkkàlà yekama uya sàlà àpàkù'nokon,”

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 1:28

Màlà pe neken pùla kappon yamùk uya Katù tùttuik we'nàtok yekale nulunpasak tanùnse pùla pàk, tok tùsak ya màlà àli pe tok usenumenkantok yemyak, àli ton tùnkupù kon pen kuttoppe tok uya.

Romans 3:11

Tewinannà ittunài pùla iwechi, wapùla Katù iwanài pùla iwechi.

Romans 3:26

Màlà kupùppù Katù uya màlà ikasa tùwettok sàlà yattai yenpoika pe. Sàlà kasa Katù uya ikasa tùwechi yekama màlà molopai tamù'nawolon kon ailon tawonnan Jesus pàk yanùmù tùuya ikasa.

1 Corinthians 1:21

Masapùla Katù uya tùpukketù yai kappon yamùk kupùppù wolù pukketù yau tùttutok tok uya pùla. Tùse làkku Katù wekkupùppù “Mùkyamlo ailon tawonnan ‘wo'mattantok’ itekale pàk pùikattà uya màlà,” tukaik.

1 Corinthians 15:34

Ennappotàk kon wakù pe eusenumenkatok kon yak, molopai àli kuttok auya'nokon yeselu yeleutanùttàk kon. Sàlà te uya sàlà ewekuli'ma kon pa, masapùla molo man àkklottau'nokon tùulon kon Katù ittunnan pen.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Hebrews 8:11

“Ànù'là uya takontalù wapùla tùtonpa yenupa pen màlà, ‘Itepulu Katù ittutàk kon,’ tukaik, masapùla tamù'nawàlà tok uya uyittu màlà, i'nai yekkwa pe là echii'ma, italumayippù motapai eke ponalà.”

1 John 1:9

Tùse Katù pàk kùmakuyi kon yekama yau, ailon mùkkàlà molopai iwalai ku'nài. Màlàpàk kùmakuyi kon pàk ichentupa màlà kùpàkù'nokon molopai wakù pe kùma kon ya màlà tamù'nawolon àli winàpai.

Revelation 13:8

Tamù'nawolon kon non po tùwemassan uya màlà yapulà, mùkyamlo kappon yamùk itesek imenukasak kon wema'nà kaletayi yau pen. Màlà kaleta màlà Kalinilu Mule iwàsak lùppù non koneka wapiya ponalok.

Revelation 16:5

Inchelù tuna yesappe tùwessen uya, “Iwalai àmàlà, sàlà yamùk talumattà pàk, Àmàlà mùkkàlà wakù esukenan kulu, sàlà pe nai'nùk molopai iwechippù nai'nùk!