John 14:11 - Patamuna New Testament Revised

¹¹ “Ailon katàk kon, Ukàipùnù yau wessaik molopai Ukàipùnù uyau man teuya pàk. Wapùla ailon katàk kon upàk eke ton wotoko yamùk kupù uya yensak auya'nokon pàk.

John 14:11 ပူးပေါင်းရင်းမြစ်များ

John 10:25

Jesus uya tok maimu yeikuppù, “Tekamaikuichi àpàkù'nokon tà, tùse ailon te auya'nokon pùn. Uwotokoyi tùkussai'nùk Ukàipùnù yesek yai, màlà yamùk uya uyekama màlà.

John 10:32

Jesus uya tok pàk, “Tukke eke ton wotoko yamùk Ukàipùnù winàpaino yenpoikasak uya man eyemyakù'nokon. I'nai kulu sàlà yamùk wenai uwàpai ewechi kon nai'nùk?” teppù.

John 10:38

Tùse iwotokoyi kupù uya yau, ailon te auya'nokon upàk pùla là tùse, eke ton wotoko kupù uya pàk ailon katàk, Ukàipùnù wechi uyau yene kon pa molopai nàlà Ukàipùnù yau wechi ittukonpa,” tukaik.

John 14:10

Ailon te auya pùlaichi nai, Ukàipùnù yau wechi molopai Ukàipùnù wechi uyau pàk? Yà'làlà ukayai'nùk àpàkù'nokon màlà uyiwalà là uselupatok pen, tùse Ukàipùnù, uyau nai'nùk mùkkàlà ne'wotokomayai'nùk,” teppù ya.

John 14:20

Màlà wei uyàssak yattai ittu auya'nokon màlà Iulà wechi Ukàipùnù yau molopai amyamlo wechi uyau molopai Iulà wechi ayau'nokon.

John 5:36

Tùse uponalok pe yekamanài yesappe wessaik, John yentaino. Màlà kulu wotoko ukàipùnù uya ulepatok yenuka'nùtoppe uya, tùkussai'nùk uya yekama màlà ukàipùnù uya uyeunossak pe.

Yeunossak kon Wotokoyi 2:22

“Sàlà umaimu yetatàk kon, kappon yamùk Israel pon kon! Jesus, Nazareth pon kàyik, usenpoikappù màlà àpyakù'nokon Katù winà, eke iwotokoyi yamùk tensan pen molopai tùttusan yekkwa pen winà, enumenkanài winà, molopai yà'làlà yentok ipàkàlà pe tùwekkussan winà, màlà Katù nùkupùppù Jesus yai. Amyamlo nùttuyai'nùk kasa.

Hebrews 2:4

Katù uya tùmàlà pe, ailon pe sàlà itekale wechi ittutok ipàkàlà kupùppù màlà, tùpatalo'nan tensen yekkwa pen molopai enumenkannan kupù tùuya winà. Molopai Wakù Akkwalù winàpaino lepantok yamùk yekamùppù ya màlà teselu yawàlà.