John 14:31 - Patamuna New Testament Revised

³¹ Tùse sàlà wolù yawon kon uya Ukàipùnù kupù uya u'nùn pe ittutoppe, tamù'nawolon kupù uya yekamappù ya yawàlà. “E'wuluukatàk kon, utànpai'nokon sàlà motapai,” teppù Jesus uya tùnenupa ton pàk.

John 14:31 ပူးပေါင်းရင်းမြစ်များ

Matthew 26:39

Iitàppù màlà mei lùiwa, molopai non pona itenpata iwekkawai'mappù molopai iwàpùlemappù, “Ukàipùnù, ikupù auya pe iwechi yau, sàlà wettalumattàntok pùsawù yamakà uwinàpai! Tùse iche wettok pen, tùse iche làkku ewettok,” tukaik.

Matthew 26:46

E'wuluukatàk kon, utànpai'nokon. Yentàk kon, pùsàlàichi yenkà uyeimippo woton mei pùla!” teppù.

Luke 12:50

Usenpataukantok molo man unanùmù, molopai utaimelunpayaik ipàk iwenukapù ponalà.

John 10:18

Ànù'là uya wemattok mokka uwinàpai pen, tùse uyiwalà itùnài Iulà. Uyiwalà itùtok uya yapàikketù yesak Iulà molopai yanùntu'matok uya yapàikketù yesak. Sàlà kasa ewechi màlà tetok yeposak uya màlà Ukàipùnù winàpai,” teppù.

John 12:27

“Sàlà pe Uyewan nùtaimelunpayan, molopai yà'là te uya? ‘Ukàipùnù, sàlà wei winàpai kùpùikatàkà,’ te uya ka'lù? Kane, sàlà pàkànsau uyàssak sàlà, sàlà wei motak.

John 12:49

Masapùla uyiwalà là uselupa pùn tùse Ukàipùnù uyeuno'nàippù uya yà'là tukaik là molopai yà'là kasa là uselupatok pe suwa kakkà teppù.

John 13:1

Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 15:9

Tù'nùn pe Ukàipùnù uya ukupù kasa u'nùn pe messatàik, pùnùnmantok uya yau uchi ettàk kon.

John 18:11

Màlàyau Jesus uya Peter pàk, “Akasupalayi yemaikakà iten yak! Ukàipùnù uya na' ulepatok kok yawon inchi uya pen sàlà?” teppù.

John 4:34

Jesus uya tok pàk, “Uyekkyali màlà uyeuno'nàippù yeselu kupù molopai wotoko intùlùppù ikuttoppe uya yenuka'nùppù.

Philippians 2:8

Kappon pe là iwechippù. Àssà'mùla iwenappù màlà molopai mayin yawàlà weli'nàtok yanùmùppù ya, pulusuk po weli'nàtok.