John 17:1 - Patamuna New Testament Revised

¹ Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 17:1 ပူးပေါင်းရင်းမြစ်များ

Mark 14:41

Icholùwano itekkwa pe tu'ma iyàpùppù. Màlàyau tok pàk. “Mewe'nùnyatàu lùppù ichi? Màlàka'satàu lùppù na'?” tukaik tok yekamapoppù ya. “Eichilà man, Yattai iwenasak man! Kàyik Mumu tùsak man àliton yemyak,” teppù ya.

Luke 18:13

“Tùse pùlayatta pili'nài wechippù satippe mei. Molopai tenpata tùlù ya Epùn winàkàik pùla kulu iwechippù, tùse tùplopo wàpàtùppù ya neken, molopai, ‘Katù, upàk tàwà esentuppakà, Iulà sa'ne, umakuyi yawon!’ tei'ma.

Luke 22:53

Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.

John 11:4

Yetasak tùuya yau, Jesus uya, “Lazarus e'nek pe man, tùse iwelittok pe iwenukapù pen màlà. Sàlà wechi màlà Katù yapulàtok iwinà pe, molopai Katù Mumu yapulàtok yai pe,” teppù.

John 11:41

Màlàyau tok uya tàk yamappù uluwaik poi. Jesus uya tenu tùlùppù kakàik, molopai iwàpùlemappù “Ukàipùnù, tenki ukayaik àpàk, umaimu yetappù auya pàk,” teppù.

John 12:23

Jesus uya tok maimu yeikuppù, “Wei uyàssak man, mùkkàlà Kàyik Mumu, yanùntok namantok patassek yak yattai.

John 13:1

Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 16:32

Tùse wei nùyàssan, molopai iyàkkassak man, ewetta'nùttok kon yattai. Ewemeippàtù kon màlà apata kon yak tewin pàk, molopai unàmà auya'nokon màlà tewincha. Tùse tewincha pùla wessaik, masapùla Ukàipùnù upyau man.

John 7:30

Màlàpàk kulu anachipai tok wechippù, tùse ànù'là uya temyatù tùlùppù ipàk pen, masapùla iweyu uyàssak pùla lùppù iwechi pàk.

John 7:39

Wate tùuya yau ichelupappù màlà Akkwalù pàk, tùpàk ailon tawonnan nepolo woton pàk. Màlà tepose Akkwalù tùsak pùla lùppù iwechippù masapùla Jesus wuluukappù pùla iwechi pàk tùnamatok patassek yak.

John 8:20

Sàlà màlà Jesus uselupappù Katù yùwùk tawon pùlayatta pilittok yak motau echii'ma, tùse ànù'là uya yachippù pen, masapùla iweyu uyàssak pùla lùppù iwechi pàk.

Yeunossak kon Wotokoyi 3:13

Abraham Katùyi, Isaac Katùyi, molopai Jacob Katùyi, ina tamo yamùk Katùyi uya, wakù apulàntok tùsak sàlà tapyoto Jesus yemyak. Pùsàlà tùlùppù auya'nokon itepulu yamùk yemyak, inulunpappù auya'nokon Pilate yemloto po, inonka pàk lànen iwekkussak tùse.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.