John 14:12 - Patamuna New Testament Revised

¹² Ailon kulu sàlà, ànù'là ailon nùkayai'nùk upàk uya nàlà tùkussai'nùk kupù màlà. Sàlà yamùk yentaino kon nùiwa là kupù ya màlà. Masapùla Ukàipùnù piyak utà sàlà.

John 14:12 ပူးပေါင်းရင်းမြစ်များ

Matthew 21:21

Jesus uya tok yeikuppù “Ailon kulu sàlà, ailon te auya'nokon, kasei tukaik pùla yau, tùkuppàssai'nùk sàlà fig yek pàk kupù auya'nokon màlà, sàlà neken pen. Sàlà wùk pàk nàlà lànen, ‘E'wuluukakà molopai epukakà palau kak,’ te auya'nokon, molopai iwekkupù màlà.

Mark 11:13

Mei kulu pùla là fig yek yeneppù ya tale ke.Iitàppù itepelu wechi molo yense. Iwelepansak ipyak tùse, yale pe neken iwechippù. Masapùla iwepetatok yattai pe pùla iwechi pàk.

Mark 16:17

Molopai ailon tawonnan lepasak wechi màlà yentok ipàkàlà kuttok ya yapàiketù ke. Uyesek yau àli akkwalù yenpakka tok uya màlà. Molopai tok uselupa màlà tùpatalo'nan mayin yau.

John 14:28

Yetasak auya'nokon man àpàkù'nokon, ‘Utà sàlà molopai uyàpù tu'ma màlà apyakù'nokon,’ teuya. À'nùn kon pe ukupù auya'nokon yau, autauchinpa kon màlà Ukàipùnù piyak utà pàk, masapùla Ukàipùnù mùkkàlà eke uyentaino.

John 16:7

Tùse ailon kulu sàlà. Wakù wekkuttoppe àponalok kon pe utà sàlà. Utà pùla iwessak yau, Àpùikattànài'nokon uyàpù apyakù'nokon pen. Tùse utàsak yau yeunoko uya màlà apyakù'nokon.

John 4:37

Sàlà màlà mayin ailon, ‘Tewinan uya ipàmà molopai tùulon uya ipilipù,’ tawon.

John 5:20

Masapùla Ikàipùnù uya màlà Tùmu pùnùnma molopai tamù'nawàlà tùnkupù yenpoikasak ya itemyak. Molopai sàlà yentaino kon lùiwa yenpoika ya màlà ikuttoppe ya, màlàpàk eusenumenka pa.

John 7:33

Jesus uya tok pàk, “Masa malalà apyau'nokon wechi sàlà molopai wennapo màlà uyeuno'nàippù piyak.

John 7:39

Wate tùuya yau ichelupappù màlà Akkwalù pàk, tùpàk ailon tawonnan nepolo woton pàk. Màlà tepose Akkwalù tùsak pùla lùppù iwechippù masapùla Jesus wuluukappù pùla iwechi pàk tùnamatok patassek yak.

Yeunossak kon Wotokoyi 10:46

Masapùla tok uselupa tùpatalo'nan mayin yau yetappù tok uya, molopai Katù wettok eke pe yapulàppù tok uya. Màlà yattai Peter uselupappù:

Yeunossak kon Wotokoyi 16:18

Sàlà kupùppù ya màlà tukke wei Paul usetakka ponalà. Màlàyau iwelattàppù molopai àli akkwalù pàk, “Jesus Christ yesek yau epakkakà pùsàlà yapai te uya sàlà!” teppù ya. Màlà yattai là àli akkwalù wepakkappù yapai.

Yeunossak kon Wotokoyi 19:12

Paul yappà'nàinanùssan enkicha yamùk molopai pon yamùk yalàppù màlà e'nek ton piyak, màlàyau tok yepalan uchipittàppù màlà molopai àli akkwalù yamùk wepakkappù màlà tok yapai.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Yeunossak kon Wotokoyi 2:41

Tukkan kon uya ailon teppù Peter uya itekale yekama pàk. Molopai tok usenpataukappù, 3,000 yailà'ne kappon yamùk uya ailon tawonnan tonpattàppù, màlà wei yattai.

Yeunossak kon Wotokoyi 4:16

“Yà'là pe sàlà pùsamlo kàyik yamùk kupù?” tukaik tok usekamapopàtùppù. “Tamù'nawàlà Jerusalem pon kon uya ittu màlà sàlà tùkussen yentaino wekkussak tok yai, molopai ailon pen màlà, te kùuya'nokon pen màlà ipàk,” teppù tok uya.

Yeunossak kon Wotokoyi 4:33

Eke meluntà ke yeunossak kon uya Itepulu Jesus we'wuluukappù yekamappù molopai wakù pe Katù wettok wechippù tok po.

Yeunossak kon Wotokoyi 4:4

Tùse tukke kappon yamùk itekale yetan nan nùssan uya ailon teppù, molopai kàyik yamùk neken wenappù 5,000 yailà'ne là.

Yeunossak kon Wotokoyi 5:15

Wa iwechi pàk, kappon yamùk uya e'nek ton nepùppù asantak molopai tok nonkappù tok uya tok yapon yamùk po, Peter yakkwalùppù uya neken nà tok yappàttoppe iità yattai.

Yeunossak kon Wotokoyi 6:7

Màlàyau Katù Maimu usekamappù mailàlà. Molopai tukke màlà yentak Jerusalem po kappon yamùk wenappù Jesus ya'lon nà pe asse'ne. Tukke lànen uchi paatele yamùk uya ailon tetok yanùmùppù.

Yeunossak kon Wotokoyi 8:7

Àli ton akkwalù yamùk wepakkappù tukkan kon kappon yamùk yapai eke pe tùwentaimepàtù kon pe. Tukkan kon iitokkassak kon molopai tùusasan pen kappon yamùk uchipittàpàtùppù nàlà.

Yeunossak kon Wotokoyi 9:34

“Aeneas, Jesus Christ uya eyipittà màlà. E'wuluukakà molopai eyekwek ikonekakà,” teppù Peter uya ipàk. Asse'ne Aeneas we'wuluukappù.

Yeunossak kon Wotokoyi 9:40

Tamù'nawàlà Peter uya tok yenpakkappù polo pona, màlà iwakkàssak tapùi tapai, molopai tese'mu yok iwenappù molopai iwàpùlemappù. Màlà tùpo iwelattàppù ekek winàkàik molopai, “Tabitha, e'wuluukakà!” teppù ya. Iwàssànkappù ya, molopai Peter yensak tùuya yau iwe'wuluukappù chichiu pe.

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.