John 16:32 - Patamuna New Testament Revised

³² Tùse wei nùyàssan, molopai iyàkkassak man, ewetta'nùttok kon yattai. Ewemeippàtù kon màlà apata kon yak tewin pàk, molopai unàmà auya'nokon màlà tewincha. Tùse tewincha pùla wessaik, masapùla Ukàipùnù upyau man.

John 16:32 ပူးပေါင်းရင်းမြစ်များ

Matthew 26:31

Màlàyau Jesus uya tok pàk, “Sàlà yewalupàyi tau tamù'nawàlà ewepe kon màlà molopai unàmà auya'nokon, masapùla Katù Maimu yau iwe'menukasak màlà, ‘Kalinilu mainanpanài wànà uya màlà, molopai kalinilu yamùk wetta'nùpù màlà,’ tukaik.

Matthew 26:56

Tùse tamù'nawàlà sàlà yamùk wekkussak sàlà, Katù Maimu yawon Imaimu yenpoikannan uya màlà kasa iwekkupù màlà teppù kasa,” teppù ya. Màlàyau tamù'nawàlà Jesus ya'lon kon uya inàmàppù, aitunpe tok wepeppù.

Mark 14:27

Màlàyau Jesus uya tok pàk, “Tamù'nawàlà ewepe kon màlà molopai unàmà auya'nokon iwe'menukasak kasa kulu Katù Maimu yau, ‘Katù uya kalinilu yamùk yesak wànà màlà, molopai kalinilu yamùk wetta'nùppù màlà,’ tukaik,” teppù.

Mark 14:50

Màlàyau tamù'nawàlà inenupa ton uya inàmàppù, tok wepeppù.

John 12:23

Jesus uya tok maimu yeikuppù, “Wei uyàssak man, mùkkàlà Kàyik Mumu, yanùntok namantok patassek yak yattai.

John 16:2

Tok uya eyenpakka kon màlà Jew yamùk wepilittok itak yamùk tapai. Wei nùyàssan ànù'là àwànài'nokon uya Katù ponaloppe tùwe'wotokoma kon pe tok uya yekama màlà.

John 16:25

“Sàlà yamùk yekamappù uya àpàkù'nokon ittutok ipàkàlà pokon pe. Tùse wei nùyàssan sàlà kasa tu'ma uselupatok yattai pen, tùse wakù pe Ukàipùnù yekama uya màlà àpàkù'nokon.

John 16:31

Jesus uya tok maimu yeikuppù, “Ailon mùkapàssatàik nen uchi sàlà pe!

John 19:27

Molopai tùnenupappù pàk, “Pùsà yenkà, asan,” teppù ya. Màlà motapai inenupappù uya ichan nùppù yalàppù tùwùk tak.

John 20:10

Màlàyau inenupa ton nùssan wennappoppù tùpata kon pona.

John 4:21

Jesus uya ipàk, “Nossan, ailon kakkà upàk, pata weyu nùyàssan màlà yattai sàlà wùk po wapùla Jerusalem po Ukàipùnù nama pe yapulà pen nen uchi màlà.

John 4:23

Pata weyu nùyàssan molopai iyàkkassak man ailon pe yapulànnan uya Ukàipùnù nama pe yapulà màlà, ailon pe molopai takkwalù kon ke, masapùla mùkyamlo yekkwa ton tùnama pe tapulànnan iche màlà Katù wechi.

John 5:25

Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.

John 5:28

Kesenumenkatàu kulu sàlà pàk, pata weyu nùyàssan, tamù'nawàlà uluwaik yawon kon uya imaimu yetatok yattai.

John 8:16

Tùse kappon pàk sà kasa messaik teuya pe iwechi yau, uselupatok wechi màlà ikasa. Masapùla tewincha pùla wechi pàk, Ukàipùnù uyeuno'nàippù mùkkàlà upyawon.

John 8:29

Uyeununo'nàippù mùkkàlà upyauwon, tewincha unànnài pen mùkkàlà. Masapùla tàwàlàlà yauchinpanài ku'nài Iulà,” teppù.

Yeunossak kon Wotokoyi 21:6

Màlàyau eichilà ina nùtàyan teppù ina uya tok pàk, molopai ina wenukuppù kanau yak, tok wemeiku tùse.

Yeunossak kon Wotokoyi 8:1

Saul wechippù màlà mùkyamlo Stephen wànà pàk iwàtàk tawonnan kùlottau. Màlà wei yattai àsà talumattàntok wepyattàppù sochi tawon kon Jerusalem po winàkàik. Tamù'nawàlà ailon tawonnan wetta'nùsak wechippù màlà pata Judea molopai Samaria tawon yawàlà, tùse yeunossak kon neken wechippù Jerusalem po.