John 14:26 - Patamuna New Testament Revised

²⁶ Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 14:26 ပူးပေါင်းရင်းမြစ်များ

Matthew 1:18

Sàlà kasaichi Jesus Christ wentutok wechippù màlà. Mary molopai Joseph tawonnan wekkussak wechippù màlà tùwemali'ma kon pàk. Tùse tùwemali'ma kon wapiya Mary uya mule yepolo tùuya Wakù Akkwalù winà ittuppù.

Matthew 1:20

Tamù'nawolon sàlà yamùk pàk ichenumenka tùse, Itepulu inchelùyi usenpoikappù màlà ipyak iwe'neppàttok yau, molopai , “Joseph, David pa, kesenalippai Mary yanùmù auya ànoppù pe pàk. Masapùla Wakù Akkwalù winàpài inmonottasak màlà.

Matthew 28:19

Itàtàk kon uchi tamù'nawolon kon kappon yamùk piyak, i'nailàlà. Molopai uya'lon kon pe tok mùkonekatàik, tok menpataukatàik Ukàipùnù yesek yau molopai Imu yesek yau molopai Wakù Akkwalù yesek yau.

Matthew 3:11

Eyenpataukanài'nokon Iulà tuna ke, amakuyi kon winàpai ewelattàsak kon pàk. Tùse mùkkàlà uye'mappù pàk tùuyàssen uya màlà eyenpatauka kon Wakù Akkwalù ke molopai apok ke. Eke mùkkàlà uyentaino, ichapattuyi yalà uya yentaino.

Mark 12:36

“David uya Wakù Akkwalù yapàikketù yau, ‘Itepulu uya Uyepulu pàk, Eleutakà upyau, kamik winà pùla, eyeyaton yamùk nonka uya atta yokkoik ponalà,’ teppù.

Mark 13:11

Molopai ayachichak kon tùpo ayasak kon usekamappopà'nàtok yak yau, kataimelunpatàu, yà'là tetok auya'nokon ittuiche, euselupatok yatai pe iwechi yau eyelupatok ke eselupatàk kon. Màlà yattai màlà ewinàpaino pe pùla màlà euselupa, tùse Wakù Akkwalù winàpaino ke.

Luke 1:15

Masapùla eke pe iwechi màlà Itepulu yenu yau. Meluntà tinchisen inchi tak. Iwentu motapai Wakù Akkwalù ke iwanùssak wechi màlà.

Luke 1:35

Inchelù uya yeikuppù, “Wakù Akkwalù, molopai Katù yapàikketù, uyàpù màlà àpona. Màlà pàk, pùsàlà wakù mule, yesatù màlà Katù Mumu, tukaik” teppù ya.

Luke 1:41

Wa te Mary uya yetasak ya yau, Elizabeth mule welaikappù ilotta yau. Molopai iwanùpùppù Wakù Akkwalù ke.

Luke 1:67

Ikàipùnù Zechariah wanùssak wechippù Wakù Akkwalù ke molopai Katù Maimu yenpoikappù ya.

Luke 11:13

Àli pe là ewechii'ma'nokon wakù ton tùlù auya'nokon àmunkà kon yemyak ittun nan amyamlo. Màlà yentai nen uchi màlà Ukàipùnù epùn pon uya, mùkyamlo Wakù Akkwalù yennan nan lepa,” teppù Jesus uya.

Luke 2:25

Màlà yattai molo kàyik wechippù tùwemassen Jerusalem po, Simeon itesek. Mùkkàlà wechippù màlà wakù pe molopai Katù namanài pe, molopai Israel wepùikattà màmuku pàk iwechippù. Wakù Akkwalù wechippù màlà ipyau.

Luke 24:49

Molopai Ukàipùnù uya itùlù uya màlà teppù lùppù yeunoko uya màlà àpona'nokon Iulà pe. Mùmàmuttàik uchi Jerusalem po meluntà uttà àpona'nokon ponalà,” teppù ya.

Luke 3:22

Molopai Wakù Akkwalù uttàppù ipona wakokkwa kasa, molopai mayin uyàpùppù epùn poi, “Àmàlà mùkkàlà Umu kulu. Uyewan yailon Uyauchinpanài,” tukaik.

John 1:33

Mùkkàlà pe ittu uya pùla tùse, tuna ke enpataukantoppe uya uyeuno'nàippù uya upàk, ‘Akkwalù uttà yene auya màlà kàyik pona molopai molo ipo iwechi, mùkkàlàichi mùkkàlà Wakù Akkwalù ke enpataukanài,’ teppù.

