John 13:34 - Patamuna New Testament Revised

³⁴ Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 13:34 ပူးပေါင်းရင်းမြစ်များ

Matthew 5:44

Tùse tekamayaik àpàkù'nokon, eyeyaton kon i'nùnmatàk kon, molopai atalumattànnan pona màpùlematàik.

John 15:17

Sàlà yamùk màlà enupantok uya, ‘Tùuchi'nùnmaik mettàik,’ tawon,” teppù Jesus uya.

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

Romans 12:10

Echi'nùnmatàk kon eke pe tùuchinùnmaik we'nà Christ yau yenpoika pe kulu, molopai àtonpa kon tùnamaik ettàk kon.

Romans 13:10

Màlàpàk ànù'là, tùtonpa ku'nài tù'nùn pe uya là àli kupù iwinàkàik pen màlà. Uchi'nùnmantok wechi màlà tamù'nawolon Law maimu yawàlà.

Romans 13:8

Kappon kù'womatàu, tùse echi'nùn pe we'nàtok ke neken me'womatàik, masapùla nù'là ku'nài tù'nùn pe wechi màlà Law yawàlà.

Galatians 5:22

Tùse wakù ton Akkwalù winàpai tùuyàssan màlà pùnùnmantok, utauchinpantok, echitonpa pe we'nàtok, pàlikantok, usentupantok, wakù pe we'nàtok, ailon pe we'nàtok,

Galatians 5:6

Masapùla Christ Jesus ponaloppe we'nà yau, Jew yamùk yattàtok yeselu yawàlà yattàsapspe we'nà wapùla yattàsappe pùla we'nà uya tùpatalà'ne ku'nàsak pen màlà. Tùse ailon tetok màlà tùttusen kulu tùusenpoikasen uchi'nùnmantok yai.

Galatians 6:10

Màlàpàk uchi ikuttok yattai wechi molo kùlottau wakù ikuppai'nokon tamù'nawolon kon pàk, mùkyamlo kulu ailon tetok yau nai'nannùk.

Galatians 6:2

Àtonpa kon ipùikàttàtàk kon inalà yalà pàk. Molopai sàlà kasa màlà Christ law yawàlà ewechi kon.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Colossians 1:4

Masapùla ailon tetok auya'nokon Christ Jesus pàk yekale yetasak ina uya man. Molopai tamù'nawolon kon Katù ponalok kon pùnùnmatok auya'nokon yekale yetasak ina uya.

1 Thessalonians 3:12

Tàwà Itepulu àtonpa kon pùnùnmatok auya'nokon molopai tamù'nawolon kon pùnùnmatok auya'nokon konekai ichemokkatoppe eke pe molopai eke peiwa molopai tàwà eke pe ina uya à'nùnmatok kon kasa kulu nenai .

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

Hebrews 13:1

Euchi'nùnmakon pàk lùppùichi ettàk kon echitonpa ton pe.

James 2:8

Iwalai kupù auya'nokon pe iwechi màlà enupantok Katù nùtùlùppù itepulu pe iwettok kon itepoi yemyak maimu yawàlà ewechi kon yau, Katù Maimu yau iwesseposak lùppù, “Kappon i'nùnmatàk kon euchi'nùnma kon kasa,” tawon.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

2 Peter 1:7

wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

1 John 3:11

Masapùla sàlà màlà itekale enetappù kon iwepyattà motapai: “Tùuchi'nùnmaik mettàik,” tawon.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 4:21

Sàlàichi màlà Christ uya suwa ekkà tetok tùuya ke lepa'nàppà lùppù, mùkkàlà Katù pùnùnmanài uya nàlà tùtonpa pùnùnma màlà.

2 John 1:5

Màlàpàk eyekamappo uya sàlà, wakù kulu Nossan, uchi'nùnmanpai'nokon uchi man. Sàlà tùmenuka yai'nùk apyak màlà emennak pen suwa mettàik tetok; itesappe we'nàtokù'nokon sàlà iwepyattà motapai.