John 13:4 - Patamuna New Testament Revised

⁴ Màlàyau iwe'wuluukappù tùuta'letà yapon poi, molopai ipploppon tùpon mokkappù ya molopai towelù yaulomùppù ya tùwoloppai pàk.

John 13:4 ပူးပေါင်းရင်းမြစ်များ

Luke 12:37

Tùutauchinpasan mùkyamlo apyoto yamùk, tùuyàssak yau itepulu nepolo ton, iipakasappe. Ailon kulu sàlà, iwepokùlùyittà màlà, molopai tok yeleutanùpù ya uta'lettàn yapon piyak, molopai tok yewetù ya màlà.

Luke 17:7

“Tewinan nà àtonpa kon wechi tapyoto ke, umà yakanài pe là, wapùla kalinilu yamùk mainanpanài pe. Umà yapai ken na' iyàssak yau, ‘Asse'neiwa àikkà, molopai ata'lettàkà,’ tawonnan amyamlo? Kane ku!

Luke 17:8

Tùse, ‘Uyeipa ikonekakà molopai ekonekakà inepù pa, umàmukupa uta'lettà tùse molopai uwuku inchi uya tùse. Màlà tùpo là nen uchi auta'lettà màlà molopai àwuku inchi auya,’ tawonnan amyamlo ipàk.

Luke 22:27

Ànùk ken eke iwa, mùkkàlà ka' lù tùweleutasen ata'lettàse lù, wapùla mùkkàlà iteipa ne' nài. Mùkkàlàichi tùweleutasen. Tùse àkklottau'nokon wessaik tùwe'wotokomasen pe.

John 13:12

Màlàyau tok pùta kukakapù tùpo iwepontàppù molopai iwennappoppù tùpatappù yak. Tok pàk, “Mùttuyatàu na' sàlà pe àpàkù'nokon tùkuppàssai'nùk?

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.

1 John 3:11

Masapùla sàlà màlà itekale enetappù kon iwepyattà motapai: “Tùuchi'nùnmaik mettàik,” tawon.