John 12:16

Wapiya sàlà yamùk ittuppù inenupa ton uya pen màlà, tùse Jesus nonkasak namantok patassek yak tùpo, iwelichak we'wuluukasak molopai epùn pona iità tùpo nen uchi tok uya ittuppù. Sàlà yamùk we'menukasak ipàk lùppù molopai sàlà yamùk wekkussak iwinàkàik.

John 14:16

Ukàipùnù yekamappo uya màlà tùulon àpùikattà kon woton yeunottoppe ya, apyau'nokon tùwechi woton tàwàlàlà.

John 14:25

“Sàlà yamùk yekamasak uya man àpàkù'nokon apyau'nokon lùppù wechi kùlottau.

John 15:26

“I'napailon Akkwalù yeunoko uya màlà. Iyàpù màlà Ukàipùnù winàpai. Mùkkàlà Àpùikattànài Ukàipùnù winàpaino uselupa màlà upàk.

John 16:7

Tùse ailon kulu sàlà. Wakù wekkuttoppe àponalok kon pe utà sàlà. Utà pùla iwessak yau, Àpùikattànài'nokon uyàpù apyakù'nokon pen. Tùse utàsak yau yeunoko uya màlà apyakù'nokon.

John 2:22

Tùwelikù tùpo iwe'wuluukasak yattai, inenupa ton uya wa teppù ya lùppù ittuppù, màlàpàk ailon teppù tok uya Katù Maimu yau iwe'menukasak pàk, molopai Jesus maimuppù pàk.

John 20:22

Wa te kapù tùpo, iwe'netukkappù tok pona, molopai tok pàk, “Wakù Akkwalù yepotàk kon,” teppù ya.

John 6:45

Tewinannà Katù Maimu yenpoikannan tonpa uya, ‘Tamù'nawolon kon yenupatok Katù uya woton,’ tawon menukappù. Molopai tamù'nawolon kon yetannan nùssan molopai ichenupasak kon Ukàipùnù winà uyàpù màlà upyak.

John 7:39

Wate tùuya yau ichelupappù màlà Akkwalù pàk, tùpàk ailon tawonnan nepolo woton pàk. Màlà tepose Akkwalù tùsak pùla lùppù iwechippù masapùla Jesus wuluukappù pùla iwechi pàk tùnamatok patassek yak.

Yeunossak kon Wotokoyi 1:2

Epùn pona tùwenuttok weyu ponalà. Tùwenuku wapiya tùneunoko pe tùnanùmùssan nùssan yelupappù ya tok nùkupù woton pàk Wakù Akkwalù meluntàlù yai.

Yeunossak kon Wotokoyi 1:4

Tewin wei yattai tok wepilichak yau, “Jerusalem kù'nàntàu, tùse lepantok mùmàmuttàik màlà ipàk uselupatai nùk, Ukàipùnù uya itùlù uya màlà teppù lùppù,” teppù ya tok pàk.

Yeunossak kon Wotokoyi 1:8

“Tùse meluntà yepolo auya'nokon màlà Wakù Akkwalù uyàssak àpona'nokon yau, molopai uyekaman nan pe ewechi kon màlà Jerusalem po, tamù'nawàlà Judea yawàlà molopai Samaria polo, molopai mailàlà sàlà non wenukattok yawàlà,” teppù Jesus uya tok pàk.

Yeunossak kon Wotokoyi 11:16

Màlàyau tùttutai Itepulu Jesus uya, ‘John mùkkàlà enpataukanài tuna ke, tùse eyenpatauka kon màlà Wakù Akkwalù ke!’ teppù lùppù.

Yeunossak kon Wotokoyi 13:2

Tok wechi Itepulu yapulà pàk. Tùuta'lettàik pùla tok wàpùlema tùse, Wakù Akkwalù uya, “Barnabas molopai Saul yanùntàk kon uponaloppe, uwotokoyi kuttoppe tok uya unkà'massan,” teppù tok pàk.

Yeunossak kon Wotokoyi 13:4

Barnabas molopai Saul tawonnan utàppù nen uchi Wakù Akkwalù neunokoppù pe, Seleucia pona molopai tok utàppù tuna po màlà motapai tuna yaploppon pata Cyprus pona.

Yeunossak kon Wotokoyi 15:28

Masapùla Wakù Akkwalù pokonpe ina usenumenkasak man wakù pe iwechi màlà yà'làlà yalà yentaino tùlù ina uya àpona'nokon tukaik, tùse sàlà yamùk yawàlà we'nàtok kon pokonpe.

