John 15:12 - Patamuna New Testament Revised

¹² Sàlà màlà enupantok uya. Tùuchi'nùnmaik ettàk kon, u'nùn pe àkupù kon uya kasa.

John 15:12 ပူးပေါင်းရင်းမြစ်များ

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 15:17

Sàlà yamùk màlà enupantok uya, ‘Tùuchi'nùnmaik mettàik,’ tawon,” teppù Jesus uya.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

1 Thessalonians 3:12

Tàwà Itepulu àtonpa kon pùnùnmatok auya'nokon molopai tamù'nawolon kon pùnùnmatok auya'nokon konekai ichemokkatoppe eke pe molopai eke peiwa molopai tàwà eke pe ina uya à'nùnmatok kon kasa kulu nenai .

1 Thessalonians 4:9

Suwa kuluichi àtonpa kon mù'nùnmatàik tukaik emenukatok kon uya iwenai woton pùla man. Masapùla Katù uya apanamappù kon màlà yà'là kasa là tùuchi'nùnmaik ewemattok kon pàk.

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 Peter 4:8

Wapiya kulu kappon yamùk tù'nùnmaik ettàk kon eke pe kulu, masapùla uchi'nùnmantok màlà tukkan àli waputtànài.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 4:21

Sàlàichi màlà Christ uya suwa ekkà tetok tùuya ke lepa'nàppà lùppù, mùkkàlà Katù pùnùnmanài uya nàlà tùtonpa pùnùnma màlà.

2 John 1:5

Màlàpàk eyekamappo uya sàlà, wakù kulu Nossan, uchi'nùnmanpai'nokon uchi man. Sàlà tùmenuka yai'nùk apyak màlà emennak pen suwa mettàik tetok; itesappe we'nàtokù'nokon sàlà iwepyattà motapai.