John 13:1 - Patamuna New Testament Revised

¹ Usentaka'nàppà pàk Uta'lettàntok weyu wapiya. Jesus uya ittupù màlà sàlà wolù nàmà tùuya molopai tùkàipùnù piyak tùwennappo weyu uyàkkassak. Mùkyamlo tùponalok pe tùwessan pùnùnmappù ya màlà, molopai tok pùnùnmatok tùuya yenpoikappù ya màlà tùwemattok wenukapù ponalà.

John 13:1 ပူးပေါင်းရင်းမြစ်များ

Matthew 26:45

Màlàyau iwennappoppù màlà ta'lon kon piyak molopai tok pàk, “Ewe'nùmù kon pàk lùppù na' messatàu, molopai àwàlàkkapù kon pàk? Yentàk kon! Kàyik Mumu tùtok àli ku'nàinan kappon yàmùk yemyak yattai uyàssak man.

Matthew 28:20

Molopai tok menupatàik tamù'nawolon “Mùkuttàik” teppù uya lùppù àpàkù'nokon maimu yawàlà tok wettoppe. Apyau'nokon wechi màlà tàwàlà pata weyu wenukattok ponalà,” teppù ya.

Luke 22:53

Apyau'nokon ku Katù yùwùk tau wechippù wei kaichalà, molopai uyachiche ewechi kon pùn. Tùse sàlà pata weyu àponalok kon pe man, molopai ewalupà meluntàlù ponaloppe,” teppù.

Luke 9:51

Mei pùla Jesus yanùntok epùn pona weyu wechi pàk, ichenumenkappù iwessalattàppù te'ma tawà Jerusalem pona tùutà pàk.

John 11:55

Molopai Usentaka'nàppà pàk Uta'lettàtok yattai wenappù mei pùla, molopai tukkan kon kappon yamùk utàppù echikili pata yamùk poi Jerusalem pona, Uta'lettàntok Weyu wapiya ekolùkaik wekolùkantok yeselu yawàlà.

John 12:23

Jesus uya tok maimu yeikuppù, “Wei uyàssak man, mùkkàlà Kàyik Mumu, yanùntok namantok patassek yak yattai.

John 13:29

Tùulon kon usenumenkappù masapùla Judas wechi pùlayatta yen yesappe pàk, Jesus uya, “Yà'làlà ye'mata uta'lettàntok woton wapùla entuppa'nokon ilepata,” te pe tok uya yekamappù.

John 13:3

Jesus uya ittuppù màlà tùkàipùnù uya tamù'nawolon meluntà tùsak temyak, molopai nàlà tùuyàssak Katù winàpai molopai tùwennappo Katù piyak.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 14:28

Yetasak auya'nokon man àpàkù'nokon, ‘Utà sàlà molopai uyàpù tu'ma màlà apyakù'nokon,’ teuya. À'nùn kon pe ukupù auya'nokon yau, autauchinpa kon màlà Ukàipùnù piyak utà pàk, masapùla Ukàipùnù mùkkàlà eke uyentaino.

John 14:31

Tùse sàlà wolù yawon kon uya Ukàipùnù kupù uya u'nùn pe ittutoppe, tamù'nawolon kupù uya yekamappù ya yawàlà. “E'wuluukatàk kon, utànpai'nokon sàlà motapai,” teppù Jesus uya tùnenupa ton pàk.

John 16:28

Ukàipùnù piyapai uyàpùppù màlà wolù yak. Sàlà yattai wolù nàmà uya sàlà molopai wennappo Ukàipùnù piyak,” teppù Jesus uya.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 17:16

Wolù ponaloppe pùla tok wechi màlà, iponalok pe pùla wessai'nùk kasa.

John 17:26

Eyittutoppe tok uya ikussak uya man molopai eyittutoppe lùppù là tok uya ikupù pàk wechi màlà, u'nùnmatok auya wettoppe tok yau, molopai Iulà pe tok yau wettoppe,” tukaik iwàpùlemappù.

John 17:5

Ukàipùnù! sàlà pe eyemlotopo kùnonkak namantok patasek yak, wolù weppyattà wapiya apyau unamatok patassek yak.

John 18:4

Jesus uya màlà tamù'nawolon yà'là pe là tùkuttok ittuppù. Iitàppù tok piyak molopai tok pàk, “Ànùk yeneiche messatàu?” teppù ya.

John 19:28

Sàlà tùpo Jesus uya tamù'nawolon wenukassak ittuppù màlà. Katù Maimu yau iwe'menukasak lùppù kasa iwekkuttoppe, “We'nakklipayaik,” teppù ya.

John 2:13

Usentaka'nàppà yattai Jew yamùk uta'lettà weyu wechi mei pùla yau, Jesus utàppù Jerusalem pona.

John 6:4

Jew yamùk uta'lettàtok Usentaka'nàppà lùppù pàk winàkàik iwechippù.

John 7:30

Màlàpàk kulu anachipai tok wechippù, tùse ànù'là uya temyatù tùlùppù ipàk pen, masapùla iweyu uyàssak pùla lùppù iwechi pàk.

John 7:6

Màlàpàk Jesus uya tok pàk, “Uweyu uyàssak pùla lùppù man, tùse eweyu kon màlà tàwàlàlà molonnà.

John 8:20

Sàlà màlà Jesus uselupappù Katù yùwùk tawon pùlayatta pilittok yak motau echii'ma, tùse ànù'là uya yachippù pen, masapùla iweyu uyàssak pùla lùppù iwechi pàk.

Romans 8:37

Kane, sàlà yamùk yau tamù'nawolon yentaikatok yesappe we'nà'nokon man mùkkàlà Kùlaik kù'nùnmanàippù'nokon yau!

1 Corinthians 1:8

Meluntà pe àkupù kon ya màlà iwenukapù ponalà, iwalai pen nà pùla ewechi kon pa Kùyepulu kon Jesus Christ weyu yattai.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

Hebrews 6:11

Wakù kupù pàk ewettok kon ewemapù kon kaichalà iche kulu ina man iwenukappù ponalà, màlà enpen ewettok kon wechi ailon pe yenpoikanài pe.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.

1 John 4:19

Uchi'nùnman nokon tùwessen masapùla Katù uya wapiya pùnùnmansakù'nokon pàk.

Revelation 1:5

Molopai màlà wechi màlà Jesus Christ winàpaino pe. Ailon pe tùuselupasen Katù pàk, mùkkàlà wapiya iwuluukasak lùppù weli'nàtok yapai. Non po kin pe tùwessan yepulu pe nàlà nai'nùk. Kù'nùnmanài'nokon mùkkàlà, molopai tùmùnù winà kùpùikattàsak kon ya màlà kùmakuyi kon yapai.