John 14:13 - Patamuna New Testament Revised

¹³ Molopai yà'làlà yekamappo auya'nokon uyesek yai yau, ikupù uya màlà. Ukàipùnù yapulà toppe Imu winà.

John 14:13 ပူးပေါင်းရင်းမြစ်များ

Matthew 21:22

Ailon te auya'nokon yau, yà'làlà enennappù kon àwàpùlema kon pe, yepolo auya'nokon màlà,” teppù Jesus uya.

Matthew 7:7

“Yennakà molopai yepolo auya màlà. Iwakà, molopai yepolo auya màlà. Manatta iwàkà, molopai ittakkoka màlà eyemyak.

Mark 11:24

Màlàpàk yekama uya sàlà àpàkù'nokon. Yà'làlà yekamappo auya'nokon àwàpùlema kon pe yau. Ailon mùkatàik yepolo auya'nokon pàk. Molopai yepolo auya'nokon màlà.

Luke 11:9

“Màlàpàk tekamayaik àpàkù'nokon, Yennakà, eyemyak itùlù màlà, iwakà molopai yepolo auya màlà. Tei'tei kakkà manatta utakkoka màlà eyemyak.

John 10:30

Ukàipùnù molopai Iulà tawonnan mùkyamlo tewinan,” teppù Jesus uya.

John 12:44

Jesus wentaimeppù eke pe, “Ànù'là ailon nùkayai'nùk upàk uya, ailon te upàk neken nà pen màlà, tùse mùkkàlà nàlà uyeuno'nàippù pàk.

John 13:31

Judas utàkapù tùpo, Jesus uya, “Sàlà peichi Kàyik Mumu namatok patassek yau usenpoikasak man, molopai Katù yapulàtok usenpoikasak man mùkkàlà yai.

John 14:14

Yà'làlà yekamapo auya'nokon màlà upàk uyesek yai, molopai ikupù uya màlà,” teppù ya.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 15:16

Amyamlo uya uyanùnsak pen màlà, tùse Iulà uya ayanùnsak kon. Àutà kon pa epetaik, tachinpe molo tùwessen epelu ke. Màlà yattai yà'làlà yekamapposak auya'nokon Ukàipùnù pàk uyesek yai yau, elepa kon ya màlà.

John 15:7

Uyau ewemapù kon yau, molopai umaimu wechi ayau'nokon yau, iche ewettok yekamappokà molopai elepa màlà.

John 16:23

“Molopai màlà wei uyàssak yau uyekamappo auya'nokon yà'làlà pàk pen màlà. Ailon kulu sàlà, yà'làlà yekamappo auya'nokon Ukàipùnù pàk uyesek yai yau, elepa kon ya màlà.

John 16:26

Màlà wei yattai yekamappo auya'nokon màlà uyesek yai. Iulà pe Ukàipùnù yekamappo uya màlà àponalok kon pe te uya pen sàlà.

John 16:7

Tùse ailon kulu sàlà. Wakù wekkuttoppe àponalok kon pe utà sàlà. Utà pùla iwessak yau, Àpùikattànài'nokon uyàpù apyakù'nokon pen. Tùse utàsak yau yeunoko uya màlà apyakù'nokon.

John 4:10

Jesus uya ipàk, “Katù uya lepantok ittu auya yau, molopai ànùk uya tùwuku woton yenna iitu auya yau, ‘Kùwoppakà,’ làkkunne, te auya eppaino. Molopai elepatoppe ya wema'nà tunakkwa ke,” teppù.

John 4:14

Tùse ànù'là sàlà tuna untùlù inchinài we'nakklipa tu'ma pen màlà. Tùse i'nakkwa pe yau iwena, tàwàlàlà iwu'ma molopai tàwàlàlà iwemattok ke ilepa ya,” tukaik.

John 5:19

Jesus uya tok maimu yeikuppù, “Ailon kulu sàlà, Imu uya yà'làlà kupù tùyiwalà pen, tùse Tùkàipùnù uya neken ikupù yene tùuya yau ikupù ya. Yà'làlà Tùkàipùnù nùkupù ku'nài nàlà mùkkàlà Imu.

John 7:37

Tewinan nùppù molopai eke kulu Uta'lettàn weyu yattai Jesus we'wuluukappù, molopai iwentaimeppù eke pe, “Ànù'là tùwe'nakklipasen wechi yau, tàwà nùyàpùi upyak uwuku inchiik!

1 Corinthians 14:13

Màlà kasaichi iwechi pàk ànù'là tùulon mayin yau tùuselupasen wàpùlema màlà yà'là te là tùuya yekamatoppe tùuya.

Ephesians 2:18

Christ yai màlà tamù'nawolon kon kùmyamlo, asakklàma, Jew yamùk molopai Jew yamùk pen uyàttok wechi màlà tewinan Wakù Akkwalù yai Kùkàipùnù kon yemloto pona.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Ephesians 3:14

Màlàpàk uchi uyese'mu yok tùwenasen Iulà Kùkàipùnù kon yemloto po.

Philippians 4:13

Tamù'nawolon kupù uya màlà Christ yai, umeluntàlù ke ulepanài yai.

Colossians 3:17

Tamù'nawolon ànkupù kon wapùla euselupatok kon nekkupùik Itepulu Jesus yesek yau, tenki te auya'nokon pe mùkkàlà yai Katù Kùkàipùnù kon pàk.

Hebrews 13:15

Jesus yai uchi Katù piyak apulàntok tùpai'nokon man, kùmaimu kon ke tenki tetok tùpai tàwàlàlà itesek pàk.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

James 1:5

Tùse ànù'là àkklottau'nokon nai'nùk wechi pukkek pùla yau, nàpùlemaik, itùnài tùpyak yekamappoi; masapùla Katù mùkkàlà lepanài tùusetakkaik pùla molopai tùusàulàmaik pùla tamù'nawolon kon pàk.

James 5:16

Màlàpàk amakuyi kon yekamatàk kon àtonpa kon pàk, molopai àpùlematàk kon àtonpa kon pona, euchipittà kon pa. Masapùla wakù iwalai kappon wàpùlematok màlà meluntà pe apàikkeppe tùwe'wotokomasen.

1 Peter 2:5

Àitàk kon nulànan tàk kasa, molopai tapulàsan pe ettàk Katù yùwùk kappon namùppù pen tensen pen yamù yau, màlà motau wakù pe tùwe'wotokomasan pe ewechi kon pa, wakù ton Katù lepatok iche iwettok tùlù pàk Jesus Christ yai .

1 John 3:22

Yà'làlà yennasak lùppù yeponài nan kùmyamlo iwinàpai, masapùla suwa ekkà tetok ya yawàlà we'nà'nokon pàk molopai iche iwettok kupù'nokon pàk.

1 John 5:14

Sàlà kasaichi iwechi pàk meluntà pe we'nàtok Katù yemloto po yesappe we'nà'nokon màlà. Ittu'nokon kulu man kùyeta kon ya yà'làlà yenna tùpàk teselu yawàlà yau.