John 16:11 - Patamuna New Testament Revised

¹¹ Tok usenumenkatok ikasa pùla man talumattàntok pàk, masapùla sàlà wolù yepulu talumattàsak pàk.

John 16:11 ပူးပေါင်းရင်းမြစ်များ

Matthew 12:18

“Pùsàlàichi mùkkàlà uyapyoto unanùmùppù. U'nùn kulu mùkkàlà, utauchinpatok ipàk. Uyakkwalù tùlù uya màlà ipona. Molopai ittuntok uya yekama ya màlà tamù'nawolon kon pàk Jew yamùk pen pàk,” tawon.

Matthew 12:36

“Molopai sàlà tekamayaik àpàkù'nokon. Ittuntok Weyu yattai tamù'nawolon kon uya màlà àli pe tùttuse pùla tùuselupappù kon yekama.

Luke 10:18

Jesus uya tok yeikuppù, “Settan wepuka tentai pata wekamlippù kasa Epùn poi.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

John 14:30

Màlà yentak lùiwa àpokonpe' nokon uselupa pen sàlà, masapùla sàlà wolù yepulu nùyàssan. Tùse uyentaino pen imeluntàlù mùkkàlà.

John 16:12

“Tukke lùppù àpàkù'nokon unekama molo man, tùse yanùmù auya'nokon yeselùkek pùla man sàlà pe.

Yeunossak kon Wotokoyi 10:42

Molopai ina yapyontàppù ya kappon yamùk pàk itekale yekama pàk, imàlà wechi Katù nanùmùppù pe nulà nan kon molopai iwelichak kon ittunài pe iwettoppe yekama toppe ina uya.

Yeunossak kon Wotokoyi 24:25

Tùse Paul wechi tùuselupa pàk lùppù ikasa we'nàtok pàk, iwalàwannà esak pe, molopai Katù piyak wepili'nàtok ittuntoppe ya pàk tùse, Felix usenalipappù màlà. Màlàyau, “Itàkàichi àkà'ma tu'ma uya màlà, àkà'matok uya yattai yeposak uya yau,” teppù.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.

Romans 16:20

Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no. Wakù pe we'nàtok kùyepulu Chisek winàpaino wechi apyau'nokon màlà.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Colossians 2:15

Molopai màlà pulusuk po Christ uya itepulu ton àli akkwalù yamùk molopai apàikkek ton yentaikappù. Tok kupùppù ya tensan pe ayupo tok yentai tùwechi ke.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

Hebrews 6:2

Molopai enupantok usenpataukantok pàk wapùla mùyak nonkatok kappon pona wapùla iwelichak we'wuluukatok, molopai Katù uya àli ton talumattàtok tàwàlàlà pàk neken pùla.

Hebrews 9:27

Tamù'nawolon kon welikù màlà tewin itekkwa, molopai màlà ye'mappùtak Katù uya tamù'nawolon kon ittu màlà. Màlà kasa làma, Christ wettùlùppù màlà tùwelitoppe tewin itekkwa tukkan kon kappon yamùk makuyi ponaloppe. Yakon itekkwa pe ichenpoika tu'ma màlà kappon yamùk makuyi pàkànsau pùla. Tùse wepùikattàntok nepù ya màlà mùkyamlo tùmàmu'nài nan kulu ponaloppe.

2 Peter 3:7

Tùse kak molopai non sàlà pe nemassai'nùk kussak màlà, màlà lùppù Katù Maimu winà, inmattatoppe apok ke. Màlà yamùk kupù màlà, àli ton kappon yamùk ittutok yattai ponalà, molopai tok mattanùpù màlà.

1 John 3:8

Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.