John 13:18 - Patamuna New Testament Revised

¹⁸ “Tamù'nawolon kon amyamlo pàk uselupa pen nai'nùk, tùttuyaik nen unanùmùssan. Tùse Katù Maimu uya, ‘Mùkkàlà pùlomù pussak nassai'nùk upyak welattàsak man uwinàkàik,’ teppù kasa iwechi màlà.

John 13:18 ပူးပေါင်းရင်းမြစ်များ

Matthew 10:36

Kappon yeyaton wechi màlà itonpa yamùk kulu kùlottawon pe. {MIC 7.6}

Matthew 26:21

Tok uta'lettà tùse, Jesus uya tok pàk, “Ailon kulu sàlà, tewinannà àtonpa kon uya uyeimippo màlà,” teppù.

Matthew 26:23

Jesus uya yeikuppù, “Mùkkàlà tùyu ki'nàippù pùsau yawon yak upokon pe uya uyeimippo màlà.

Mark 14:17

Ko'man pe kulu iwenasak yau, Jesus uyàpùppù 12 pan kon tùnenupa ton pokonpe.

Mark 14:18

Màlàyau tùuta'lettà kon yau, Jesus uya, “Ailon kulu sàlà, tewinan nà uya utùlù màlà uwàtoppe. Upokon pe là nùta'lettàyai'nùk, mùkkàlà uya,” teppù.

Mark 14:20

Jesus uya tok yeikuppù, Tewinan nà 12 pan kon tonpa molopai tùyu kichai'nàk palapi yak upokon pe.

Luke 22:21

“Tùse yentàk kon! Mùkkàlà uyeimippo nài talà man upyau kùyali yapon piyau!

John 13:21

Sàlà yamùk te kapù tùpo, Jesus usewankono'mappù kulu takkwalù yau. “Ailon kulu sàlà, tewinan nà àtonpa kon uya uyeimippo màlà,” teppù ya.

John 13:22

Màlàyau inenupa ton usenpàtùppù, ànùk pàk là wate ya ittu tok uya pùla.

John 13:26

Jesus uya imaimu yeikuppù, “Sà pùlomù pusak pilikasak kipù uya màlà tuma kak molopai mùkkàlà yemyak itùlù uya màlà,” tukaik. Màlàyau pùlomù pusak pilikasak kichak tùuya tùlùppù ya Judas Iscariot, Simon mumu, yemyak.

John 15:16

Amyamlo uya uyanùnsak pen màlà, tùse Iulà uya ayanùnsak kon. Àutà kon pa epetaik, tachinpe molo tùwessen epelu ke. Màlà yattai yà'làlà yekamapposak auya'nokon Ukàipùnù pàk uyesek yai yau, elepa kon ya màlà.

John 15:19

Sàlà wolù ponalok kon pe ewechi kon yau, à'nùnma kon ya màlà tùtonpa kon pe kulu ewechi kon kasa. Tùse sàlà wolù ponalok kon pen amyamlo, molopai ayanùnsak kon uya sàlà wolù winàpai pàk màlà, sàlà wolù yawon kon uya tewanma kon pe àkupù kon.

John 15:25

Tùse sàlà yamùk wekkupùppù màlà tok Law yau iwe'menukasak lùppù yawàlà. ‘Tok uya tewanma kon pe ukupùppù yà'làlà pàkànsau pùla,’ tawon.

John 17:12

Tok piyau wechi yau, tok mainanpappù uya uyesek ulepatok auya winà. Ànù'là we'lachimappù pen tok kùlottapai, tùse tewinannà mùkkàlà tùumattasen yek, màlà Katù Maimu yau iwe'menukasak lùppù wekkuttoppe.

John 18:32

Sàlà wekupùppù màlà yà'là yekkwa là weli'nàtok yau tùwelittok yekamappù Jesus uya kasa iwekkuttoppe.

John 19:24

Sousa yamùk uya, “Ikalapàtù pen sàlà, tùse tàk walai lùkkwà tenu'mapàsse wenkalunàpai ànù'là uya ipon yassan nùppù yepolo yentoppe,” teppù. Sàlà wekkupùppù màlà Katù Maimu yau iwe'menukasak kasa iwettoppe. “Tok uya upon pantakapàtùppù tùkklottau'nokon, molopai upon yassan nùppù yepolo ànù'là uya yentoppe tùuya'nokon tàk walai lùkkwà tenu'mapàsse tok wenkaluppù,” tawon. Sàlà yamùk kupùppù màlà sousa yamùk uya.

John 19:36

Sàlà yamùk wekkupùppù màlà Katù Maimu yau iwe'menukasak kasa iwettoppe. “Tewin nà yàppù ikkwàtù pen màlà,” tawon.

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

John 6:70

Jesus uya tok maimu yeikuppù, “12 pe na' unanùmùssan pen na' amyamlo? Tùse tewin nà àtonpa kon Makui pe man,” tei'ma.

Yeunossak kon Wotokoyi 1:16

“Utonpa yamùk, Katù Maimu wekkussak man ailon pe, Wakù Akkwalù uselupappù David yai Judas pàk lùppù kasa. Mùkkàlà wechippù Jesus yachin nan kàyik yamùk yanài pe,”

Yeunossak kon Wotokoyi 1:2

Epùn pona tùwenuttok weyu ponalà. Tùwenuku wapiya tùneunoko pe tùnanùmùssan nùssan yelupappù ya tok nùkupù woton pàk Wakù Akkwalù meluntàlù yai.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.