John 13:2 - Patamuna New Testament Revised

² Jesus molopai inenupa ton wechippù màlà tùuta'lettà kon pàk ko'manpe. Makui uya Jesus yeimippotok ya tùkassak wechippù Judas Iscariot yewan yak. Pùsàlà mùkkàlà Simon mumu.

John 13:2 ပူးပေါင်းရင်းမြစ်များ

Matthew 10:4

Simon, Zealot molopai Judas Iscariot, Jesus yeimipponài.

Luke 22:3

Màlàyau Settan wewomùppù Judas yak, 12 pan kon Jesus ya'lon kon tonpa Iscariot tetok ipàk yak.

Luke 22:31

“Simon, Simon! Masa yetakà! Settan uya eyennasak kon man eyittu tok kon pe tùuya tamù'nawàlà, umà pànnài uya àlichi walai yasuka ipippà winàpai kasa.

John 13:11

Jesus uya màlà teimipo woton ittukapùppù, màlàpàk màlà, “Tamù'nawàlà pùla wakù pe messatàik,” teppù ya.

John 13:4

Màlàyau iwe'wuluukappù tùuta'letà yapon poi, molopai ipploppon tùpon mokkappù ya molopai towelù yaulomùppù ya tùwoloppai pàk.

Yeunossak kon Wotokoyi 5:3

Peter uya, “Ananias, yà'là peichi iwechi pàk Settan uya eyewan yanùkkasak màlà, aukaseita pa Wakù Akkwalù winàkàik. Umà yepeppù pe enepoloppù pùlayatta tonpa kupù tùpo àponalok pe?

2 Corinthians 8:16

Ina tenki nùkayan Katù pàk Titus kussak ya alikyeppe àpùikattàpai'nokon ina kasa kulu pàk.

Ephesians 2:3

Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

Revelation 17:17

Masapùla Katù uya tok yewan yak itùsak wechi màlà iche tùwettok kuttoppe tok uya, tewin ichenumenkatok tùwelaikatok kon yau, molopai àsà ene yemyak tùmeluntàlù kon tùlù tùuya'nokon itepulu pe iwettok pe yau, Katù uselupatok lùppù wekkupù ponalà.