John 15:1 - Patamuna New Testament Revised

¹ “Iulà mùkkàlà ailon chi'nak grape yek, molopai Ukàipùnù mùkkàlà imainanpanài,” teppù Jesus uya.

John 15:1 ပူးပေါင်းရင်းမြစ်များ

Matthew 15:13

“Tamù'nawolon yei Ukàipùnù epùn pon nùpàmàppù pen kalaka màlà,” tukaik Jesus uya yeikuppù.

Matthew 20:1

“Itepulu pe we'nàtok epùn po wechi màlà umà yesak kasa. Ko'làma tùutàsen mùkkàlà kappon yamùk tù'mà yau tùwe'wotokoma woton kon yepose.

Matthew 21:33

“Tùulon panton yetatàk kon,” teppù Jesus uya. “Pata yesak wechippù màlà molo, grape yekkwa pànnàippù. Kulala tùlùppù ya iwoi, molopai non yakappù ya kùyali yepelu grape kaklà tok tùuya yau pe. Kawon pata yentok ipoi yamùppù ya. Molopai umà tùlùppù ya imainanpannan pe tùnepolossan yemyak. Molopai iitàppù tùulon pata yak.

Mark 12:1

Jesus uya tok yelupappù panton yau, “Kàyik uya chi'nak itek kùyali Grape itesek, pàmàppù umà yau. Umà woi kulala tùlùppù ya. Non yakappù ya grape kakklàtok tùuya yen pe, molopai kau tapùi yamùppù ya kappon uya umà yene yùwùk woton. Màlàyau kàyik yamùk yepoloppù ya umà mainanpa toppe tok uya, molopai iitàppù tùulon pata yak.

Luke 13:6

Màlàyau nen uchi Jesus uya sàlà panton yekamappù. “Kàyik tumà yau fig yek pànsak wechippù. Iitàppù itepelu iwase tùse yepoloppù ya pen màlà.

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

John 1:9

Sàlà wechippù màlà ailon kulu akkwa, sàlà non pona tùuyàssen, tamù'nawolon kon kappon yamùk weyuttàik.

John 15:2

“Upanta pe nai'nùk tùwepetasen pen, yattàpàtù ya màlà. Molopai tùwepetasen koneka ya màlà wakù pe tukkeiwa iwepeta toppe.

John 6:32

Jesus uya tok pàk, “Ailon kulu sàlà, Moses uya epùn poino pùlomù pusak ke elepappù kon pen màlà, tùse Ukàipùnù mùkkàlà elepanài'nokon ailon pùlomù pusak epùn poino ke.

John 6:55

Masapùla upun màlà kùyali kulu molopai umùnù màlà tinchisen kulu.

Romans 11:17

Imainanpasak olive panta yamùk tonpa wekkwàtùppù man, molopai imainanpasak pen panta ki'masak man ipatappù yak. Amyamlo Jew yamùk pen wechi màlà imainanpasak pen olive yek kasa. Molopai nen uchi Jew yamùk meluntàlù molopai wakù wema'nàtok pùkkù pe ewechi kon màlà.

1 Corinthians 3:9

Masapùla ina mùkyamlo Katù we'wotokoma tonpa yamùk, amyamlo nen uchi Katù tumà. Katù yùwùk nàlà amyamlo.

1 John 2:8

Walà tùse sàlà emennak suwa ekkà tetok tùmenukayai'nùk apyakù'nokon, molopai ailon pe iwettok usene màlà Christ yau molopai ayau'nokon nàlà. Masapùla ewalupà nùtàyan, molopai ailon kulu Akkwa ulenpansak man.