John 16:19 - Patamuna New Testament Revised

¹⁹ Jesus uya màlà sàlà pàk tok wechi tekamappopai yeneppù, màlàpàk tok pàk, “Àtonpa kon uchi mekamappoyatàu, yà'là teuya ‘Malalà tùpo uyene auya'nokon pen, molopai malalà tùpo tu'ma uyene auya'nokon,’ te uya pàk?

John 16:19 ပူးပေါင်းရင်းမြစ်များ

Matthew 6:8

Tok kasa kettàu, Katù mùkkàlà àkàipùnù kon molopai iche ewettok kon ittunài mùkkàlà tùpàk yenna auya'nokon wapiya.

Matthew 9:4

Jesus uya tok usenumenkatok ittuppù màlà molopai, “Yà'là peichi iwechi pàk àli pe eusenumenka kon màlà?” tukaik tok yekamappoppù ya.

Mark 9:32

Tùse inenupa ton uya ichelupasak ittu pùla iwechippù, tùse tok usenalippappù enekamappopai pùla.

John 13:33

Umunkà yamùk, apyau'nokon wechi sàlà malalà. Uyiwa auya'nokon màlà, yekama uya sàlà àpàkù'nokon, Jew yamùk pàk yekamappù uya kasa, ‘Utàyai'nùk yak àutà kon pen màlà,’

John 14:19

Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

John 16:16

“Malalà tùpo uyene auya'nokon pen màlà, molopai malalà tùpo tu'ma uyene auya'nokon,” teppù Jesus uya.

John 16:18

“Yà'là te ya ken uchi màlà ‘Malalà tùpo nùkayai'nùk? Ittu'nokon pùla man yà'là pàk là iichelupa,” teppù tok uya.

John 16:23

“Molopai màlà wei uyàssak yau uyekamappo auya'nokon yà'làlà pàk pen màlà. Ailon kulu sàlà, yà'làlà yekamappo auya'nokon Ukàipùnù pàk uyesek yai yau, elepa kon ya màlà.

John 16:26

Màlà wei yattai yekamappo auya'nokon màlà uyesek yai. Iulà pe Ukàipùnù yekamappo uya màlà àponalok kon pe te uya pen sàlà.

John 16:30

Ina nen uchi nenyan tamù'nawolon ittu auya. Molopai ànù'là uya eyekamappopàtù iche pùla ewechi. Màlàpàk nen uchi ailon nùkayan ina Katù winàpaino pe ewechi pàk,” teppù.

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

John 6:61

Tùuselupatok lùppù pàk tùnenupa ton usàulàma ittusak tùuya yau, Jesus uya tok pàk, “Uselupatok na' asakolopayatàu?

John 7:33

Jesus uya tok pàk, “Masa malalà apyau'nokon wechi sàlà molopai wennapo màlà uyeuno'nàippù piyak.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.