John 15:11 - Patamuna New Testament Revised

¹¹ “Sàlà yamùk yekamappù uya àpàkù'nokon utauchinpatok wettoppe ayau'nokon, molopai autauchinpatok kon wettoppe tamù'nawàlà.

John 15:11 ပူးပေါင်းရင်းမြစ်များ

Luke 15:23

‘Molopai kaiwan kulu paka mule inettàk kon molopai iwànàtàk kon. Uta'lettànpai'nokon man molopai utauchinpanpai'nokon.

Luke 15:32

Tùse uta'lettàn uchi sàlà molopai utauchinpan. Masapùla ayakon welichak wechippù màlà, tùse nen uchi sàlà pe pàli'yau man. Iitassak wechippù màlà tùse sàlà pe iwesseposak man,’ teppù ya,” teppù Jesus uya.

Luke 15:5

Yeposak tùuya yau, tùutauchinpasen mùkkàlà màlà yattai kalinilu nonkanài tùmota pona.

Luke 15:9

Yeposak tùuya yau, tùwechi yakon non molopai takontalù yamùk kà'manài mùkkàlà, ‘Atauchinpatàk kon upokon pe, masapùla pùlayatta pun unenu'mappù lùppù yeposak uya man!’ tawon mùkkàlà tok pàk.

John 16:24

Sàlà tepose yà'là là yekamapposak auya'nokon uyesek yai pùla man. Yekamappotàk kon, molopai yepolo auya'nokon màlà, molopai autauchinpatok kon wechi màlà tamù'nawàlà,” teppù Jesus uya tok pàk.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

John 17:13

Molopai uyàssaik apyak sàlà pe, sàlà yamùk te uya sàlà wolù yau lùppù echii'ma, eke pe kulu uwinon utauchinpantok wettoppe tok yau.

John 3:29

Tùwemali'masen umoine ponalok mùkkàlà ema'non. Umoine wechi yakon wechi màlà ipyau yeta pàk, molopai itauchinpa tùwechi yakon maimu yeta tùuya yau. Màlàpàk utauchinpayaik eke pe tùwemali'masen wechi yakon utauchinpa kasa.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

2 Corinthians 1:24

Ailon tetok auya'nokon ipàk woton yekamaiche eyepulu kon pe ina wechi pen sàlà. Autauchinpatok kon ponaloppe làkku ina we'wotokoma sàlà àpokonpe'nokon, meluntà pe ewechi kon ailon tetok yau pàk.

Ephesians 5:18

Meluntà tinchisen ke ketùntàu, amattanùpù kon ya neken màlà. Tùse làkku Wakù Akkwalù ke anùttàk kon.

Philippians 1:25

Ewaik, uyiche lùppù we'nàtok talà man. Salà non po wemapù pe lùppù iwa tùttuyaik, àpùikattà kon pàk, eunmeluntàta kon pa molopai tùutauchinpaik ewechi kon pa, ailon tetok auyau'nokon yau.

1 Thessalonians 5:16

Tùutauchinpaik mettàik tàwàlàlà.

1 Peter 1:8

À'nùn pe iku'nài nan amyamlo, yensak auya'nokon pùla lànen iwechi tùse; ailon tawonnan amyamlo ipàk yene auya'nokon pùla lànen tùse sàlà pe; màlàpàk eke pe autauchinpa kon màlà yekama yentai wakù utauchinpantok ke,

1 John 1:4

Ina uya sàlà menuka sàlà utauchinpantok wettoppe tamù'nawàlà.

2 John 1:12

Tukke unekama molo man àpàkù'nokon, tùse ikupù uya pen sàlà kaleta pàk; tùse akakklanpa uya pàk enpen wessaik, eyelupase Iulà pe, i'napailà tùutauchinpaik we'nàtoppe.