John 15:24 - Patamuna New Testament Revised

²⁴ Ànù'là nùkupù pen kusak uya tok kùlottau pùla iwechi yau tùmakuyi ke echii'ma àli pe tok uchittuppù pen sàlà eppaino. Tùse eke ton wotoko yamùk kupù uya yensak tok uya man, walà tùse tewanma kon pe tok uya ukupù molopai Ukàipùnù nàlà.

John 15:24 ပူးပေါင်းရင်းမြစ်များ

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 21:32

Masapùla John Enpataukanài uyàpùppù màlà apyakù'nokon iwalai asanta yekamase, molopai ailon te auya'nokon pùn. Tùse pùlayatta pili'nàinan molopai kàyik yamùk yemyak tùwechilanmasan uya ailon teppù ipàk. Sàlà yene tùpo'nokon nànen eusenumenkatok kon mùyakanma auya'nokon pùn, molopai ailon te auya'nokon pùn,” teppù Jesus uya.

Matthew 9:33

Àli akkwalù yenpakkasak ya pe, kàyik uselupappù nen uchi màlà. Tamù'nawolon kon usenumenkasak wechippù. “Sàlà yekkwa là yensak nokon pùla man Israel yau,” teppù tok uya.

Mark 2:12

Màlà yattai là iwe'wuluukappù, tekkwek yanùmùppù ya, molopai iitàppù tok wapiya. Tok usenumenkappù kulu. Katù yapulàppù tok uya, “Sàlà yekwalà yensak pùla man wapiya,” tukaik.

Luke 24:19

“Yà'là yamùk uchi?” tukaik, tok yekamappoppù ya. “Màlà yamùk uchi Jesus Nazareth pon pàk iwekkussak lùppù,” tukaik tok uya yeikuppù. “Pùsàlà kàyik wechippù màlà Katù Maimu yenpoikanài pe. Katù nùttu, molopai kappon yamùk nùttu, meluntà pe imaimu yau molopai iwotokoyi yau.

John 10:32

Jesus uya tok pàk, “Tukke eke ton wotoko yamùk Ukàipùnù winàpaino yenpoikasak uya man eyemyakù'nokon. I'nai kulu sàlà yamùk wenai uwàpai ewechi kon nai'nùk?” teppù.

John 10:37

Ukàipùnù wotokoyi kupù uya pùla iwechi yau, ailon kùkatàu upàk.

John 12:10

Màlàyau paatele yamùk yennàinan wekkupùppù Lazarus nàlà tùlù pàk iwàtoppe,

John 12:45

Molopai uyenyai'nùk uya nàlà uyeuno'nàippù yensak màlà.

John 14:9

Jesus uya yeikuppù, “Philip, apyau'nokon wessa'man tachin pe, tùse ken na' uchi uyittu auya pùla lùppù iwechi màlà? Ànù'là uyennàippù uya Ukàipùnù yensak màlà. Tùse yà'là pe iwechi pàk màlà, ‘Àkàipùnù yenpoikakà ina uya yentoppe,’ te auya?

John 15:21

Tùse sàlà yamùk kupù tok uya màlà ewinàkài'nokon uyesek pàkànsau. Masapùla uyeuno'nàippù ittu tùuya'nokon pùla iwechi pàk.

John 15:22

Tok yelupaik uyàpù pùla iwessak yau, àli pe tùmakuyi ke tok uchittuppù pen sàlà eppaino. Tùse sàlà pe tùmakuyi kon waputtàtok tok uya pùla iwechi màlà.

John 15:23

Mùkkàlà tewanma pe uku'nài uya nàlà màlà nai'nùk Ukàipùnù kupù tewanma pe.

John 16:9

Tok makuyi yenpoikaya màlà, masapùla ailon te tok uya upàk pùla iwechi pàk.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

John 5:36

Tùse uponalok pe yekamanài yesappe wessaik, John yentaino. Màlà kulu wotoko ukàipùnù uya ulepatok yenuka'nùtoppe uya, tùkussai'nùk uya yekama màlà ukàipùnù uya uyeunossak pe.

John 6:36

“Tekamakattai àpàkù'nokon, uyensak auya'nokon man, tùse ailon te auya'nokon pùla lùppù man.

John 7:31

Walà tùse tukkan kon uya ailon teppù ipàk. “Tùuyàssak yau ken na' Christ uya pùsàlà kàyik uya ikupùppù yentai lùiwa ittutok ipàkàlà kupù?” teppù tok uya.

John 9:32

Non weppyattàppù motapai ànù'là uya enpùla iwentusak lùppù yenu yakkokasak man te yetasak pùla man.

John 9:41

Jesus uya tok pàk, “Enpùla ewessak kon yau àli pe euchittuppù pen sàlà eppaino, tùse ‘Ina nenyan,’ te auya'nokon yau, molo lùppù àli kuttok auya'nokon man,” teppù.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

Romans 1:30

Àli pe tùuselupasan tùtonpa kon pàk yeta ya pùla, Katù yeya'nomannan. Yà'làlà ànkuppai nokon tùyiwalà'nokon teselu kon yawà, tùtonpa kon yentai tùwekkussan molopai tamù'nawolon ittunài pe tukaik tùwekkussan, àli kuttok yawàlà woton kon pàk tùusenumenkasan, tùsan kon, tùkàipùnù kon maimu yawolon kon nà pen.

2 Timothy 3:4

eimipponnan pe tok wechi màlà, tùusenumenkaik pùla yà'làlà ku'nài nan pe, tùtonpa kon yentai tùwekkussan kon pe; sàlà motau utauchinpantok kupù màlà tùwakùli kon pe Katù kupù tùuya'nokon tù'nùn kon pe yentai;

James 4:4

Ailon ton pen kappon yamùk! Ittuichi auya'nokon pùla nai wolù yawon kon àli ku'nài nan wechiyakon pe we'nà wechi Katù yeyaton pe? Ànù'là wolù yeselu ku'nàinan kappon yamùk wechiyakon pe eppaino wekkupù màlà Katù yeyaton pe.