Yeunossak kon Wotokoyi 15:8

Molopai Katù, kappon yamùk yewan ittunài uya, tok yanùnsak tùuya yenpoikappù, Wakù Akkwalù ke tok tùlepase, ikupùppù tùuya kùpàkù'nokon kasa làma.

Yeunossak kon Wotokoyi 16:6

Tok utàppù màlà pata Phrygia yawàlà molopai Galatia yawàlà. Wakù Akkwalù uya wakù itekale yekama toppe tok uya Asia po pùla ikupùppù.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Yeunossak kon Wotokoyi 2:4

Tok wanùpùppù màlà tamù'nawàlà Wakù Akkwalù ke molopai tok wessa'molùkappù tùuselupa kon pàk tùpatalo'nan mayin yamùk yau, Wakù Akkwalù uya tok pùikattàppù tok uselupatoppe.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Yeunossak kon Wotokoyi 20:35

Yenpoikasak uya man tùpatalo'nan yau àpàkù'nokon sàlà kasa sa'man pe tùwe'wotokomase atu'mùnon pùikattà màlà, Itepulu Jesus uselupappù ittui'ma, ‘Eke peiwa utauchinpantok wechi màlà we'lepantok yau, yekkwattok yau iwechi yentai,’ ” tawon.

Yeunossak kon Wotokoyi 28:25

Màlàpàk tok utàppù tùpatalà'ne tùusenumenkaik Paul uya sàlà te tùpo, “Ikasa kulu Wakù Akkwalù uselupappù tùmaimu yenpoikanài Isaiah yai kùtamo kon yelupa tùuya yau!

Yeunossak kon Wotokoyi 5:3

Peter uya, “Ananias, yà'là peichi iwechi pàk Settan uya eyewan yanùkkasak màlà, aukaseita pa Wakù Akkwalù winàkàik. Umà yepeppù pe enepoloppù pùlayatta tonpa kupù tùpo àponalok pe?

Yeunossak kon Wotokoyi 7:51

“Sa'man ton i'mù amyamlo! Ailon tetok ya pùnon itewan ton, molopai apana kon! Atamo kon yamùk kasa kulu messatàik, Wakù Akkwalù mùnulunpayatàik tàwàlàlà!

Yeunossak kon Wotokoyi 7:55

Tùse Stephen wanùssak Wakù Akkwalù ke uya, tenu tùlùppù epùn winàkàik, molopai Katù yakkwayi yeneppù ya molopai Jesus wechi satippe kamik pen Katù yemyatù winà.

Romans 14:17

Masapùla Katù wettok Itepulu pe màlà tùnassen nà wapùla tinchisen nà pen, tùse ikasa we'nàtok, molopai echitonpa pe we'nàtok molopai utauchinpantok Wakù Akkwalù nùtùlù.

Romans 15:13

Tàwà uchi Katù enpen we'nàtok uyàttok iwinà ayanùkkai'nokon tamù'nawolon utauchinpantok ke molopai echitonpa pe we'nàtok ke, ailon te auya'nokon ipàk yawàlà, Wakù Akkwalù meluntàlù winà enpen ewettok kon yau meluntà pe kulu ewechi kon pa.

Romans 15:16

Màlàpàk Jesus Christ yapyoto pe tùwe'wotokomasen pe wenasak man Jew yamùk pen ponaloppe. Patele pe wechi kasa tùwe'wotokomasen Iulà, Wakù Itekale Katù winàpaino yekama pàk, Jew yamùk pen tùtoppe tùtùsen pe Katù nanùmù yeppe, itùsappe Katù yemyak tok wettoppe Wakù Akkwalù winà.

Romans 5:5

Sàlà enpen we'nàtok màlà enkuttànài pen, masapùla Katù uya pùnùnmantok tùuya tùsak màlà kùyewan kon yak, Wakù Akkwalù yai, mùkkàlà Katù uya kùlepatok kon ike yai.

1 Corinthians 12:3

Ittu auya'nokon iche wessaik, ànù'là Wakù Akkwalù winà tùuselupasen uya, “Tàwà Jesus pa'nùpù nechii,”te pùla iwechi màlà. Molopai ànù'là uya, “Jesus mùkkàlà Itepulu,” tetok tùyiwalà pùla iwechi màlà, tùse Wakù Akkwalù winà neken.

