John 16:27 - Patamuna New Testament Revised

²⁷ Ukàipùnù mùkkàlà tùmàlà pe tù'nùn pe àku'nài'nokon. Masapùla à'nùn kon pe ukussak auya'nokon pàk, molopai Katù winàpai uyàssak pàk ailon tesak auya'nokon pàk.

John 16:27 ပူးပေါင်းရင်းမြစ်များ

Matthew 10:37

“Ànù'là tùkàipùnù wapùla tùsan pùnùnmanài uyentai mùkkàlà wechi màlà uponalok yek pe pùla. Ànù'là tùmu wapùla tenchi pùnùnmanài uyentai wechi màlà uponalok yek pe pùla.

John 14:21

“Ànù'là enupantok uya yanùnnài molopai iku'nài mùkkàlà uyi'nùnmanài. Ànù'là tù'nùn pe ukussai'nùk wechi nàlà màlà Ukàipùnù pùnùn pe, u'nùn pe nàlà màlà ikupù uya molopai usenpoika màlà ipyak,” tukaik.

John 14:23

Jesus uya yeikuppù, “Ànù'là tù'nùn pe uku'nài wechi yau, enupantok uya maimu yawàlà iwechi màlà. Molopai Ukàipùnù uya tù'nùn pe ikupù màlà, molopai ina uyàpù màlà ipyak, ipyau emasse.

John 16:30

Ina nen uchi nenyan tamù'nawolon ittu auya. Molopai ànù'là uya eyekamappopàtù iche pùla ewechi. Màlàpàk nen uchi ailon nùkayan ina Katù winàpaino pe ewechi pàk,” teppù.

John 17:23

Iulà wechi tok yau, molopai àmàlà wechi uyau. Màlàpàk tok nepù nechiik tewin tok wettok yak, wolù yawon kon uya uyeunossak auya ittutoppe, molopai à'nùn pe tok kupùppù auya à'nùn pe ukupùppù auya kasa làma.

John 2:11

Sàlà màlà wapiya kulu eke tùwotokoyi yamùk piyattàppù Jesus uya Cana, Galilee yawon po. Molo màlà kupù tùuya ke tapàikketù yenpoikappù ya. Màlàyau inenupa ton uya ailon tetok tùuya'nokon Ipàk.

John 3:13

Ànù'là kappon utàsak epùn pona pùla man tùse Kàyik Mumu neken iyàssak lùppù epùn poi,” tukaik.

John 7:29

Tùse mùkkàlà tùttuyaik masapùla ipyapai uyàssak pàk. Molopai uyeunossak ya pàk,” tukaik.

John 8:42

Jesus uya tok pàk, “Katù wechi àkàipùnù kon pe yau, u'nùnmatok auya'nokon pan. Masapùla Katù winàpai uyàsak pàk, molopai sàlà pe talà wessaik. Uyiwalà uyàsak pen, tùse mùkkàlà uya uyeunossak.

Romans 8:3

Law nùkupù yentaino kupùppù Katù uya masapùla Law wechi attu'mùla pàk kappon yeselu wechi attu'mùla pàk, ikupùppù ya màlà tùmu yeunoko tùuya winà, iyàssak lùppù kappon pe àli pàkànsau tùtùsen pe.Màlàpàk makui yattu'mùnkappù ya kappon pe tùwechi ke.

1 Corinthians 15:47

Wapiyalok kàyik konekappù màlà non ippunuppù yapai, ite'mappù pokon kàyik epùn winàpaino.

1 Corinthians 16:22

Ànù'là Itepulu pùnùnmanài pen tàwà pa'nù'nàtok ipo nechii. Maranatha. Àikà Itepulu!

2 Corinthians 5:14

Masapùla yà'là yekwa là ina nùkupù wechi màlà Christ uya pùnùnmantok pe, tewinan kappon welikùppù tamù'nawolon kon kappon yamùk ponaloppe ittu'nokon pàk, tamù'nawolon kon wechi iwelittok pùkkù pe màlà te ya pe iwechi màlà.

Galatians 4:4

Tùse iwalai iweyu uyàssak yattai, Katù uya Tùmu yeunokoppù. Iwentuppù màlà nossan yai molopai law yo'no,

Ephesians 6:24

Tàwà wakù pe we'nàtok Katù winàpaino tamù'nawolon kon Kùyepulu Jesus Christ pùnùnma pàk nai'nannùk po nechii.

1 Timothy 1:15

Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.

Hebrews 12:6

Masapùla Itepulu wechi màlà tù'nùn pe tùwessan talumattànài pe molopai tamù'nawàlà tùmu kasa tùnanùmù ton ippo'nài mùkkàlà,” tawon.

1 Peter 1:8

À'nùn pe iku'nài nan amyamlo, yensak auya'nokon pùla lànen iwechi tùse; ailon tawonnan amyamlo ipàk yene auya'nokon pùla lànen tùse sàlà pe; màlàpàk eke pe autauchinpa kon màlà yekama yentai wakù utauchinpantok ke,

1 John 4:19

Uchi'nùnman nokon tùwessen masapùla Katù uya wapiya pùnùnmansakù'nokon pàk.

Revelation 3:19

Tamù'nawolon kon u'nùn pe unkupù yekamapponài Iulà molopai tok talumattànài nàlà. Amayintakà molopai amakuyi winàpai elattàkà.

Revelation 3:9

Yetakà, mùkyamlo Settan ponalok kon mùkyamlo kasei ton, Ichu yamùk pe tukaik tùwekkussan Jew yamùk pe pùla echii'ma. Tok kupù uya màlà tok uyàttoppe eyemloto pona, tok wepeimatoppe ayapulà pe. Tamù'nawàlà à'nùnma kon uya ittutoppe tok uya.