John 12:5 - Patamuna New Testament Revised

⁵ “Yà'là pe iwechi pàk sàlà appoi'nan kalapa chilanma pùn, 300 pe chilùpa pun kaichalà molopai entuppa'nokon yemyak pùlayatta tùtoppe?” teppù.

John 12:5 ပူးပေါင်းရင်းမြစ်များ

Matthew 18:28

“Kàyik utàppù màlà molopai tùtonpa apyoto yepoloppù ya, tùwomanàippù tukke pùla là pùlayatta. Yachippù ya molopai i'mùtumlukuppù ya. ‘Uwomatok auya ye'makà!’ teppù ya ipàk.

Matthew 20:2

Tùwe'wotokomasan ye'matok tùuya konekappù ya màlà tok pokonpe, tewin chilùpa pun iwessek kasa là. Molopai tok yeunokoppù ya e'wotokomase tù'mà yak.

Luke 12:33

Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Luke 6:41

“Yà'là pe ken iwechi pàk àtonpa kon yenu yawon elekkwà kulu apok ippunuppù yennài nan amyamlo, tùse eke yei tense pùla eyenu kon yau?

John 12:4

Tùse Jesus nenupa ton tonpa, Judas Iscariot, usàulàmappù, Simon mumu Jesus yeimippo woton.

John 12:6

Judas uya wateppù màlà, entuppa'nokon pàk tùusentuppa pàk pùla, tùse amak pe tùwessen pe tùwechi pàk, molopai pùlayatta yen tùpyawon yapai tùwepùikattàsek pàk.

John 13:29

Tùulon kon usenumenkappù masapùla Judas wechi pùlayatta yen yesappe pàk, Jesus uya, “Yà'làlà ye'mata uta'lettàntok woton wapùla entuppa'nokon ilepata,” te pe tok uya yekamappù.

John 6:7

Philip uya imaimu yeikuppù, “200 pe chilùpa pun uya kùyali ye'ma pen ima'le iwechi, tamù'nawolon kon uya yonpatoppe,” tukaik.