John 15:25 - Patamuna New Testament Revised

²⁵ Tùse sàlà yamùk wekkupùppù màlà tok Law yau iwe'menukasak lùppù yawàlà. ‘Tok uya tewanma kon pe ukupùppù yà'làlà pàkànsau pùla,’ tawon.

John 15:25 ပူးပေါင်းရင်းမြစ်များ

Matthew 10:8

“E'netton mipittàtàik, iwelichak kon mùwuluukatàik, welei pokon kon mipittàtàik, molopai àli ton akkwalù yamùk menpakkatàik. Te'mase pùla yeposak auya'nokon man, màlàpàk me'lepatàik te'maik pùla.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

John 10:34

Jesus uya tok maimu yeikuppù, “Àmàlà' nokon Law yau uchi iwe'menukasak pùla nai, ‘katù yamùk amyamlo teppù uya?’ tukaik.

John 13:18

“Tamù'nawolon kon amyamlo pàk uselupa pen nai'nùk, tùttuyaik nen unanùmùssan. Tùse Katù Maimu uya, ‘Mùkkàlà pùlomù pussak nassai'nùk upyak welattàsak man uwinàkàik,’ teppù kasa iwechi màlà.

John 19:36

Sàlà yamùk wekkupùppù màlà Katù Maimu yau iwe'menukasak kasa iwettoppe. “Tewin nà yàppù ikkwàtù pen màlà,” tawon.

Romans 3:19

Sàlà pe ittu'nokon man tamù'nawolon Law yau nai'nùk wechi, mùkyamlo yawàlà nemassai'nannùk ponaloppe. Tamù'nawolon kappon we'waputtàtok kon yeleutanùttoppe molopai tamù'nawàlà wolù yawon kon kappon yamùk nettoppe Katù uya ittuntok yak.

Romans 3:24

Tùse lepantok wakù pe Katù wettok winà tok yanùnsak màlà ikasa Katù pokonpe Christ Jesus yai, mùkkàlà kùpùikattànài'nokon makui yapai.

2 Corinthians 11:7

Katù yekale yekamappù uya àpàkù'nokon epe'mùla. Àsà'mùla wenappù eke pe àkuttok kon pe uya. Ikasa pùla na' wessa' màlà?

Galatians 2:21

Wakù pe Katù wettok nonka uya pen sàlà. Masapùla kappon yanùntok ikasa Katù pokonpe Law yai pe iwechi yau, yà'là woton pe pùla Christ welittoppan.

2 Thessalonians 3:8

Ànù'là winàpai te'maik pùla là kùyali yekkwatù ina uya pùn. Tùse ina we'wotokomappù sa'man pe; wei nai molopai ewalupàttawàlà. Ànù'là wotokoma ina uya tukaik.

Revelation 21:6

Molopai upàk, “Nenukappàssan! Iulà mùkkàlà Alpha molopai Omega iweppyattàtok molopai iwenukattok. Ànù'là iwe'nakklipasak nai'nùk lepa uya màlà epe'mùn tuna ke wema'nàtok palu yapai.

Revelation 22:17

Wakù Akkwalù molopai Ema'non, inoppù woton, “Àikkà!” nùkayan. Tamù'nawolon kon sàlà yetan nan nàlàichi tàwà, “Àikkà!” nùkai. Àikkà, ànù'là iwe'naklipasak nai'nùk, wema'nàtok palu tuna yanùnkà lepantok kasa, ànù'là iche tùwessen.