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

2 Corinthians 13:14

Tàwà uchi Itepulu Jesus Christ wettok wakù pe, molopai Katù uya pùnùnmantok, molopai Wakù Akkwalù pokonpe echitonpa pe we'nàtok apyau'nokon nechii.

2 Corinthians 6:6

Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

Ephesians 1:13

Molopai amyamlo nàlà uya ailon teppù màlà Christ pàk: ailon itekale yetasak auya'nokon yau, Wakù Itekale wepùikattàntok ne'nàippù apyakù'nokon, molopai Katù uya tùponaloppe ewechi kon yentok ipàkàlà tùlùppù màlà àpàkù'nokon Wakù Akkwalù tùlù tùuya apyakù'nokon winà, itùlù tùuya teppù lùppù tùuya.

Ephesians 1:17

Kùyepulu Jesus Christ Katùyi Kùkàipùnù wakù pe tùwessen tapulàtok yau, yekamapponài Iulà Wakù Akkwalù uya pukkeppe àkonekatok kon pe molopai Katù ittu kon pa yekamatoppe ya àpàkù'nokon.

Ephesians 4:30

Molopai Wakù Katù Yakkwalù kùsewankono'matàu. Masapùla Wakù Akkwalù mùkkàlà Katù wettok eyesak kon pe yentok ipàkàlà Katù uya eyepeppù kon tùlù Weyu ponàlà.

1 Thessalonians 4:8

Màlàpàk uchi ànù'là sàlà enupantok nulunpanài uya, kappon pen nulunpa màlà, tùse Katù nulunpa ya, mùkkàlà elepanài'nokon Wakù Akkwalù ke.

2 Timothy 1:14

Wakù ton apanamassan lùppù ike mùttuik, mùmainampaik Wakù Akkwalù kùyau tùwemassen meluntàlù yai.

Titus 3:5

kùpùikattàppù kon ya màlà yà'làlà wakù wotoko kussak kùuya'nokon pàk pùla, tùse tùusentuppa pàk. Katù uya kùkolùkappù kon màlà Wakù Akkwalù yapàiketù winà. Emennak pe wentuntok ke lepa'nàppà Ya molopai emennak pe wema'nà piyattàtok ke nàlà.

Hebrews 10:15

Masapùla Wakù Akkwalù uya nàlà yenpoikasak man kùpàkù'nokon ailon pe iwechi. Wapiya,

Hebrews 2:4

Katù uya tùmàlà pe, ailon pe sàlà itekale wechi ittutok ipàkàlà kupùppù màlà, tùpatalo'nan tensen yekkwa pen molopai enumenkannan kupù tùuya winà. Molopai Wakù Akkwalù winàpaino lepantok yamùk yekamùppù ya màlà teselu yawàlà.

Hebrews 3:7

Masapùla Wakù Akkwalù wanùkayan, “Sàlà pe, Katù Maimu yeta auya'nokon yau,

Hebrews 9:8

Wakù Akkwalù uya yenpoikappù sàlà winà wapiyalok Katù yùwùk wechi molo lùppù pàk, Wakù Kulu Patassek ye'ma wechi lùppù takkose.

1 Peter 1:12

Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

2 Peter 1:21

Masapùla Katù yekale yekamasak lùppù uyàpùppù kappon yeselu neken winàpai pùla, tùse Katù Maimu yekamannannùssan yau Wakù Akkwalù wechippù; màlàpàk tok uya itekale Katù winàpai iyàssak lùppù yekamappù.

1 John 2:20

Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.

1 John 2:27

Tùse amyamlo, Christ uya Takkwalù ikkwansak màlà àpona'nokon. Yakkwalù wemapù ayau'nokon kaichalà, ànù'là eyenupa kon woton iche ewechi kon pen màlà. Masapùla Yakkwalù uya eyenupa kon tamù'nawolon pàk pàk, molopai màlà enupantok ya ike màlà ailon, kasei pen. Yakkwalù uyaichi enupantok yawàlà ettàk kon, molopai Christ yau ettàk.

1 John 5:7

Masapùla pùsamlo àsolùwawon kon mùyamlo yekamannan.

Jude 1:20

Tùse amyamlo, utonpa yamùk kulu, esemokkatàk kon wakù ailon tetok auya'nokon ipàk yau. Àpùlematàk kon Wakù Akkwalù meluntàlù yau,

Revelation 2:11

“Tàwà tùpana ke nai'nùk netai, Wakù Akkwalù uya sochi yamùk yelupatok.” “Mùkyamlo entaikan nan nùssan umatta yakon itekkwa pe weli'nàtok ke pen màlà.”