John 14:6 - Patamuna New Testament Revised

⁶ Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 14:6 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

John 1:17

Katù uya Law tùlùppù màlà Moses yai, tùse wakù pe iwettok molopai ailon uyàpùppù màlà Jesus Christ yai.

John 1:4

Mayin yau wema'nàtok wechippù molopai sàlà wema'nàtok uya akkwa nepùppù kappon yamùk weyuttànài pe.

John 10:28

Tok lepa uya màlà tàwàlàlà wema'nàtok ke, tok umatta pen. Molopai ànù'là uya tok mokka uyemyapai pen màlà.

John 10:7

Màlàyau Jesus uya tu'ma tok pàk, “Ailon kulu sàlà. Iulà mùkkàlà kalinilu yamùk kulalayi mùlatta.

John 10:9

Manatta Iulà. Ànù'là uyai tùwewonsen, mùkkàlà wepùikattà màlà. Iwewomù màlà molopai iwepakka teipa yepose.

John 14:19

Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

John 15:1

“Iulà mùkkàlà ailon chi'nak grape yek, molopai Ukàipùnù mùkkàlà imainanpanài,” teppù Jesus uya.

John 18:37

Màlàpàk Pilate uya ipàk, “Màlàyau ken na' kin àmàlà?” teppù. Jesus uya yeikuppù “Kin àmàlà mùkayaik làkku. Wentusak màlà sàlà wolù yak molopai uyàpùppù sàlà pàkànsau, ailon pàk eselupaik. Tamù'nawolon kon ailon winon kon umaimu yetannan,” teppù Jesus uya Pilate pàk.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 6:33

Masapùla màlà pùlomù pusak Katù nùtùlù mùkkàlà iyàssak nai'nùk epùn poi, wolù yawon kon kappon yamùk lepase wema'nàtok ke,” teppù.

John 6:51

Iulà mùkkàlà nulànan pùlomù pusak epùn poino. Ànù'là ina'nàippù wemapù màlà tàwàlàlà. Molopai sàlà pùlomù pusak màlà upun untùlù nulà we'nàtok ke lepanài, wolù yawon kon kappon yamùk wemattok ike pe,” teppù nàlà Jesus uya tok pàk.

John 6:57

“Tùwemassen Ukàipùnù uya uyeunossak sàlà, màlàpàk nàlà wemapù sàlà Ukàipùnù pàkànsau. Màlà kasa làma upàk tùuta'lettàsen wemapù màlà upàkànsau.

John 6:68

Màlàyau Simon Peter uya imaimu yeikuppù, “Uyepulu, ànùk piyak uchi ina utà? Apyau nen mayin man tàwàlàlà wema'nàtok ke lepanài.

John 8:32

Ailon ittu auya'nokon màlà, molopai ailon uya apyoto pe pùla àkupù kon,” teppù.

John 8:51

Ailon kulu sàlà, ànù'là umaimu yawolonnà wechi yau, weli'nàtok yene ya pen màlà,” tukaik.

Yeunossak kon Wotokoyi 3:15

Màlàyau nen uchi wema'nàtok yesak wànàppù auya'nokon. Tùse Katù uya iwuluukappù weli'nàtok yapai molopai ina uya yeneppù molopai ina nekamayan.

Yeunossak kon Wotokoyi 4:12

Wepùikattàntok wessepolo màlà mùkkàlà neken winà. Masapùla ànù'là yesek pùla iwechi màlà sàlà non po Katù nùtùlùppù kappon yamùk piyak wepùikattàntok iwinà pe,” tukaik.

Yeunossak kon Wotokoyi 9:2

molopai kaleta menukasak Jew yamùk wepilittok itak Damascus pon piyak yennappù ya; ànù'là Itepulu Jesus yeselu yawàlà tùwessen yeposak tùuya molo yau, yachi toppe tùuya, asakklàma kàyik yamùk molopai nossan yamùk molopai tok yatoppe tùuya Jerusalem pona.

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

Romans 5:2

Ailon tetok winà kùnessak kon ya sàlà, wakù pe Katù wettok yak, yau we'nà'nokon nai'nùk sàlà pe yak. Tùutauchinpasan kùmyamlo enpen we'nàtok, Katù yapulàtok pùkkù pe we'nà'nokon pàk!

