John 13:23 - Patamuna New Testament Revised

²³ Tewinan nà Jesus nenupa ton tonpa tù'nùn pe kulu inkupù wechippù màlà mei pùla kulu ipyau.

John 13:23 ပူးပေါင်းရင်းမြစ်များ

Luke 16:22

“Italumayippù kàyik welikùppù màlà molopai inchelù yamùk uya yalàppù Abraham piyak, uta'lettàntok Epùn pon yak. Mamin yesak welikùppù nàlà màlà molopai iwu'nattàppù.

John 1:18

Ànùk uya là Katù yensak pùla man. Tùse Imu mùkkàlà tewinan neken tùkàipùnù yenau nai'nùk uya yenpoikappù màlà ittutoppe.

John 11:3

Màlàpàk iwàlichi ton uya Jesus piyak tùmaimu kon yeunokoppù, “Uyepulu, mùkkàlà à'nùn pe ànkupù e'nek pe man,” tukaik.

John 11:36

Màlàyau “Masa yenkà, tù'nùn pe kulu ikupù ya!” teppù Jew yamùk uya.

John 11:5

Jesus pùnùn pe Martha, molopai Mary, molopai Lazarus tawonnan wechippù màlà.

John 13:24

Màlàyau Simon Peter uya temyatù ke mùkkàlà yekamappù, “Ànùk pàk là iichelupa yekamappokà,” teppù ya.

John 13:25

Màlàyau Jesus piyak lùiwa iwepeimappù molopai yekamappoppù ya, “Ànùk uchi, Uyepulu?” tukaik.

John 19:26

Tùsan yensak tùuya molo yau molopai tùnenupappù tù'nùn pe kulu tùnkupù wechi satippe mei pùla yau, Jesus uya tùsan pàk, “Nossan, pùsà yenkà emle,” teppù.

John 20:2

Màlàyau iitàppù aitun pe Simon Peter molopai tùulon Jesus nenupappù lùppù tu'nùn pe kulu inkupùppù piyak, molopai tok pàk, “Tok uya Itepulu mokkappù neppàssan uluwaik yapai molopai ittu'nokon pùla man i'nai yailàlà tok uya inonkappù!” teppù ya.

John 21:20

Tùse Peter welattappù molopai Jesus nenupappù tù'nùn pe inkupùppù uya tùwenaima kon yeneppù ya. Pùsàlà wechippù màlà mei pùla Jesus piyau echippù uta'lettàntok yapon motau, “Uyepulu, ànùk uya ken eyeimippo?” tukaik Jesus yekamapponàippù pe.

John 21:24

Pùsàlà ichi mùkkàlà Jesus nenupappù sàlà yamùk yekamanàippù, molopai sàlà yamùk menukanàippù nàlà, molopai ittu'nokon man ichelupatok wechi ailon pe.

John 21:7

Màlàyau mùkkàlà Jesus nenupappù i'nùn kulu uya Peter pàk, “Itepulu pe man,” teppù. Itepulu pe man te ya yetasak tùuya yau, Simon Peter wepontàppù (tùpon pùloppon mokkasak ya wechippù,) molopai tuna kak iichanùmùppù.