John 14:19 - Patamuna New Testament Revised

¹⁹ Tachin pe kulu sàlà wolù yawon kon uya uyene pen màlà. Tùse amyamlo uya màlà uyene. Masapùla wemapù pàk, ewemapù kon nàlà màlà.

John 14:19 ပူးပေါင်းရင်းမြစ်များ

John 11:25

Jesus uya ipàk, “Iulà mùkkàlà we'wuluukantok molopai wema'nàtok. Ànù'là ailon nùkayai'nùk upàk wemapù màlà tùwelichak là nen tùse.

John 12:35

Màlàyau Jesus uya tok pàk, “Akkwa wechi màlà apyau'nokon tachin pe kulu pùla. Asatàk kon akkwa pe iwechi kùlottau, ewalupà uyàpù àpona'nokon wapiya. Ewalupàttau tùusasen mùkkàlà i'nailàlà tùutà ittunài pen.

John 13:33

Umunkà yamùk, apyau'nokon wechi sàlà malalà. Uyiwa auya'nokon màlà, yekama uya sàlà àpàkù'nokon, Jew yamùk pàk yekamappù uya kasa, ‘Utàyai'nùk yak àutà kon pen màlà,’

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 16:16

“Malalà tùpo uyene auya'nokon pen màlà, molopai malalà tùpo tu'ma uyene auya'nokon,” teppù Jesus uya.

John 16:22

Màlà kasa là sàlà pe eusewankono'matok kon yattai man. Tùse eyene kon uya tu'ma màlà. Molopai autauchinpa kon màlà. Molopai ànù'là uya autauchinpatok kon mokka pen màlà.

John 6:40

Masapùla Ukàipùnù wechi màlà, tamù'nawolon kon Tùmu yennài molopai ailon tawonnan ipàk uya tàwàlàlà wema'nàtok yepolo iche. Molopai tok wuluuka uya màlà wema'nàtok yak tewinanùppù wei yattai,” teppù.

John 7:33

Jesus uya tok pàk, “Masa malalà apyau'nokon wechi sàlà molopai wennapo màlà uyeuno'nàippù piyak.

John 8:21

Màlàyau Jesus uya tu'ma tok pàk, “Utà sàlà, molopai uyiwa auya'nokon màlà. Tùse ewelikù kon màlà amakuyi kon yau. Utàyai'nùk yak àutà kon pen,” teppù.

Yeunossak kon Wotokoyi 10:41

Tamù'nawolon kon kappon yamùk uya yeneppù pen màlà, tùse ina neken Katù uya iwuluukasak weli'nàtok yapai yekaman nan pe Katù nanùmùssan. Ina uta'lettàppù molopai tinchisen inchippù ina uya ipokonpe, Katù uya iwelichak wuluukasak ye'mappù tak.

Romans 5:10

Masapùla Katù yeyaton pe we'nàppà'nokon màlà, tùse kùkusak kon ya màlà tùwechi yakon non pe Tùmu Jesus Christ welittok yai. Màlàpàk sàlà pe Katù wechi yakonnon pe we'nà'nokon pàk, eke peiwa kulu wepùikattàntoppe iwechi màlà Christ wemapù winà.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

1 Corinthians 15:20

Tùse ailon pe nen wapiyaloppe Christ wuluukappù màlà weli'nàtok yapai, mùkyamlo iwe'nùnsak kon weli'nàtok yau we'wuluukatok ipàkàlà pe.

1 Corinthians 15:45

Màlà kasa iwe'menusak màlà, “Wapiyalok kàyik, Adam wenappù nulà tùwessen pe,” tawon, tùse àkàmlà'no Adam mùkkàlà Akkawalù, wema'nàtok tùnài.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

Revelation 20:4

Màlàyau aponnok yamùk yeneppù uya, molopai mùkyamlo chichiu pe ipo tùwessan, tok lepasak wechippù meluntà ke ittuntoppe tok uya. I'mùlùkàssak kon yakkwalùppù yamùk yeneppù uya màlà masapùla ailon Jesus nenpoikappù molopai Katù Maimu yekamasak tok uya pàk. Àsà ene wapùla ikasa ikonekasak yapulànnanùssan pe pùla tok wechippù màlà wapùla àsà ene uya pattàntok yeposak tok uya pùla iwechippù tùpeyeppà kon pàk wapùla temyatù kon pàk. Tok wemapùppù molopai kin yamùk pe tok wechippù Christ pokonpe 1000 pe kilichimochi.