Romans 5:21

Màlàpàk uchi, makui wechippù meluntà pe weli'nàtok yak anài pe. Màlà kasa làma Katù wettok wakù pe wechi màlà meluntà pe tùwenasen pe ikasa we'nàtok winà, tàwàlàlà wema'nàtok ne'nài pe Jesus Christ kùyepulu kon yai.

1 Corinthians 15:45

Màlà kasa iwe'menusak màlà, “Wapiyalok kàyik, Adam wenappù nulà tùwessen pe,” tawon, tùse àkàmlà'no Adam mùkkàlà Akkawalù, wema'nàtok tùnài.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Colossians 2:17

Tamù'nawolon sàlà yamùk màlà ewanawolok kon yakkwalùppù neken. Jesus Christ nen mùkkàlà ailon.

Colossians 2:9

Masapùla tamù'nawolon Katù yau nai'nùk wechi màlà Christ yau.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

Hebrews 9:8

Wakù Akkwalù uya yenpoikappù sàlà winà wapiyalok Katù yùwùk wechi molo lùppù pàk, Wakù Kulu Patassek ye'ma wechi lùppù takkose.

1 Peter 1:21

Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 2:4

Jesus Christ piyak àitàk kon, nulànan tàk mùkkàlà inulunpasak lùppù kappon yamùk winà italumayippù pe, tùse yanùnsak lùppù Katù winà epekkeppe.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 John 1:8

“Imakuyi pùn nen Iulà,” te kùuya'nokon yau, usennakan nokon màlà molopai ailon pùla iwechi màlà kùyau'nokon.

1 John 2:23

Masapùla tamù'nawàlà Imu nulunpannan uya nàlà Kùkàipùnù nulunpa màlà; mùkyamlo Imu yanùnnài nan uya nàlà Kùkàipùnù yanùmù màlà.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

1 John 5:6

Jesus Christ mùkkàlà iyàssak lùppù, tùusenpataukatok tunakwa molopai tùwelittok mùnù pokonpe. Iyàpùppù màlà tuna pokonpe neken pùla, tùse asakklàma tuna molopai mùn tukaik. Molopai Wakù Akkwalù uya tùmàlà pe yekamappù masapùla Akkwalù màlà ailon.

2 John 1:9

Ànù'là Christ maimu yawà tùwessen pen, tùse tentaikase nemassai'nùk yawàlà pùla wechi màlà Katù pùla. Ànù'là Christ maimu yawà tùwessen wechi màlà Katù Kùkàipùnù molopai Imu tawonnan yesappe.

Revelation 1:5

Molopai màlà wechi màlà Jesus Christ winàpaino pe. Ailon pe tùuselupasen Katù pàk, mùkkàlà wapiya iwuluukasak lùppù weli'nàtok yapai. Non po kin pe tùwessan yepulu pe nàlà nai'nùk. Kù'nùnmanài'nokon mùkkàlà, molopai tùmùnù winà kùpùikattàsak kon ya màlà kùmakuyi kon yapai.

Revelation 19:11

Màlàyau epùn utakkokasak yeneppù uya, molopai molo iwechippù aimu'nan kawale. Ipo tùwessen yesattok wechippù Tùusetakkasen pen molopai Ailon, ikasa we'nàtok ke kappon yamùk ittunài mùkkàlà molopai ikasa tùwepanta'masen.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.

Revelation 22:17

Wakù Akkwalù molopai Ema'non, inoppù woton, “Àikkà!” nùkayan. Tamù'nawolon kon sàlà yetan nan nàlàichi tàwà, “Àikkà!” nùkai. Àikkà, ànù'là iwe'naklipasak nai'nùk, wema'nàtok palu tuna yanùnkà lepantok kasa, ànù'là iche tùwessen.

Revelation 3:14

“ Laodicea pon Sochi inchelùyi piyak sàlà imenukakà: “Sàlàichi màlà itekale mùkkàlà Emen winàpaino. Ailon molopai ailon yekamanài, tamù'nawolon Katù nùkonekasan wepyattàtok.”

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.